Monday, November 23, 2009

အဖေနဲ့အမေ။၃၀။

ညီလာခံတက်ဖို့ အဖေသွားဖို့ အမေက ပြင်ဆင်ပေးနေမှ ကျွန်တော်တို့ အားလုံး သိခဲ့ရတာက အရင်အခေါက်တွေက နိုင်ငံခြားသွားဖို့ အနောက်တိုင်းဝတ်စုံကို ပေါပေါလောလော ချုပ်ဝတ်ခဲ့ပြီး အခုတစ်ခေါက်မှသာ ကောင်းကောင်းကန်းကန်း ဝယ်ဝတ်ပြီးသွားမယ်ဆိုတာကိုပါဘဲ........ကျွန်တော်တို့ အားလုံး ဒီအတွက် စိတ်မကောင်းလည်း ဖြစ်ခဲ့ကြရတယ်.......သားသမီးတွေ လိုချင်တာဆို အမေ့လောက် အလိုမလိုက်ရင်တောင် လိုက်လျောခဲ့တဲ့ အဖေက နိုင်ငံခြားသွားတိုင်း အဝတ်အစားကို ပေါပေါပဲပဲသာဝယ်ဝတ်ခဲ့ပြီး သူများနိုင်ငံမှာလည်း အပျော်အပါး မရှိလှပဲ ပေးထားတဲ့ နေရာကနေ သူတို့အစီအစဉ်နဲ့ လိုက်ပို့တဲ့နေရာကလွဲလို့ ဘယ်မှမသွားခဲ့ပဲ အစစအရာရာခြိုးခြံခဲ့တယ်ဆိုတာ အဖေကိုယ်တိုင်ရယ် အဖေ့သူငယ်ချင်းတွေရဲ့မင်းတို့အဖေကတော့ စံပါပဲကွာ ဆိုပြီး အပြောတွေရယ်ကြောင့် ကျွန်တော်တို့ သိခဲ့ရတယ်.......အဖေသွားကာနီးမှာတော့ ဘာမှထွေထွေထူးထူး ပြောပလောက်တဲ့ ပြသနာရယ်လို့ မရှိပေမယ့် အဖေ့အမေ မေကြီး အနည်းငယ် နာမကျန်းဖြစ်တာရယ် အဖေ့ကို ဂုဏ်ပြုပွဲလုပ်ရမယ်ဆိုပြီး အိမ်မှာ အရက်လာသောက်တဲ့ အဖေ့သူငယ်ချင်းတွေက အရက်မသောက်တတ်တဲ့ အဖေ့ကို ဇွတ်တိုက်လို့ ၃ ပက်လောက်သောက်ပြီး မူးနေတဲ့ အဖေ နဲ့ အရက်ဇွတ်တိုက်တဲ့ အဖေ့သူငယ်ချင်းတွေကို စိတ်ဆိုးပြီး အမေက အဖေ့ကို ပြသနာရှာတာရယ်ပဲ ရှိခဲ့တယ်........

အဖေ နိုင်ငံခြားသွားဖို့ ရန်ကုန်ကို ကြိုပြီးသွားမယ့်နေ့မှာတော့ အိပ်ရာက မထနိုင်တဲ့ မေကြီးနဲ့ ဘဘ ကို သွားကန်တော့ခဲ့ပြီး ကျွန်တော်တို့လည်း အဖေပြန်လာမှလာကြိုမယ် သားတို့ဖို့ လက်ဆောင်မမေ့နဲ့ ဆိုပြီး အဖေ့ကို နှုတ်ဆက်ခဲ့ကြတယ်.......နေမကောင်းဖြစ်နေတဲ့ မေကြီးကို ကြည့်ပြီး မျက်နှာသိပ်မကောင်းလှတဲ့ အဖေ့ကိုလည်း အမေက စိတ်ချပါ ကျွန်မ ပြစ်မထားပါဘူး စိတ်မပူပါနဲ့ လို့ပြောခဲ့သလို အပြောအဆိုတွေ ခံထားရပြီး နည်းမျိုးစုံလုပ်ခံထားရပေမယ့် မျက်နှာမလွှဲထားတတ်ပဲ ကြင်နာတတ်တဲ့ အမေ့စိတ်ကို သိလို့ အဖေလည်း စိတ်တော့ အတန်ငယ်အေးချမ်းခဲ့ပုံပါပဲ........(တစ်ကယ်ဆို ပါတ်ဝန်းကျင်က ပြောသမျှ ...သနားပါတယ် အဖေကြီးအမေကြီး နဲ့မောင်နှမတွေကတော့ ဆင်းရဲနေတာ သူ့မိန်းမ က ချုပ်ကိုင်ထားလို့လေ သူတို့မိသားစုကျတော့ တောက်ပြောင်ပြီး နေနေတာ ယောင်္ကျားမိသားစုကျတော့ တစ်ပြားတစ်ချပ်မှ ကျတာမဟုတ်ဘူး ဆိုတဲ့ စကားတွေအောက်မှာ လူမသိသူမသိ လိုအပ်သမျှ ထောက်ပံ့နေတဲ့ အမေက မေကြီးနဲ့ အဖေ့မောင်နှမသားချင်းတွေရဲ့ အကောင်းပြောလည်း မခံရ ပါတ်ဝန်းကျင်ရဲ့ အကောင်းပြောလည်း မခံရဆိုတော့ စိတ်တော့ တော်တော်နာခဲ့တယ်.......အဖေ့မောင်နှမတွေကလည်း အရင်က ဆဲချင်သလိုဆဲထားခဲ့ပြီး လိုအပ်ရင်သာ လူမသိသူမသိ အမေ့ဆီလာလို့ မျက်ရည်လည်ရွှဲနဲ့ အစ်မ လုပ်ပါအုန်းလုပ်ပြီး အမေကလည်း အေး အေး ငါ့ညီမရယ် ငါ့မောင်ရယ် နဲ့သူပါ ရောငိုနေတတ်ပေမယ့် ရပြီး ပြန်သွားရင် သူတို့က ကွယ်ရာမှာ အမေ့ကိုဆဲ အမေက ဒါတွေကို ပြန်ကြားပြီး နောက်တစ်ခါလာကြည့် ငါနဲ့တွေ့မယ်ပြော တစ်ခါ သူတို့ပြန်လာပြန်ရင်လည်း မျက်ရည်လည်ရွှဲပြန်ဖြစ် နဲ့ လုံးလည်ချာလည်လိုက်ပြီး နောက်ဆုံး အမေ့ဒေါသက ဆွေမျိုးသံယောဇဉ်ဆိုတာမရှိတဲ့ ပါတ်ဝန်းကျင်ပေါ်ကိုသာရောက်ရောက်နေခဲ့တော့တယ်.......)

အဖေ အိမ်ကထွက်သွားပြီး ၃ ရက်လောက်အကြာမှာ မေကြီးက ကောက်ကာငင်ခါ ရောဂါတွေ သည်းလာသလို အမေပဲ အစစအရာရာ ပြုစုစောင့်ရှောက်ခဲ့ရတယ်......အမေ အစွမ်းကုန် ပြုစု စောင့်ရှောက်ပေမယ့် မေကြီးကတော့ ရောဂါတွေသည်းလျက်ကပဲ သားလေးရေ လူလေးရေ နဲ့ အဖေ့ကိုတလို့ အမေ့လက်ပေါ်မှာပဲ ဆုံးပါးသွားခဲ့တော့တယ်.......မေကြီးကွယ်လွန်ကာနီးမှာ အမေ့ကို ငါ့ကို ခွင့်လွှတ်ပါ ဟယ် လို့ ပြောသွားသလို အမေဟာလည်း ဖြေမဆည်အောင်ကိုပဲ ငိုနေခဲ့တော့တယ်........ထို့အတူ မကြာခင်ရက်ပိုင်းအတွင်း နိုင်ငံခြားသွားရတော့မယ့် အဖေ့ကိုလည်း မသွားတော့ဖို့ နဲ့ မေကြီးရဲ့အသုဘ အမှီ အိမ်ကိုပြန်လာဖို့ အဖေ့ဆရာအရင်းဆီ ဖုန်းဆက်ပြီး အဖေ့ကိုပြောဖို့ အမေဇွတ်ပြောခဲ့ပေမယ့် အဖေ့ဆရာက ဒီလိုလုပ်လို့ဘယ်ဖြစ်မှာလည်း ဆုံးတဲ့လူလည်းဆုံးသွားပြီး နောက် အခုခရီးကလည်း အရေးကြီးတယ် ဝန်ကြီးကိုယ်တိုင်လွှတ်တာ လုံးဝမပြောပါနဲ့ ဆိုပြီး ဘဘဦးမောင်ရဲ့ အမျိုးသမီး အန်တီလှကပါ အမေ့ကို ဖြောင်းဖျခဲ့တယ်.........အမေကတော့ အဖေ့ကိုသိပ်ချစ်လှတဲ့မေကြီးနဲ့ အပြင်မှာသာ ထုတ်မပြောတယ် သံယောဇဉ်ကြီးတဲ့ သူ့အမေ ရဲ့ နောက်ဆုံးခရီးကိုလည်း အဖေ့ကို တွေ့စေချင်ခဲ့တယ်.........နောက်ဆုံးမှာ အားလုံးရဲ့ ဝိုင်းဝန်းဖျောင်းဖြမှုနဲ့ အဖေ့ကို မပြောပါဘူးဆိုတဲ့ ကတိ အမေပေးခဲ့လိုက်တယ်.......

အဖေသွားတဲ့အချိန်က ကျွန်တော်တို့ ကျောင်းဖွင့်စလည်းဖြစ်တဲ့အပြင် သားသမီး ၁၃ ယောက်တောင်မွေးထားတဲ့ မေကြီးရဲ့ သားအငယ် အဖေ့ညီ ကျွန်တော်နဲ့ဆို ဦးလေးတော်တဲ့ တိုးတိုးကလည်း ကျွန်တော်နဲ့အတန်းတူဖြစ်လို့ မေကြီးရဲ့ အသုဘမှာ လိုက်ပို့ဖို့ ဆရာမတွေက ကျောင်းသားတွေကို အလှူငွေကောက်ပေမယ့် ကျွန်တော့်မေကြီးရဲ့ အသုဘလို့မပြောပဲ တိုးတိုးအမေရဲ့အသုဘလို့သာ ပြောခဲ့ကြတယ်........တစ်ကယ်ဆို အဖေ့မောင်နှမတွေထဲမှာ တိုးတိုးနဲ့ အဖေ့အောက်က ညီကို ကျွန်တော် ခင်မင်တွယ်တာပြီး သူတို့ကလည်း အေးဆေးလို့ အမေ့ ရဲ့အချစ်ဆုံးဖြစ်ပြီး မေကြီးတို့ အိမ်မှာတစ်ခုခုလိုအပ်ရင် သူတို့ကတစ်ဆင့် အမေ ပေးခဲ့တယ်ဆိုတာတော့ ဘယ်သူမှမသိခဲ့ဘူး........အခန်းထဲမှာ ဆရာမက တိုးတိုးရဲ့ အမေဟာ သနားစရာကောင်းကြောင်း တိုးတိုးတို့ဟာ ချို့တဲ့ကြောင်းစတဲ့ မဆီမဆိုင်တွေပါ ပြောသလို ကျွန်တော့်ကိုပါ စောင်းငဲ့ကြည့်ပြီးပြောနေခဲ့တဲ့အတွက် ကျွန်တော့်အဖွားတော်တယ်လို့ သိထားတဲ့ ကျောင်းသားတွေကပါ ကျွန်တော့်ကို ကွက်ကြည့်ကွက်ကြည့်လုပ်နေပေမယ့် ကျွန်တော်ကတော့ အေးဆေးပါဘဲ........တိုးတိုးကလည်း ကျွန်တော့်ကို အားတုံ့အားနာ ကြည့်နေပြီး ဘာမှမဖြစ်ပါနဲ့ကွာလို့ပြောခဲ့တယ်.........

မေကြီး ဆုံးတဲ့အချိန်ကနေစလို့ အသုဘချမယ့် အချိန်ထိ အမေပဲ အစစအရာရာ လုပ်ပေးခဲ့ပြီး လူကိုယ်တိုင်တော့ အမေ မသွားခဲ့ဘူး........တိုက်တိုက်ဆိုင်ဆိုင် မေကြီးကို အသုဘချမယ့်နေ့ကလည်း အဖေ နိုင်ငံခြားကို သွားမယ့်နေ့ဖြစ်သလို မေကြီးကို မီးသဂြိုလ်တဲ့အချိန်ကလည်း အဖေ့လေယာဉ် ထွက်တဲ့အချိန် ဖြစ်နေခဲ့တယ်........နိုင်ငံခြားထွက်ကာနီး လေယာဉ်ကွင်းကနေ ဖုန်းဆက်တတ်တဲ့ အဖေ့ကို အိမ်မှာ အမေတစ်ယောက်ပဲ ထိုင်စောင့်နေခဲ့ပြီး ကျွန်တော်တို့ကတော့ မေကြီးရဲ့ အသုဘကို လိုက်ပို့ခဲ့ကြတယ်.......သားသမီးတွေ တစ်ယောက်မှ အိမ်မှာ မရှိကြဘူးလား ဘယ်သွားနေတာလည်း ဆိုပြီး အဖေ မေးခဲ့တယ်လို့ အမေက ကျွန်တော်တို့ကို ပြန်ပြောခဲ့တယ်........အဖေကတော့ မေကြီးဆုံးတာကိုလည်း မသိသလို သူလေယာဉ်ထွက်တဲ့အချိန်မှာ မေကြီးကို မီးသဂြိုလ်မယ်ဆိုတာကိုလည်း မသိပဲ အမေနဲ့ဖုန်းပြောပြီး နိုင်ငံခြားကို ထွက်သွားခဲ့တယ်.........

မေကြီးရဲ့ အသုဘမှာလည်း အမေလိုက်မလာတာ ကောင်းပါတယ်လို့ ကျွန်တော်တို့ မောင်နှမတွေ တွေးခဲ့ကြတယ်......လူတိုင်းက ကျွန်တော်တို့ နှိပ်စက်လို့ မေကြီးသေရသလို အကြည့်မျိုးတွေနဲ့ ကွက်ကြည့်ကွက်ကြည့်ကြည့်နေကြပြီး သူတို့အမေက လုံးလုံးမကြည့်ဘူးလေ သနားပါတယ် ဒီမိန်းမကြောင့် အခုလည်း သူ့ယောင်္ကျား ကိုတောင် မပြောဘူး တော်တော်လောဘကြီးတဲ့ မိန်းမ လို့ ပြောနေသံတွေကို ကြားခဲ့ရတယ်........ဘဘကတော့ အမေ့ကိုသိပ်ချစ်ပြီး စိတ်တို စိတ်ဆတ်တဲ့ ကျွန်တော့်ကို
ငါ့မြေး သည်းခံနော် ဘာမှမဖြစ်နဲ့ ဘဘသိပါတယ် ဆိုပြီး စိတ်မကောင်းဝမ်းနည်းသံနဲ့ ပြောသလို အစ်ကိုနဲ့အစ်မကလည်း အငယ်ကောင် ဘာမှမဖြစ်နဲ့နော် မေကြီး အသုဘ အေးဆေးပြီးပစေ အဖေလည်း မရှိဘူး အဖေသနားပါတယ် ဆိုပြီး ပြောကြလို့ ကျွန်တော်လည်း ကြိတ်မနိုင်ခဲမရ နဲ့ သချိုင်းကုန်းမှာ မေကြီးရဲ့ဈာပနပြီးတဲ့အထိ နေခဲ့ရတယ်..........

ကျွန်တော်လည်း ဒေါသထွက်ထွက်နဲ့ အိမ်ကိုပြန်လာပြီး စိတ်တိုဒေါသကြီးပြီး ဒေါသထွက်ရင် တစ်ခုခုလုပ်လိုက်ရမှ ကျေနပ်တဲ့ ကျွန်တော့်အတွက် ရိုက်ခွဲဖို့ အမေစုပေးထားတဲ့ ပုလင်းတွေကို ဒေါသတစ်ကြီး ရိုက်ခွဲနေခဲ့တော့တယ်........ပြီးတော့မှ အမေ့ကို လူတွေမကောင်းဘူး အမေ အထူးသဖြင့်ဒီဒေသကလူတွေ ဆိုပြီး ကျွန်တော် ဒေါသတစ်ကြီးအော်ဟစ်နေခဲ့တော့တယ်.......အစ်ကိုနဲ့အစ်မကလည်း အိမ်ရောက်မှ ဟုတ်တယ်အမေရာ သားတို့သမီးတို့ မေကြီး ဈာပန ပြီးအောင်သာနေခဲ့တာ ဆက်ကိုမနေချင်တော့တာလို့ အမေ့ကိုပြောခဲ့ကြတယ်........အမေကတော့ အမေသိတယ် ဒါပေမယ့် အခုအချိန်မှာ အမေ အဖေ့ကို သနားတာ တစ်ခုပဲ ရှိပါတယ်လို့ ပြောခဲ့တယ်.......ကျွန်တော်ကတော့ စိတ်ထဲမှာ တော်တော့်ကို မကျေနပ်ခဲ့သလို နောက်တစ်ခါ အမေ့ကို ပြောလို့ကတော့ ငါနဲ့တွေ့မယ်လို့ ပဲ စိတ်ထဲမှာ ကျုံးဝါးနေခဲ့မိတယ်........

ကျွန်တော်ကလည်း ပါတ်ဝန်းကျင်ရဲ့ ရိုက်ခတ်မှုတွေရယ် ကျွန်တော့်ရဲ့ဆိုးတတ်တဲ့ ဥာဉ်ရယ် သူများတွေ စက်ဘီးနဲ့တစ်မျိုး ခြေကျင်တစ်မျိုး ကျောင်းကားနဲ့တစ်မျိုးကျောင်းတက်နေရတဲ့အချိန်မှာ ဆိုင်ကယ်ကြီး ဗြူးဗြူးဗျဲဗျဲ နဲ့ ကျောင်းလာနေတဲ့ ကျွန်တော့်ကို ဝိုင်းမြင်ပြင်းကပ်တာရယ်ပေါင်းပြီး ဆက်ဆံကြတဲ့အခါ ကျွန်တော်ကလည်း ပိုပြီးခပ်ရွတ်ရွတ်ပဲ ပြန်နေခဲ့တယ်........မေကြီးအသုဘဆုံးပြီးတစ်လကျော်လောက်အကြာမှာ
အစည်းအဝေးသွားတက်ရတဲ့ အဖေလည်း ပြန်လာတော့မှာမို့ ကျွန်တော် တို့မိသားစုလည်း အဖေ့ကို သွားကြိုဖို့ ရန်ကုန်ကို ထွက်လာခဲ့ကြတယ်........ဒီတစ်ခေါက် အဖေ့ကိုသွားကြိုတာမှာ အဖေနဲ့တွေ့ရင် အဖေ့ကို မေကြီးဆုံးတဲ့အကြောင်း ဘယ်လိုပြောမလဲဆိုတာကို အမေ့ကို ကျွန်တော်တို့ မေးခွန်းထုတ်ခဲ့ကြပေမယ့် အမေကတော့ အမေ မသိသေးဘူး လို့ပဲပြန်ပြောခဲ့တယ်.........ကျွန်တော်တို့ လည်း အမေပြောတဲ့အချိန် အဖေ ဘယ်လိုများ ဖြစ်မလည်း မသိဘူး ဆိုတဲ့ အတွေးတွေနဲ့ ရန်ကုန်ကိုရောက်လာခဲ့ပြီး အဖေပြန်လာမယ့်နေ့မှာ လေဆိပ်မှာ အဖေ့ကိုသွားကြိုခဲ့ကြတယ်.......

လေယာဉ်ပေါ်ကဆင်းလာပြီး ကားပေါ်မှာ ပါလာတဲ့ အဖေက ကျွန်တော်တို့ကို အားရဝမ်းသာ လက်လှမ်းပြနေသလို ကျွန်တော်တို့လည်း အဖေ့ကို မြင်လိုက်ရတဲ့အချိန်မှာတော့ ကျန်တာတွေမေ့ပြီး ဝမ်းသာအားရဖြစ်ခဲ့ကြတယ်..........တည်းတဲ့နေရာ ရောက်တဲ့ အချိန်မှာ အဖေပါလာတဲ့ လက်ဆောင်တွေကို လုနေကြပြီး အဖေက အမေ့ကို ဦးလေးနဲ့ဒေါ်ဒေါ် တို့ကော နေကောင်းလား .....အမေကော သက်သာရဲ့လားလို့ အမေ့ကို မေးတဲ့အချိန်မှာတော့ ကျွန်တော်တို့လည်း တန့်ကနဲဖြစ်သွားခဲ့တယ်.......အမေကတော့ ကောင်းကြပါတယ် ရောက်ရောက်ချင်းကြီး ဒါတွေပြောမနေနဲ့ တစ်လကျော် မြန်မာစာ မစားရတာ စားချင်နေမှာပေါ့ ခဏအနားယူ ပြီးရင် ထမင်းသွားစားရအောင် ဆိုပြီး ပြောခဲ့တယ်.......အဖေ အိပ်ရာပေါ် ခဏလှဲနေတဲ့ အချိန်မှာ ကျွန်တော်တို့ အမေ့ကိုကပ်ပြီး အမေ ဘယ်လိုလုပ်မလဲ ဆိုတော့ အေးပါ အမေ ပြောပါ့မယ် အဖေကလည်း စိတ်ထိန်းနိုင်တဲ့လူပါ သားတို့သမီးတို့ စိတ်မပူနဲ့ပဲ ပြန်ပြောခဲ့တယ်......ညဦးပိုင်း အဖေ နိုးလာတဲ့အချိန်မှာ ကျွန်တော်တို့ မိသားစု ထမင်းသွားစားကြဖို့ ထမင်းဆိုင်ကြီးတစ်ဆိုင်ကို သွားခဲ့ကြပြီး အမေက
မိသားစု လိုက်စားရအောင် သီးသန့်ခန်းယူလိုက်ဆိုပြီး အဖေ့ကို ပြောခဲ့တယ်........

စားစရာသောက်စရာတွေ မှာပြီး ကျွန်တော်တို့ကလည်း အဖေ့ကို အဖေ့အတွေ့အကြုံတွေ ဝိုင်းမေးနေတဲ့အချိန်ထိ အမေကတော့ စားစရာမှာလိုက် ကျွန်တော်တို့ မေးနေတာကို နားထောင်လိုက်နဲ့ ခပ်အေးအေးပဲ နေနေသလို စားစရာတွေ ရောက်လာပြီး စားကြသောက်ကြတဲ့ အချိန်ထိ အဖေ့ကို ဘာတစ်ခွန်းမှ မပြောခဲ့ဘူး.......စားပြီးတဲ့ အချိန်မှာ ရုပ်ရှင်ကြည့်ချင်တယ်ဆိုပြီး ပြောထားတဲ့ ကျွန်တော့်ကို ရုပ်ရှင်လိုက်ပြဖို့ အဖေက ကတိပေးခဲ့ပြီး ဒါပြီးရင် ရုပ်ရှင်သွားကြည့်မယ် ဆိုပြီးတော့ ပဲ ပျော်ပျော်ရွှင်ရွှင် စကားတွေပြောနေခဲ့ကြတယ်.........အားလုံးစားသောက်ပြီး ခဏနေလောက်တဲ့အချိန်မှာမှ အမေက အဖေ့ကို ပြီးတော့လည်းပြီးသွားပါပြီ စိတ်မကောင်းလည်း မဖြစ်ပါနဲ့ မပြောမပြီးမိုလို့ ပြောရအုန်းမယ် လို့အဖေ့ကို ပြောတဲ့အခါ ကျွန်တော်တို့နဲ့ ပျော်ပျော်ရွှင်ရွင်ဖြစ်နေတဲ့ အဖေက ကဲပါ မင်းကလည်း စကားတွေခံမနေစမ်းပါနဲ့ ပြောစမ်းပါလို့ ပြောလိုက်တဲ့အချိန်မှာ အမေက ဒေါ်လေး ဆုံးသွားပြီလို့ တန်းပြောလိုက်တော့တယ်.......အဖေဟာ ချက်ခြင်းပဲ မျက်နှာအုံ့မှိုင်းသွားပြီး စကား အင်မတန်များနေခဲ့တဲ့ ကျွန်တော်အပါအဝင် အကုန်လုံးကလည်း တိတ်ဆိတ်သွားခဲ့တယ်......ခဏအနေမှာ ဘယ်တုန်းက ဆုံးတာလည်း အေးအေးဆေးဆေးပဲလား အားလုံးအဆင်ပြေရဲ့လားလို့ အဖေမေးခဲ့ပြီး အမေကတော့ အဖေ့ကို အကြောင်းစုံရှင်းပြခဲ့သလို ကျွန်တော်တို့ဒေါသထွက်ခဲ့ကြရတဲ့ အကြောင်းတွေပါ ပြောပြခဲ့တယ်.......ဆူဆူညံညံနဲ့ ပျော်ပျော်ရွှင်ရွှင် စကားတွေ များနေတဲ့ ကျွန်တော့်ကိုလည်း အဖေက သနားသွားခဲ့တယ် နဲ့တူပါတယ်......အေးလေ အေးအေးဆေးဆေးနဲ့ မီးစာကုန် ဆီခန်း ပဲ ဘယ်တတ်နိုင်မှာလည်း မင်းလည်း အကောင်းဆုံးလုပ်ပေးခဲ့တာပဲ ဆိုပြီး ပျော်ရွှင်နေတဲ့ ကျွန်တော်တို့ စိတ်ကို ညစ်နွမ်းသွားမှာ ဆိုးတဲ့ အဖေက သူ့ ခံစားချက်ကို မျုိုချခဲ့တော့တယ်........

Saturday, November 21, 2009

ဝါးတီးအဆက်

ကျောက်ကျော

ဝါးတီး

ကျွန်တော်ကိုယ်တိုင် ချက်ထားတဲ့ ဟာတွေပါဗျာ.....သူများအိမ်ရှင်မတွေ ချက်ပြုတ်ပြီးတင်နေတာမြင်တော့ ကျွန်တော် အိမ်ရှင်ထီးလည်း တင်ချင်လာတယ်.......


သဘောင်္သီးထောင်း ကြက်အရည်ခွံကျော်


အသုတ်စုံ





ကော်ပြန့်ကြော်



အိုးဘဲဥ ကြာဇံကြော်




အိုးဘဲဥ ..ဝက်သားတုတ်ထိုး



တုတ်ထိုး ...ကြာဇံကြော်




ဝက်မုန်ညင်း



ကျောက်ကျော






ထမင်းကြော် ကင်မ်ချီ ပြည်ကြီးငါးအကွင်းကြော် ကြက်ဥပေါင်း (ပြည်ကြီးငါးကတော့ ၀ယ်ကြော်တာ)



ကြက်ဆီထမင်း




ရှမ်းခေါက်ဆွဲ



နန်းပြားသုတ်



မုန့်ဟင်းခါး



ကြေးအိုး


တို့ဖူးသုတ်



တို့ဖူးကြော်



တို့ဖူးတုံး



ဝက်ခေါက်ကင်


ကောက်ညှင်းကင် နှမ်းထောင်း










အကုန်ကိုယ်တိုင် ချက်ပြုတ်ထားတာ ...သားရည်ကျချင်ရင် ထပ်တင်ပေးအုန်းမယ် ဟဲဟဲ

Monday, November 16, 2009

မိုးသည်းထဲမှာ

ဒီနှစ်အပိုင်းအခြားတွေမှာ ကျွန်တော် စိတ်ဓာတ်ကျနေမိသလို နေထိုင်နေရတဲ့ ပါတ်ဝန်းကျင်ကို အင်မတန်ပဲ စိတ်ပျက်နေမိတယ်......။

နှစ်တစ်နှစ်ကုန်သွားတိုင်း ငါ ဘာတွေလုပ်ခဲ့သလဲ ငါဘာတွေ တိုးတက်ခဲ့သလဲ ငါဘာအမှားတွေ ပြုခဲ့မိသလဲ ရှေ့လျှောက်ငါဘယ်လို ဆက်ပြီး ချီတက်မလဲဆိုတာကို မေးခွန်းထုတ်ပြီး ကိုယ့်ကိုယ်ကိုယ် ဝေဖန်ပြီး ပြန်သုံးသပ်တတ်တဲ့အတိုင်း ဒီနှစ်ပိုင်းတွေမှာ သုံးသပ်ကြည့်တော့ နေထိုင်ကျင့်သုံးတဲ့ စိတ်ဓာတ်အနည်းငယ်တိုးတက်လာတာကလွဲလို့ ကျန်တာကတော့ နတ္ထိပါဘဲ....။

လူမှုပါတ်ဝန်းကျင် အနေနဲ့ကတော့ အင်မတန်ကို စိတ်ပျက်မိတယ်....။ ဘယ်လောက်တောင် အောက်တန်းကျလိုက်တဲ့လူတွေများလည်း မသိဘူးဆိုပြီး စဉ်းစားလို့ မတွေးတတ်အောင်ပဲ ခံစားမိတယ်....။ ကျွန်တော် ကျင်လည်ဖြတ်သန်းခဲ့ရတဲ့ ကျွန်တော့်မွေးရပ်မြေ မြန်မာပြည်မှာ မြန်မာတွေ အများကြီးကြားထဲမှာတောင် ဟိုလူကတော့ ဘယ်လို ဒီလိုကတော့ ဘယ်လို မင်းကငါ့ကို ဘာပြောတာလည်းကွ ငါက မင်းကိုဘာပြောတာကွ ဆိုတာတွေ မရှိခဲ့ဖူးဘူး.....။ သူတစ်ပါးနိုင်ငံရောက်မှ မြန်မာတွေကြားထဲမှာ အချင်းချင်း မနာလိုဝန်တိုမှုတွေ မဟုတ်တန်းတရား စကားတွေ သူ့မိန်းမငါဖောက်ပြန် ငါ့မိန်းမသူဖောက်ပြန် သူ့ယောင်္ကျားငါဖောက်ပြန် ငါ့ယောင်္ကျားသူဖောက်ပြန် တွေ သိပ်များလှပြီး သာမာန် စားသောက်ဆိုင်လုပ် အချိန်တန် အိမ်ပြန် တောင်စဉ်ရေရာမရစကားတွေပြော သူ့ချောက်တွန်း ကိုယ့်ချောက်တွန်း နဲ့ နိုင်ငံသားဖြစ်ရင်ပြီးပြီ ဆိုတဲ့ မျှော်လင့်ချက်သာရှိတဲ့လူတွေကြားမှာ ကျွန်တော် အင်မတန်ပဲ စိတ်ပျက်မိတယ်.......။

ကျွန်တော့်ကိုယ်ကျွန်တော် တစ်ဖြည်းဖြည်း စိတ်ဓာတ်ရေးရာ နိမ့်ပါးသွားတယ်လို့လည်း ခံစားမိတယ်.....။မင်းကိုတော့ ဘာပြောနေတယ် ဘယ်သူကတော့ ဘယ်လိုပြောလိုက်တာဆိုတဲ့ မဟုတ်တန်းတရား စကားတွေနောက်မှာ ဒေါသက ကပ်ပါလာသလို ဒေါသရဲ့နောက်မှာ တုံ့ပြန်ခြင်းလည်းပါလာတဲ့အတွက် ငါဟာ ငါ အင်မတန်မုန်းတဲ့လူတွေနဲ့ တစ်တန်းတစ်စားထဲ ဖြစ်နေပါလားလို့လည်း ခံစားမိလာခဲ့တယ်......။ မမှန်ကန်တဲ့လူတွေကြောင့် မမှန်တရားတွေဟာ အမှန်တရားကို ဖုံးလွှမ်းသွားခဲ့မယ်ဆိုရင် ပြောသင့်ပြောထိုက်တဲ့အချိန် ပြောသင့်ပြောထိုက်တဲ့လူတွေကို ပြောသင့်ပြောထိုက်တဲ့ စကားပြောကိုပြောရမယ် အရာခပ်သိမ်း သည်းခံရမည်ကိုကား ငါမဆိုလို ဆိုတဲ့ ဘုရားဟောအတိုင်း နေပြန်တော့လည်း တစ်ဖက်မှာ ခွေးဟောင်တိုင်း ထကြည့်နေရင် အိပ်ရေးပျက်တယ် သူဟောင်လို့ကိုယ်ပြန်ဟောင်ရင် ကိုယ်ပဲခွေးဖြစ်မယ်ဆိုတာတွေကလည်း ရှိသေးတဲ့အတွက် စိတ်တွေ ရှုပ်ထွေးလွန်းလှတယ်.....။ခွေးတွေ တစ်နေကုန် ဟောင်ခံနေရတာ လည်း စိတ်ပင်ပန်းလှတယ်.....။


ငယ်ငယ်က ခံစားချက်တွေနဲ့ ရိုင်းစိုင်းကြမ်းတမ်းလှပြီး မိဘရဲ့ဆိုဆုံးမမှုရယ် မွေးချင်းတူ အစ်ကိုကြီးရဲ့ ယဉ်ကျေးသိမ်မွေ့မှုတွေကိုရယ်ကို အားကျလို့ ပြုပြင်ပြောင်းလဲခဲ့အပြီး ဘဝရဲ့ ခပ်ကြမ်းကြမ်းရိုက်ခတ်မှုတွေခံရပြီးတဲ့နောက်မှာ မာန်တွေ အထိုက်အလျောက်ကျခဲ့သလို ပိုလို့ နှိမ့်ချ ဝပ်ဆင်းသွားမိတဲ့ ကျွန်တော့်အတွက် ပါတ်ဝန်းကျင်ဆိုးမှာ နေတာကြာလာတဲ့အခါ တစ်ချိန်က ပြစ်ခွာထားတဲ့ ရင့်သီးရိုင်းစိုင်း ကြမ်းတမ်းမှုတွေ ကိုယ်တွင်းမှာ ပြန်လည်ပူးကပ်လာသလို အဲဒါတွေရဲ့အစွန်းတစ်ဖက်မှာ ကျွန်တော်ဟာ လူတွေနဲ့ ဝေးရာ ခပ်ဝေးဝေးမှာပဲ နေလိုစိတ်ဆန္ဒသာ ပြင်းပြနေပြီး အခါခပ်သိမ်း တစ်လကိုးသီတင်း အိမ်ထဲမှာပဲ တိတ်တိတ်ဆိတ်ဆိတ်အေးအေးချမ်းချမ်း နေနေမိသလို လူတွေကို ဖယ်ခွာပြီး တော်ရုံလူကို ယုံကြည်စိတ် မရှိတော့ပဲ အားလုံးနဲ့ ခပ်ကင်းကင်းသာနေမိတော့တယ်......။

ကိုယ်တိုင် မိသားစုကို ခင်တွယ်သလို ခင်တွယ်လှတဲ့ မိဘနဲ့ အဝေးဆုံးကို ရောက်နေရတဲ့ အပြင် အနီးဆုံးပြန်ရောက်အောင် ဖန်တီးဖို့ ခက်ခဲလှပြီး ကိုယ်တိုင် ငြီးတွား ငိုယိုအော်ဟစ်နေရပေမယ့် ကျွန်တော်ဟာ အခါခပ်သိမ်း သူများမိသားစု အရေးတွေမှာ အတတ်နိုင်ဆုံးကူညီခဲ့သလို အဲဒီက ရလိုချင်တဲ့ အကျိုးအမြတ်ဟာ ကျွန်တော့် မိဘ နဲ့ ပြန်နီးစပ်ပြီး အမိနဲ့အဖကို အရင်လို အလုပ်အကျွေးပြုရပါလို၏ ဆိုတဲ့ ဆုတောင်းသာ ဖြစ်ခဲ့တယ်.....။ဒါပေမယ့် ကျွန်တော့်ရဲ့ဆုတောင်းသံ မဆုံးသေးခင်မှာ အင်မတန် စိတ်ပျက်ရွံစရာကောင်းလှတဲ့ အတင်းအဖျင်းစကားတွေကြားမှာ ကျွန်တော်ဟာ ခွေးလုံးလုံးဖြစ်ရတဲ့နောက်မှာတော့ ကျွန်တော့်ဒေါသ အဆုံးထိ ရောက်သွားသလို မှားနေတယ်ဆို ဝန်ချတောင်းပန်ဖို့ ဝန်မလေးဆို မှန်နေတယ်ဆိုရင် ရဲရဲရှေ့တက်ရဲတဲ့ ကျွန်တော့်စိတ်ရဲ့စေရာအတိုင်း ဘာ့ကြောင့် ကျွန်တော့်ကို ဒီစကားတွေပြောခဲ့သလဲ ကျွန်တော်ဟာ ဘာများအမှားတွေလွန်ကျူးခဲ့သလဲ ဘယ်လိုစိတ်ထား ဘယ်လိုသဘောနဲ့များ ခင်ဗျားတို့ ကျွန်တော့်အပေါ်ကို ဒီစကားတွေ ထွက်ခဲ့ရသလဲလို့ လူကြားသူကြားမှာ မေးခွန်းထုတ်တဲ့ အခါ ခေါင်းငိုက်စိုက်ချလို့ နေခဲ့ပြီး ငြိမ်သက်တိတ်ဆိတ်နေခဲ့ကြတယ်........။

ခင်ဗျားတို့ ကျွန်တော့်ကို ရက်ရက်စက်စက်တွေပြောခဲ့တာပဲ ကျွန်တော့်သိက္ခာ ရစရာမရှိဘူး ကျွန်တော်ဟာ ခွေးလုံးလုံးဖြစ်နေပြီ ဒါပေမယ့် ခင်ဗျားတို့ကို ကျွန်တော် ဘာလုပ်ပေးခဲ့တာ ခင်ဗျားတို့သိတယ် ခင်ဗျားတို့ ပြောတုန်းက ပြောပြီးအခုမှ ခေါင်းငိုက်စိုက်ချမနေနဲ့ ကျွန်တော့်မျက်နှာကို တည့်တည့်ကြည့်စမ်းပါ ဆိုပြီး ပြောခဲ့တဲ့ နောက်မှာ အရာအားလုံးက ငြိမ်သက်တိတ်ဆိတ်....။ကျွန်တော် လှည့်ထွက်ခဲ့တယ်....။ ကျွန်တော် အနိုင်ရခဲ့ပြီ လို့ ကျွန်တော်ထင်သလို ကျွန်တော်ဟာ သိက္ခာနဲ့လူလုပ်နေတယ်ဆိုတာကိုလည်း ကျွန်တော်ပြနိုင်ခဲ့ပြီးပြီ ......။။။ကျွန်တော် ထင်ခဲ့တယ် ထင်ခဲ့တယ်.....။

အဲဒီနောက် သိပ်ကိုရိုင်းစိုင်းတဲ့ကောင် လူကြီးကို လူကြီးမှန်းမသိ အင်မတန်မောက်မာတယ် စကားပြောတာ အင်မတန် စော်ကားမော်ကား ပြောတယ်ဆိုတဲ့ စကားသံတွေရဲ့နောက် ကျွန်တော့်ကို မဖတ်သေးတဲ့ လူတွေကပါ ဘသားယိမ်းလိုက် ရောယိမ်းလိုက် အစားတစ်လုတ်ကျေးဇူးကြောင့်ပဲဖြစ်ဖြစ် ဖောက်ပြန်မှုတစ်ခုကြောင့်ပဲဖြစ်ဖြစ် ကျွန်တော်ဟာ လူယဉ်ကျေးတွေ ကြားထဲက လူရိုင်းစိုင်းတစ်ယောက်ပမာ သူတို့ကတစ်ဖန်ရုပ်လုံးသွင်း လာကြတဲ့အခါ ကျွန်တော်ဟာ နာသထက် နာလာတော့တယ်.....။ယုတ်မာကောက်ကျစ် အောက်တန်းကျတဲ့ လူတွေကြားမှာ ကျွန်တော်ဟာ ခွေးလုံးလုံးဖြစ်နေရတာကို တွေးမိလို့ ခပ်ပြင်းပြင်း ရီမိတဲ့အခါတွေလည်း ရှိသလို ခပ်ကြမ်းကြမ်းလည်း တုံ့ပြန်ခဲ့တာတွေလည်း ရှိခဲ့တယ်.......။ထို့အတူ ကျွန်တော်သည် သူတို့နှင့်အတူ အောက်တန်းစား ဆန်နေပြီလားဟု တွေးမိတဲ့အခါမှာတော့ ကျွန်တော့်စိတ်တွေ နက်မှောင်နောက်ကျိသွားမိတော့သည်။

တစ်နေ့နေ့တစ်ချိန်ချိန်မှာတော့ စာရိတ္တဖောက်ပြန်မှုများ လူ့အလေနတ်တောများ လူမှုဖောက်ပြန်မှုများ ပြည့်နှက်နေပြီး ရွှံ့ပုပ်ညွှံအိုင်ကဲ့သို့ အလားသဏ္ဍန်တူနေသော ကျွန်တော်ရောက်ရှိနေသည့် ပါတ်ဝန်းကျင်မှ ကျွန်တော် လွတ်မြောက်နိုင်မည်ဟု မျှော်လင့်နေရင်းသာ မပျော်ရွှင်သော စိတ်နှလုံးဖြင့် ဆက်လျှောက်ရပါအုန်းမည်။

Sunday, November 15, 2009

အဖေနဲ့အမေ။၂၉။

၇ တန်းစာမေးပွဲပြီးတာနဲ့ သေချာပေါက်အောင်မယ်ဆိုတာ သိပြီးဖြစ်တဲ့ အမေက ကျွန်တော့်ကို ငါ့သား ဘာလိုချင်လည်း လို့မေးခဲ့တယ်.......ကျွန်တော်ကလည်း အစထဲက စိတ်ကူးယဉ်ထားတဲ့ သား ဆိုင်ကယ်လိုချင်တယ် အမေ ဆိုင်ကယ်တောင် သေးသေးလေးမဟုတ်ဘူး အမေ့ဆီအလုပ်ကိတ်စနဲ့လာနေတဲ့ လူကြီးစီးတဲ့ အယ်လ်အေ လိုချင်တာဆိုတော့ အမေကလည်း မဆိုင်းမတွ အေး အဖေ့ကိုမပြောသေးနဲ့အုန်း အောင်စာရင်းထွက်တာနဲ့ သားလိုချင်တာ အမေ၀ယ်ပေးမယ်နော် လို့ပြောခဲ့တယ်.......အဖေကလည်း အဲဒီအချိန်ကတော့ အမေ လုပ်ပေးထားတာကို မသိခဲ့ပဲ ကျွန်တော့်စာလုပ်အား ကိုသာ သိခဲ့တဲ့အတွက် အောင်မယ်ကိုမထင်ခဲ့ဘူး......စာမေးပွဲဖြေပြီးတာနဲ့ အိမ်မှာ အဖေနဲ့နေရတာလည်း တင်းကျပ်လွန်းတဲ့အတွက် နွေရာသီ မေမေကြီးတို့ဆီ သွားနေမယ်ဆိုပြီး မေမေကြီးတို့ဆီကို ကျွန်တော် အလည်သွားခဲ့တယ်.......

ကျွန်တော့်အတွက် မေမေကြီးတို့ အိမ်ထောင်စုကြီး ဖရိုဖရဲဖြစ်နေတာကို ခရေစေ့တွင်းကျသိခဲ့ရတဲ့အချိန်ပါဘဲ.......မေမေကြီးတို့ဆီကို ကျွန်တော်ရောက်သွားတဲ့အချိန်မှာ အမေ ထောင်ပေးခဲ့တဲ့ အအေးဆိုင်ကလည်း လူ ကျို့တို့ကျဲတဲ နဲ့ ဆိုင်ကလည်း ခမ်းခမ်းနားနားမရှိခဲ့တော့ဘူး..........အမေ့မောင် နဲ့ အမေ့ညီမ ရဲ့ မလုပ်တတ်မကိုင်တတ်တာတွေပါသလို မေမေကြီးရဲ့ အအေးထဲကို သကြားတွေဒီလောက်ထည့်ရင် ဘယ်လိုမြတ်တော့မှာလည်း ဖာလူဒါထဲကို အဆာပလာတွေသိပ်မထည့်နဲ့လေ သံပုရာရည်တစ်ခွက်ဆို သံပုရာသီးတစ်လုံးပဲထည့်ဖျော်စတဲ့ အလုပ်တွေကလည်း နာမည်ပျက်ခဲ့တာတွေပါခဲ့တယ်.......အမေကတော့ စီးပွားရေးလုပ်ရင် အမြတ်နည်းနည်းယူပြီး များများထွက်အောင် ရောင်းတတ်ပေမယ့် မေမေကြီးကတော့ တစ်ခါထဲ သူဌေးဖြစ်တဲ့ နည်းနဲ့ရောင်းနေတယ်လို့ ကျွန်တော် မြင်မိခဲ့တယ်.........

ဒီကြားထဲ ကြိုကြားကြိုကြား အိမ်မှာ နတ်ပွဲအသေးလေးတွေကလည်း မေမေကြီးက အဆက်မပြတ်ပေးနေတဲ့အတွက် နတ်ပွဲတစ်ခါပြီးတိုင်း ရှိသမျှလေးပါပါသွားတဲ့အတွက် မေမေကြီးတော့ နတ်မသွားပြန်ပြီဆိုပြီး ကျွန်တော်တို့ မောင်နှမ၀မ်းကွဲတွေကြားမှာ ဟာသ တစ်ခုအနေနဲ့ပြောစရာဖြစ်နေခဲ့တယ်........အမေ့ ညီမ ကျွန်တော့်ရဲ့ မာမီကတော့ သူ့အထည်ဆိုင်လေးနဲ့သူ အဆင်ပြေနေပေမယ့် အမေ့အစ်မ အကြီးဆုံး က အိမ်ဆိုင်ဖွင့်ထားပြီး သူ့ယောင်္ကျားနဲ့အဆင်မပြေလှသလို သူ့သားကြီးတွေကလည်း ဆိုးလှတဲ့အတွက် သူတို့အိမ်မှာ ပြသနာတစ်ခုတက်တိုင်း ဆိုင်ကိုပိတ်ထားတတ်ပြီး လာဝယ်တဲ့လူတွေကိုလည်း သူဌေးကုန်ရောင်း မချေမငံဆက်ဆံတတ်လို့ သူတို့ဖွင့်ထားတဲ့ဆိုင်ကလည်း ပစ္စည်းစုံပေမယ့် ရောင်းကောင်းတယ်လို့ သိပ်မရှိလှခဲ့ဘူး.......သူ့ယောင်္ကျား အဖေ့ အစ်ကိုဝမ်းကွဲကလည်း နေ့ရှိသရွေ့ အရက်သောက်နေတတ်ပြီး မူးပြီး ဆဲနေတတ်သလို သူ့သားကြီးတွေကလည်း အဖေကို ပြန်ရိုက်မယ်တွေဘာတွေဖြစ်ကြတဲ့အခါလည်း ရှိတတ်လို့ အင်မတန်စိတ်ညစ်စရာအိမ်ထောင်တစ်ခုအနေနြဲ့ဖြတ်သန်းနေခဲ့ကြတယ်......

အမေ့အစ်မ လတ်ကတော့ ထမင်းဆိုင်နဲ့အဆင်တော်တော်ပြေနေပေမယ့် ရသမျှပိုက်ဆံက ချဲထီ ထိုးတာရယ် သူနဲ့ကျွန်တော့ထက် ၂ နှစ်ကြီးတဲ့ အပျိုပေါက်သူ့သမီးအတွက် အ၀တ်အစားကို မင်းသမီးများဝတ်သလို ပေါ်သမျှဝယ်ဝတ်နေတဲ့အတွက် ရရစားစား ၀ါးဝါးမျိုမျိုဘ၀လိုဖြစ်ခဲ့တယ်.........ဒီပိုက်ဆံတွေများ စုထားရင် ကြီးကြီးတို့ သူဌေးဖြစ်နေပြီ ဘာလို့ချဲထိုးနေတာလည်းလို့ကျွန်တော်မေးရင် သား မသိလို့ ကြီးကြီးတို့က ဂွင်စောင့်နေတာ ပြီးခဲ့တဲ့အပါတ်ကလည်း ပေတံကျိုးသွားလို့ (သူတို့ချဲအခေါ်) တောင်ဖောက်သွားလို့နဲ့ ဘဘကြီးက ပေါက်ဖော်တွေလေသူတို့က ပေါက်မှဖော်တာဆိုတဲ့အတိုင်း ဒီတစ်ပါတ်တော့ သေချာပေါက်ကွာ လွဲသွားတယ် နောက်တစ်ပါတ်သေချာပေါက် သူဌေးဖြစ်ပြီဆိုပြီး ချဲနွံထဲမှာနစ်နေခဲ့တယ်.....တစ်ကယ်တော့ သူတို့အဖြစ်က ငွေထုတ်ကို ဖင်ခုထိုင်ပြီး ငွေထုတ်လိုက်ရှာနေခဲ့သလိုပါဘဲ......

ငွေစက္ကူတွေကိုတရားမ၀င်အဖြစ်ကျေငြာတုန်းက အိမ်ကစက်ဘီး လာယူသွားခဲ့တဲ့ဦးလေးကတော့ လျှပ်စစ်ပစ္စည်းဆိုင်နဲ့ အဆင်ပြေနေပေမယ့် မေမေကြီးတို့ဆီကိုလာလာပြီး တစ်ကျပ်ရတစ်ကျပ်ယူ ငါးမူးရငါးမူးယူနဲ့ ဘာမှမရရင်တောင် အိမ်မှာ ရေသောက်ရင်ကုန်တယ် ဒီကသောက်သွားရင် ငါ့အိမ်က ရေတစ်ခွက်သက်သာတယ်ဆိုတဲ့စိတ်ထားရှိလို့ တစ်ရက် သုံးခေါက်လောက်မေမေကြီးတို့ဆီ မှာ ဘာယူရမလဲလာလာချောင်းတတ်တဲ့သူ့ကို ကျွန်တော် အောချခဲ့ပြီး အံ့သြခဲ့ရတယ်.........အမေ အအေးဆိုင်ကိုထားခဲ့ပြီး ပြန်လာခဲ့ရလောက်အောင် ထိ ဖြစ်ခဲ့ရတဲ့ ပြသနာရဲ့ အဓိက တရားခံလိုဖြစ်နေတဲ့ဦးနိုင်ကတော့ ချင်းပြည်နယ်မှာ တာဝန်ကျနေတဲ့ဦးလေးရဲ့ လုပ်ငန်းခွင်မှာလိုက်ပြီး လက်ဖက်ရည်ဆိုင်ဖွင့်တာ တော်တော်အောင်မြင်တယ်လို့ကြားနေရပေမယ့် မေမေကြီးတို့နဲ့တော့ အဆက်အသွယ်ပြတ်သလောက်ဖြစ်ခဲ့တယ်..........

ကျွန်တော် မေမေကြီးတို့ဆီမှာရှိနေတုန်းမှာပဲ ထမင်းဆိုင်ဖွင့်ထားတဲ့ကြီးကြီး အမျိုးသားနဲ့ မေမေကြီးနဲ့ ရန်ဖြစ်ပြီး ကြီးကြီးသားကြီး သုံးယောက်ထဲက နှစ်ယောက်နဲ့ ကြီးကြီးအမျိုးသားကမေမေကြီးကို ၀ိုင်းရိုက်တဲ့အထိဖြစ်ကြသလို မေမေကြီးကို ၀င်ကာတဲ့ မာမီ့အမျိုးသားလည်း လက်ပါကျိုးသွားခဲ့တယ်.........အဲဒီ့သတင်းတွေကြားလို့ အမေ ရောက်လာခဲ့ပြီး ပြေလည်အောင်တွေဖြေရှင်းပေးခဲ့ပေမယ့် မိဘ စော်ကားတဲ့ သူတို့မိသားစုဟာ အဲဒီနေ့က စလို့ ကံဆိုးမိုးမှောင်တွေ ကျလာခဲ့တာ ဘုမသိဘမသိ အဖေနဲ့အစ်ကိုတွေ ရဲ့နောက်က တုတ်ကလေးကိုင်လို့ ပါခဲ့တဲ့ ကျွန်တော့်ထက်အငယ် ကြီးကြီးသားအငယ်ဆုံးတောင် ဒီနေ့ဒီအချိန်မှာ သေမယ့်အပါတ်စစ်ထဲလိုက်အဖြစ်တွေနဲ့ ကြုံခဲ့ရသလို လူမွှေးလူတောင် တောင် မပြောင်တော့တဲ့အနေအထားတွေဖြစ်ကုန်တာ သိပ်ကြောက်ဖို့ကောင်းခဲ့တယ်........မေမေကြီးနဲ့ရန်ဖြစ်နေချိန်မှာလည်း သူ့အစ်ကို သူ့ညီ သူ့အမေကို အမေတို့မှားမယ်နော် ညီလေးတို့ညီမလေးတို့ မှားမယ်နော် ဆိုပြီး ဇွတ်ဝင်တားခဲ့ပြီး အမေလာချိန်မှာလည်း အမေ့ကို ငိုပြီး အမေတို့အဖေတို့က မိုက်တယ် လေးလေးဆိုပြီး တိုင်တန်းခဲ့တဲ့ အသားဖြူဖြူ နဲ့ ကြီးကြီးတို့နဲ့ စိတ်ထား အသားအရည် ရုပ်ရည်ပါမတူတဲ့ ကြီးကြီးသားအလတ်ကတော့နောင်တစ်ချိန်မှာ အားလုံးထက်ကောင်းစားပြီး သက်တောင့်သက်သာဘ၀ကို ဖြတ်သန်းသွားနိုင်ခဲ့တယ်...........

အဲဒီပြသနာကြောင့် အမေလာခဲ့ရပြီး ကြီးကြီးအကြီးဆုံးရဲ့သားတွေနဲ့ ကြီးကြီးလတ်ရဲ့သားတွေကြည့်ပြီး မဖြစ်ဘူး ဒီတိုင်း ငါ့သားပြန်လိုက်ခဲ့တော့ အောင်စာရင်းလည်းထွက်တော့မှာ ဆိုပြီး အမေကပြန်ခေါ်ခဲ့သလို ကျွန်တော့်ဟာကျွန်တော် ဆိုးတာကဆိုးပေမယ့် အဲလိုကြီးတော့ စိတ်ညစ်တဲ့ကျွန်တော်လည်း အမေနဲ့ ပြန်လိုက်လာခဲ့တယ်........ကျွန်တော် အိမ်ပြန်ရောက်ပြီး သိပ်မကြာခင်မှာပဲ ဆယ်တန်းဖြေပြီး ဦးလေးဆီမှာ ခဏဆက်နေတဲ့ အစ်ကိုလည်း အိမ်ကိုပြန်ရောက်လာခဲ့တယ်.........အစ်ကိုပြန်လာတဲ့နေ့က ကျွန်တော်နဲ့ အမေ အိမ်ရှေ့မှာထိုင်နေတုန်း အစ်မက အမေ အစ်ကိုပြန်လာပြီ ဆိုပြီးအော်ပြီးပြေးထွက်သွားချိန်မှာ မတွေ့ရတာကြာပြီဖြစ်တဲ့ သူ့သားကြီးကိုတွေတွေကြီးကြည့်ပြီး သားရယ် သားရယ်နဲ့ ရှိုက်ကြီးတစ်ငင်ငိုနေတဲ့ အမေ့ကို ကြည့်လို့ ကျွန်တော် သိပ်သနားမိခဲ့တယ်.........ညနေရုံးဆင်းချိန်မှာ အဖေကလည်း သူ့သားကြီးကိုတွေ့လိုက်ရလို့ ၀မ်းသာသွားတဲ့ပုံဖျတ်ကနဲပေါ်ခဲ့ပေမယ့် အမေ့လိုတော့ မဖြစ်ပဲ ငါ့သား ဖြေနိုင်လားစာမေးပွဲ လို့ လောက်သာ မေးခဲ့တယ်.........

အစ်ကိုရောက်လာပြီးတဲ့နောက်မှာ အရင်ကထက်စာရင်စိုစိုပြေပြေ ဖြစ်လာသလို အဖေနဲ့အမေအတွက် စိတ်ချမ်းသာစရာ ကောင်းမယ့်အဖြစ်လေးတွေလည်း ဆက်တိုက်ဖြစ်လာခဲ့တဲ့ကာလပါဘဲ.........ကျွန်တော်တို့အောင်စာရင်းတွေထွက်ချိန်မှာ ကျွန်တော်တောင် သွားမကြည့်ရသေးခင် အဖေက အောင်စာရင်းကြည့်လာပြီး ပြုံးစိစိနဲ့ အိမ်ပြန်လာခဲ့တယ်........ကျွန်တော်ကတော့ အောင်မှာသိပြီးဖြစ်လို့ သွားတောင်မကြည့်သလို အမေကလည်း အောင်စာရင်းအကြောင်း အသံမဟခဲ့ပေမယ့် သနားစရာအဖေကတော့ သူတစ်ယောက်ထဲ ကျွန်တော့်အောင်စာရင်းကို ရင်ခုန်ခဲ့တာပါဘဲ..........အဲဒီနေ့ ထမင်းစားချိန်မှာပဲ အမေကစပြီးတော့ ကဲ ကျုပ်သားတော့အောင်ပြီ ကလေးကိုမေး သူဘာလိုချင်တာလည်း ပြီးရင် တော့်ကတိအတိုင်း ၀ယ်ပေးလိုက်ပေတော့ဆိုတော့ ပြုံးစိစိနဲ့အဖေက သားကဘာလိုချင်လည်းလို့ကျွန်တော့်ကိုမေးခဲ့တယ်........အကြံကြီးထားတဲ့ကျွန်တော်ကလည်း မဆိုင်းမတွ ဟိုလူကြီးစီးတဲ့ ဆိုင်ကယ်လိုချင်တာ ဆိုတော့ အဖေတစ်ခါထဲ မျက်နှာကိုမဲတက်သွားခဲ့တယ်........


အဖေပြောတာ အဲလောက်ကြီးမဟုတ်ဘူးလို့ အဖေကချက်ခြင်းပြောသလို အမေကလည်း မျက်နှာချက်ချင်းညိုသွားတဲ့ ကျွန်တော့်ကိုကြည့်ပြီး တော် ကတိပေးထားပြီးသား အဲလိုမလုပ်နဲ့ ဆိုတော့ အဖေက အင်းအဲ လုပ်နေပေမယ့် အစ်ကိုနဲ့အစ်မကလည်း ၀ယ်ပေးလိုက်ပါ အဖေရာ သူအဲဒီဆိုင်ကယ်ကို တစ်အားကြိုက်နေတာ သူလည်း နိုင်နေတာပဲ အဖေလည်းကတိပေးထားတာပဲကို ဆိုပြီး ၀ိုင်းပြောကြလို့ နောက်ဆုံး အီလည်လည်နဲ့ အင်းဆိုတဲ့ သက်ပြင်းရှည်ကြီးနဲ့ အဖေ က အမေ့ကို ၀ယ်ခွင့်ပေးခဲ့တယ်...........အမေကလည်း ကြိုက်လွန်းလို့ ကားတောင်မစီးပဲစီးနေတဲ့ သူ့မိတ်ဆွေ ဆိုင်ကယ်ကို မရမက ရောင်းဖို့ ပြောထားပြီးသား ဖြစ်လို့ နောက်နေ့မှာပဲ ငွေချေပြီး ကျွန်တော့်လက်ထဲ ဆိုင်ကယ်ရောက်လာခဲ့တယ်.........အမေ့မိတ်ဆွေကတော့ မျက်နှာ နာနေရပြီး စီးပွားအဆက်အဆံတွေလည်းရှိလို့သာရောင်းလိုက်ရတယ် ရောင်းပြီးတဲ့အချိန်ထိ ငါ့တူ သပ်သပ်ရပ်ရပ်စီးကွနော် ဦးလေး ကြိုက်လွန်းလို့ သေချာဝယ်ထားတာလို့ပြောခဲ့ပြီး သူ့လက်ထဲက တစ်ဖိတ်ဖိတ်လက်နေတဲ့ ဆိုင်ကယ်ကြီး ကျွန်တော့်လက်ထဲရောက်လာခဲ့တယ်.........နောက်နေ့မှာ ချက်ခြင်း ရောက်လာခဲ့တဲ့ ဆိုင်ကယ်ကြီးကိုကြည့်ပြီး ဟင်း မင်းတို့ဟာကလည်း ကြိုလုပ်ပြီးသားကြီးကွာ ချက်ခြင်းကိုဝယ်လိုက်တော့တာပဲဆိုပြီး မချိပြုံး ပြုံးပြီး ပြောခဲ့တယ်...........

ကျွန်တော့်ကို ကြည့်ပြီး အကြံကြီးနေတဲ့ အစ်ကိုကလည်း သူ ဆယ်တန်းအောင်ခဲ့ရင် အဖေ့ကို ပူဆာရမယ်ဆိုပြီး ကြိတ်ကြံ နေတာကိုတော့ အဖေမသိခဲ့ဘူး........ကျွန်တော့်ကို ဆိုင်ကယ်ဝယ်ပေးပြီးမကြာခင် ၀န်ကြီးကခေါ်တယ် ချက်ခြင်း လာခဲ့ပါဆိုတဲ့အတွက် အဖေ ရန်ကုန်ကို ထွက်သွားခဲ့ရတယ်.........တစ်ခါမှလည်း ဒါမျိုး မရှိဘူးတဲ့အတွက် အမေ က ဘာများဖြစ်လို့လည်း မသိဆိုပြီး ဖြစ်နေခဲ့ပေမယ့် ရန်ကုန်ရောက်ပြီး ၀န်ကြီးနဲ့တွေ့အပြီးမှာ စိတ်ပူနေမယ့် အမေ့ကို အဖေက ဖုန်းလှမ်းဆက်ပြီး နိုင်ငံခြားသွားရမယ် ၀န်ကြီးကိုယ်တိုင် လွှတ်တာ ဆိုပြီး ပြောခဲ့တဲ့အတွက် အမေနဲ့အတူ ကျွန်တော်တို့ သိပ်ပျော်ခဲ့ကြရတယ်.......အဖေ ၇န်ကုန်ကနေပြန်လာတဲ့နေ့မှာတော့ ပျော်ယုံတင်မက ကျွန်တော်တို့အဖေ့အတွက်ဂုဏ်ယူခဲ့ကြရတယ်........အဖေတို့ဌာနနဲ့ ဆိုင်တဲ့ နိုင်ငံတစ်ကာအဖွဲ့အစည်းတစ်ခုက
ပထမဆုံးအကြိမ် မြန်မာပြည်ကို ဖိတ်တဲ့အချိန်မှာ ၀န်ကြီးက အဖေ့ကို လွှတ်ဖို့ ပြောခဲ့တာပါဘဲ.........

နိုင်ငံတစ်ကာအဖွဲ့အစည်းတွေမှာ လုပ်နေတဲ့သူတွေအဖို့တော့ သာမာန်ကိတ်စတစ်ခုသာ ဖြစ်လောက်ပေမယ့် ဆင်းဆင်းရဲရဲနဲ့ ချို့တဲ့စွာရုံးကန်ခဲ့ရတဲ့အဖေ့အတွက်တော့ အနောက်နိုင်ငံကြီးတစ်ခုမှာ ကျင်းပတဲ့ ညီလာခံကို ပထမဆုံးဖိတ်ခံရတဲ့ နိုင်ငံကိုယ်စားလှယ်အနေနဲ့သွားခွင့်ရတာ အင်မတန် ဂုဏ်ယူစရာပဲလို့ ကျွန်တော် ယနေ့အချိန်ထိ ထင်မှတ်ဆဲပါပဲ........အဖေတို့ ဌာနအသိုင်းအ၀ိုင်းမှာလည်း ဒီညီလာခံကို သွားချင်လို့ အဖေ၇န်ကုန်ကပြန်ပြီးတဲ့နောက်မှာ လူကြီးတွေကို သူတို့သွားရဖို့ ၀င်ကပ်ကြသလို အဖေ့အထက်လူကြီးနဲ့ အမ်ဒီတို့ကအစ ၀န်ကြီးရဲ့ ပီအက်စ်အိုကတစ်ဆင့် အဖေဟာ ပြောလောက်အောင် အရည်အချင်းနဲ့ ဒီညီလာခံကို သွားဖို့ အရည်အချင်း မရှိကြောင်း ဖြစ်နိုင်မယ်ဆိုရင် အရည်အချင်းရှိတဲ့သူတွေကို လွှတ်သင့်ကြောင်း ပြောခဲ့ကြတယ်လို့ ပြန်ကြားခဲ့ရတယ်......(ကျွန်တော်တို့သာ သွားသင့်ပါတယ်လို့ ပြောလို့မကောင်းတတ်လို့သာမပြောတယ် ငါတို့သွားရမှာ ဒါမျိုးက ဆိုပြီး ကြိတ်မနိုင်ခဲမရ ပြောတာတွေကိုလည်း နောက်ပိုင်းမှာပြန်ကြားခဲ့ရတယ်)..ဒါပေမယ့် ဒါဟာ ၀န်ကြီးအမိန့်ပဲ ၀န်ကြီးကိုယ်တိုင်ရွေးတာ ပြင်လို့မရဘူး ဆိုတာတစ်ခုထဲနဲ့ပဲ အားလုံးက ပျက်ပြယ်ခဲ့တယ်......

Friday, November 6, 2009

အဖေနဲ့အမေ။၂၈။

အဖေပြောတဲ့ မင့်သား ၇ တန်းတောင် အောင်မှာမဟုတ်ပါဘူး ကွာဆိုတဲ့စကားက ကျွန်တော့်အတွက်တော့ ဘာမှမဖြစ်ပေမယ့် အမေ့အတွက်တော့ ဆတ်ဆတ်ခါနာရသလို ဖြစ်ခဲ့တယ်......အမေအလိုလိုက်လွန်းလို့ ဖြစ်ရတယ်ဆိုတဲ့ သဘောလည်း သက်ရောက်နေတဲ့အတွက် အမေက ကျွန်တော့်အလိုကို လိုက်ပြီး စာလည်းသေချာပြပေးဖို့ အစ်မ ယောင်္ကျားကို တာဝန် သေချာပေးခဲ့တယ်.......ကျောင်းမှာလည်း ပညာတတ်နည်းနဲ့ နှိပ်စက်ခံနေရတဲ့အပြင် ကျူရှင်ဆိုရင်လည်း ကျွန်တော် မဆိုးပဲ အေးဆေး စာသင်နေပေမယ့် မင်းရှိလို့ ငါ့ကျူရှင် လူမလာတာဆိုပြီး အဖေ့သူငယ်ချင်းအမျိုးသမီး ကျွန်တော့်ဆရာမ ပြောလိုက်တဲ့ နှစ်ကစလို့ ဘယ်ကျူရှင်မှမသွားတော့တဲ့ ကျွန်တော့်အတွက် ယောက်ဖ ကသာ စာမပြခဲ့ရင် စာတစ်လုံးမှတောင် သိမယ့်ပုံမပေါ်သလို တစ်ကယ်လည်း အောင်မယ့်ပုံမပေါ်ခဲ့ပါဘူး.........ယောက်ဖက ကျွန်တော့်ကို စာပြနေခဲ့ပြီး ကျွန်တော်ကလည်း အနည်းငယ် စိတ်ပါဝင်စားစွာ သင်ခဲ့ပေမယ့် အပြင်မှာ ဆိုးတဲ့ အကျင့်ကတော့ မပျောက်ပဲ ဆက်ပြီး ဆိုးနေခဲ့တုန်းပါဘဲ....တစ်ခါတစ်လေ ယောက်ဖကို ပါ ဇွတ်ဆွဲခေါ်ပြီး အဖေဆူရင် သူပါ ပါတယ် လုပ်တတ်လို့ သူကိုယ်တိုင်လည်း ဘယ်နားနေလို့ နေလိုက်ရမှန်း မသိဖြစ်ခဲ့ရတဲ့ အခါတွေလည်း ရှိခဲ့တယ်........


အဖေ့မှာလည်း အလုပ်ရဲ့ စိတ်ဖိစီးမှုတွေနဲ့ ကျွန်တော့်ကို ကောင်းသည် ဆိုးသည် အရင်လို သိပ်မပြော သိပ်မဆူနိုင်တော့ပေမယ့် ကျွန်တော့်ရဲ့ စာလုပ်အားကို ကြည့်ပြီး ဘယ်လိုအောင်မှာလည်းကွာ အောင်မယ့်ပုံမပေါ်ဘူးဒီတိုင်းဆို စသဖြင့် အမေ့ကို ပဲ မဲဆူနေခဲ့တော့တယ်........အမေကလည်း အဖေ ဒီလိုပြောတိုင်း တော်ကလေးကို ဒီလိုမပြောပါနဲ့ အောင်မှာပေါ့ ကျွန်မသား ဒီလောက် ဥာဏ်ကောင်းတာ ကြက်တူရွေးစာအန်သလို အန်နေမှ စာရတာမဟုတ်ပဲ စသဖြင့် ပြန်ပြန်ပြောခဲ့တယ်......အဖေနဲ့ အမေရယ် ကျွန်တော်ရယ် လုံးလည်ချာလည် လိုက်နေတဲ့ ကာလမှာပဲ တစ်ရက်မှာ ဘဘကြီး မေမေကြီးနဲ့ အစ်ကို သွားနေတဲ့ ချင်းပြည်နယ်က ဦးလေး အဖေနဲ့အမေဆီကို ဆိုင်းမဆင့်ဗုံမဆင့်ရောက်လာခဲ့တယ်.........အမေကတော့ ဘဘကြီး မေမေကြီး အပြင် မတွေ့ရတာ ကြာပြီဖြစ်တဲ့ သူ့မောင်ကို တွေ့ရလို့ ၀မ်းတွေသာပြီး ကြိုဆိုခဲ့သလို သူ့မောင်ဆီမှာ ရောက်နေတဲ့ သားကြီး အကြောင်းကိုလည်း မေးနေခဲ့တယ်.......

ဘဘကြီး မေမေကြီး နဲ့ ဦးလေးက အမေနဲ့ စကားပြောနေခဲ့ပြီး အဖေ ပြန်လာတဲ့ အချိန်မှာ ဘဘကြီးက ငါ့သမီးနဲ့ သား အဖေ စကားပြောစရာရှိတယ် အဖေတို့ ဒီနေ့လာတာ အိမ်ကိတ်စပဲ လို့ပြောလိုက်တဲ့အချိန်မှာ အမေက ဘာအိမ်ကိတ်စလည်း အဖေ လို့ ပြန်မေးခဲ့တယ်.......အခု အဖေတို့ မြေနေရာမှာ ငါ့သမီးတို့ အိမ်ဆောက်ပေးခဲ့တယ် အဲဒါကြောင့် ခုရှုပ်မှနောင်ရှင်း ငါ့သမီးကို တစ်ခန်းပေးမယ် အဲဒီတစ်ခန်းကိုလည်း ငါ့သမီးမောင် ကိုလေးက ၀ယ်ချင်တယ်ဆိုလို့ တစ်ခါထဲ ကိုလေးပါ ခေါ်ပြီးလာခဲ့တာပဲ ဆိုပြီး ဘဘကြီးက အမေ့ကို ချီပြီးတုတ်ပြီး ပြောခဲ့တယ်.......အဖေကတော့ ကျွန်တော့် အနေနဲ့ကတော့ ဘာမှပြောစရာမရှိပါဘူး ဦးလေးတို့ ဒေါ်ဒေါ်တို့ သမီးနဲ့ပဲ ပြောပါ သူ့သဘောအတိုင်းပါဘဲ ကျွန်တော် ၀င်လည်း မပြောပါရစေနဲ့ လို့ပြောခဲ့ပြီး အမေကတော့ ရင်ထဲမှာ နာနေတဲ့ အရီနဲ့ပဲ ရီနေခဲ့ပြီး ကျွန်မ အစထဲက ရလိုစိတ် ယူလိုစိတ်နဲ့ လုပ်ပေးခဲ့တာမဟုတ်ဘူး ဆိုတာ ပြောခဲ့ပြီးပြီ အခု အဖေတို့ အမေတို့က ဇွတ်ပေးနေတော့လည်း ယူရတာပေါ့ ဘယ်လောက်ပေးမှာလည်းဆိုတော့ ဦးလေးက ၀င်ပြီး အင်မတန် နည်းတဲ့ ဈေးနှုန်း အမေ့ကိုပေးခဲ့တယ်........ဦးလေး ဈေးစကားပြောပြီးတာနဲ့ မေမေကြီးက တော်ပြီပေါ့ ဒီလောက်ပဲ ကျေနပ်လိုက် နင်လည်း လောဘတွေကြီးမနေနဲ့ ဆိုပြီး အမေ့ကိုပြောခဲ့တယ်........အမေကတော့ ဒေါသလည်း မထွက်တော့ပဲ အမေရယ် ကျွန်မ လောဘကြီးရင် အခု အိမ်ကြီးတောင်ဖြစ်မလာသလို ဒီစကားတွေတောင် ပြောနေစရာမလိုတော့ဘူးဆိုပြီး ဦးလေး ပေးတဲ့ ဈေးအတိုင်းပဲ ရတယ် အဲဒီအတိုင်းပဲ ပေးခဲ့ဆိုပြီး ယူခဲ့ပြီး နောက်မှာ ဘဘကြီး တို့က အမေနဲ့ ဒီအိမ်ကြီးဟာ ဘာမှမသက်ဆိုင်ဘူးဆိုတဲ့အကြောင်း စာချုပ်စာတမ်းနဲ့ ချုပ်ဆိုပြီး ဦးလေး ပိုင်သွားပြီဖြစ်တဲ့အကြောင်းပါ စာချုပ်ချုပ်ခဲ့ကြတယ်.......

ကျွန်တော့် စိတ်ထဲမှာလည်း မေမေကြီးတို့ဘဘကြီးတို့က အမေ့အပေါ် လုံးလုံး မကောင်းပါလား ဆိုတဲ့အတွေး စ၀င်တဲ့ အချိန်ပါဘဲ........အဖေကတော့ ယနေ့အချိန် ကျွန်တော် အသက်ကြီးလာတဲ့အချိန်ထိ အဲဒီအကြောင်းတွေပြန်တွေးလိုက်ရင် အံ့သြရလောက်အောင် တစ်ခွန်းမှဝင်မပြောပဲ ခပ်မဆိတ်သာနေခဲ့တယ်.......အမေ စိတ်မကောင်း ၀မ်းနည်းတာကနေ ဒေါသ ဖြစ်ပြီး ပြောနေဆိုနေရင်တော့ ကိုယ်က သားသမီး ၀တ္တရားကျေပွန်အောင် နေတာပဲကွာ အကျိုးမယုတ်ပါဘူး ပြောမနေပါနဲ့ ငရဲကြီးပါတယ် ဆိုပြီးပဲ ဖျောင်းဖြခဲ့တယ်.........(စိတ်ကြီးတဲ့ အမေကတော့ ဦးလေးပေးသွားတဲ့ အိမ်ရောင်းရငွေပိုက်ဆံ ကို သတ်သတ်ဖယ်ပြီး သိမ်းထားခဲ့ပြီး ကျွန်တော် ၈ တန်းအရွယ် မေမေကြီး အလှူ ပေးတဲ့အချိန်မှာ အလှူထည့်ဝင်ငွေဆိုပြီး ပြန်ပေးခဲ့တယ်)..........တစ်ကယ်ဆို မေမေကြီးတို့ နဲ့ အမေ ဒီလိုဖြစ်နေတဲ့အချိန်မှာ အဖေ့အနေနဲ့လည်း အလုပ်မှာ အဆင်ပြေလှခဲ့တာ မဟုတ်ခဲ့ဘူး........အထက်လူကြီးရဲ့ ခုတစ်မျိုး တော်ကြာတစ်မျိုးလုပ်ခိုင်းတဲ့အပြင် အဲဒီအချိန်က အဖေတို့ဝန်ကြီးရဲ့ မဖြစ်နိုင်ပဲ ခိုင်းတဲ့ စီမံကိန်းတွေကြောင့် အဖေ ၀န်ထမ်းဘ၀မှာ အဖေ တော်တော် စိတ်ညစ်ခဲ့ရတဲ့ ကာလတွေပါဘဲ.......

အဖေအလုပ်ကနေအိမ်ကို ပြန်ရောက်တိုင်း မဖြစ်နိုင်တာတွေ လုပ်ခိုင်းနေတယ်ကွာ ၀န်ကြီးပြောသမျှ ခေါင်းညိမ့် သူကိုယ်တိုင်လည်း မဖြစ်နိုင်မှန်းသိတယ် ဒါကို ၀န်ကြီးရှေ့မှာ ခေါင်းတွေညိမ့်ပြီး ငါတို့ကို ပြန်ခိုင်းနေတယ် ဆိုပြီး အမေ့ကို ပြန်ပြီး ပြောပြနေတတ်ခဲ့တယ်.........အဆိုးဆုံးကတော့ အဲဒီကာလမှာ အဖေတို့လုပ်ငန်းသဘောအရ ဘယ်လိုမှမဖြစ်နိုင်တဲ့ စီမံကိန်းတွေကို ၀န်ကြီးက လုပ်ခိုင်းခဲ့တာပါဘဲ.........၀န်ထမ်းဖြစ်တဲ့ အဖေလည်း အထက်အမိန့်အရ လုပ်ရပေမယ့် မဖြစ်နိုင်ဘူးဆိုတာလည်း ကြိုသိပြီး အချိန်ကုန် လူပန်း ဖြစ်တယ်လို့ သတ်မှတ်ပြီး အဖေကိုင်ရတဲ့ စီမံကိန်းကို စရုံသာစပြီး ဆက်မလုပ်ခဲ့ဘူး........ကျွန်တော်အတန်းတင် စာမေးပွဲ ဖြေကာနီးအချိန်မှာပဲ အဖေတို့ ၀န်ကြီး ရဲ့ သူလုပ်ခိုင်းထားတဲ့ စီမံကိန်းတွေ တစ်နိုင်ငံလုံးကို လှည့်စစ်ဖို့ ခရီးစဉ်စခဲ့တယ်.......ရန်ကုန်ကနေ အဖေတို့ဝန်ကြီး စထွက်ထွက်ချင်းပဲ ပထမဆုံးရောက်တဲ့နေရာက အဖေ့လို စီမံကိန်းတာဝန်ယူထားတဲ့အရာရှိကို တစ်ထိုင်ထဲ ဖြုတ်တဲ့ သတင်းစကြားခဲ့ရတယ်.......အဲဒီနောက်မှာတော့ ဘယ်နေရာက ဘယ်သူတွေ ပြုတ်သွားပြီ ဘယ်သူတွေ ရာထူးချခံလိုက်ရပြီဆိုပြီး ဆက်တိုက် ကြားနေရပေမယ့် အဖေကတော့ ခပ်အေးအေးပဲ နေခဲ့တယ်.........အဖေတာဝန် ကျတဲ့ နေရာကို ၀န်ကြီး ရောက်ကာနီးမှာ အမေက အဖေ့ကို စိုးရိမ်တစ်ကြီး ဘယ်လိုလုပ်မလဲ မေးခဲ့ပေမယ့် အဖေကတော့ ဖြစ်မှမဖြစ်နိုင်တာကွာ ငါ့တို့ထက်ပဲ ပိုသိရအုန်းမလား ငါတို့က ပညာရှင် သူက ပညာရှင်မှမဟုတ်တာ မေးလည်း အမှန်အတိုင်းပြောလိုက်ရုံပဲ ဖြုတ်တော့လည်း ပြုတ်ပေါ့ကွာ ဘယ်တတ်နိုင်မလည်းလို့ ပဲ အမေ့ကိုပြန်ပြောခဲ့တယ်.......

အဖေ တာဝန်ကျတဲ့နေရာကို ၀န်ကြီး ရောက်လာတဲ့အချိန်မှာ အဖေနဲ့ မတွေ့ရသေးခင် စီမံကိန်းနေရာကို ဖြတ်လာခဲ့တဲ့ ၀န်ကြီးက ရောက်ရောက်ချင်း ဒီစီမံကိန်းတာဝန်ကျတဲ့ကောင်ကို ခုချက်ခြင်းခေါ် ငါတွေ့မယ်ဆိုပြီး အဖေ့ကို တန်းခေါ်ခဲ့တယ်.........အဖေတို့ရဲ့ အမ်ဒီ နဲ့ အဖေ့အထက်လူကြီးက အစ သေချာပေါက် အဖေတော့ အလုပ်ပြုတ်ပြီ လို့တထစ်ချ တွေးခဲ့တယ်.........အဖေ့စီမံကိန်းကလည်း သူများ တွေလို မဖြစ်ညစ်ကျယ် လုပ်ထားတာကိုမဟုတ် ဟာလာဟင်းလင်း နဲ့ ဘာမှကို လုပ်မထားတဲ့အတွက် ပုံမှန် ကြည့်ရင်တော့ ၀န်ကြီးစိတ်နဲ့ဆို သေချာပေါက်ကို ပြုတ်မယ့် ကိန်းပါဘဲ.........အဖေ ၀န်ကြီးရှေ့ကို ရောက်တဲ့အချိန်မှာ ၀န်ကြီးက ဒေါသတစ်ကြီးနဲ့ မင်းက ငါ့ကိုအာခံတာလား ပြောစမ်းဟေ့ကောင် ဘာကိတ်စ မလုပ်တာလည်းလို့ မေးခဲ့ပြီး အဖေ့ အမ်ဒီနဲ့ အထက်လူကြီးက ၀န်ကြီးကို ပြန်မပြောဖို့ မျက်ရိပ်ပြပေမယ့် အဖေကတော့ ၀န်ကြီး ကျွန်တော် ရှင်းပြပါရစ ၀န်ကြီးအမိန့်ကို ကျွန်တော်အာခံတာမဟုတ်ပါဘူး ကျွန်တော်တို့အနေအထားအရ ဒီစီမံကိန်းက ဘယ်လိုမှမဖြစ်နိုင်ဘူး ဖြစ်အောင်လုပ်မယ်ဆိုရင် မရဘူးမဟုတ်ဘူးရတယ် ဒါပေမယ့် ဘာတွေ လိုအပ်တယ်ဆိုတာကို သေချာ လိပ်ပါတ်လည်အောင် ရှင်းပြခဲ့တယ်........အဖေ ရှင်းပြပြီးတဲ့နောက်မှာ ၀န်ကြီးရဲ့ ဒေါသက အဖေတို့ အမ်ဒီနဲ့ အထက်လူကြီးဆီ ဦးလှည့်သွားပြန်တယ်......ခင်ဗျားတို့ ကျုပ်ကို ဒီလို တစ်ယောက်မှမရှင်းပြခဲ့ဘူး အခု ကျုပ် အလကားကြီးဖြစ်နေပြီ ခင်ဗျားတို့ အချောင်သမားပဲ ကျုပ်ပြောသမျှ ခေါင်းပဲညိမ့်နေတယ် စသဖြင့် ပြင်းပြင်းထန်ထန် ဆူခဲ့ပြီး သူ့ရဲ့ ပီအေ ကို ဒီကောင့်နာမည် မှတ်ထားလိုက်ဆိုပြီး သူ့ခရီးစဉ်ကိုဆက်ထွက်သွားခဲ့တယ်.......

အဖေ ဒီလိုရှင်းပြပြောပြခဲ့လို့ အဖေတာဝန်ကျတဲ့နေရာကို ၀န်ကြီးလာပြီး သူဆက်သွားမယ့် စီမံကိန်းက အရာရှိတွေလည်း လက်လွတ်စံပါယ် အလုပ်မဖြုတ်ခံခဲ့ရတော့ပေမယ့် အဖေကတော့ အမ်ဒီနဲ့ အထက်လူကြီးရဲ့ ရန်သူဖြစ်သွားခဲ့တော့တယ်.........ဒါကို သိတဲ့အမေက အဖေ့ကို မျက်မုန်းမကြိုးအောင် လူကြီးတွေဆီ ၀င်ပြီး ဖားဖို့ လုပ်ခဲ့ပေမယ့် မင်းဒီလိုလုပ်ရင် မင်းနဲ့ငါ ပြတ်သွားမယ်နော် ငါ့အလုပ်ကိုဝင်မစွက်နဲ့ မင်းကို ငါ ဘာလုပ်လုပ်ပြောတာမဟုတ်ဘူး ဒါငါ့အလုပ် ငါ့ပညာနဲ့ငါရပ်တည်နေတာ လူကြီး ၀င်ဖားမှရမယ့်အဖြစ်မျိုး ငါ ဘယ်တော့မှလုပ်မှာမဟုတ်ဘူး အခုကိတ်စ ငါမှားတာမဟုတ်ဘူး သူတို့ဟာသူတို့ မျက်နှာလိုမျက်နှာရ လုပ်ပြီး ဖြစ်တဲ့ကိတ်စ သူတို့ကြောင့် ပညာရှင်တွေ အလကားနစ်နာသွားပြီ အဲဒီလူတွေရဲ့ မိသားစုတွေ နစ်နာသွားပြီ မင်းဘာမှ ၀င်စရာအကြောင်းမရှိဘူးဆိုပြီးခပ်တင်းတင်းပြောခဲ့တဲ့အတွက် အမေလည်း လူကြီးတွေဆီဝင်ပြီး မျက်နှာချိုသွေးဖို့ ကိတ်စ ရပ်ခဲ့ရတယ်............အဖေ့ အလုပ်ကိတ်စအတွက် ပူပန်ရတာတွေ လျော့ကျသွားပေမယ့် ကျွန်တော် စာမေးပွဲလည်း နီးနေပြီဖြစ်တဲ့အတွက် ကျွန်တော့်ဘက်ကို အမေ တစ်ခါပြန်လှည့်ခဲ့ရပြန်တယ်..........ကျွန်တော် စာမေးပွဲ ဖြေကာနီးမှာပဲ တစ်ရက် ထမင်းစားနေရင်း စာလည်ဟုတ်တိပါတ်တိ မကြည့် အောင်မယ့်ပုံလည်း မပေါ်ပါဘူးကွာ ဆိုပြီးအဖေက ပြောလို့ ကျွန်တော်လည်း အဖေ ဒါပဲ ခဏခဏ ပြောနေတာ သားအောင်ရင် အဖေ သားလိုချင်တာ ၀ယ်ပေးမလား လို့ မေးတဲ့အချိန်မှာ အဖေက အောင်အောင် ပဲ လုပ်ပါ .......အောင်စာရင်းထွက်လို့ အောင်တယ်ဆိုရင်ပြော ဆိုပြီးပြောခဲ့တယ်.....

အမေက တော် ကတိ တည်ပစေနော် ကလေးကို ပေးပြီးသားကတိ ပြီးမှ ကတိမဖျက်နဲ့ ဆိုပြီး သားကြိုးစားစမ်း အောင် အောင် .........သားအောင်ရင် အမေ ကိုယ်တိုင် လိုက်ဝယ်ပေးမယ် အဖေလည်း ကတိပေးထားတာဆိုပြီး ကျွန်တော့်ကိုပြောခဲ့တယ်..........ကျွန်တော့်ယောက်ဖကိုလည်း ကျွန်တော့်ကို စာသေချာပြဖို့ အမေက ပြောတဲ့အပြင် သူ့နည်း သူ့ဟန်နဲ့လည်း ကျွန်တော်အောင်ဖို့ အမေ ကြိုးစားတော့တယ်.........အမေ ဟာ ကျွန်တော့်အတွက် အများကြီး စဉ်းစားခဲ့တယ် တယ်ဆိုတာ စာမေးပွဲဖြေကာနီး တစ်ပါတ်အလိုလောက်မှာမှသိခဲ့ရတယ်.......... အကယ်ရ်ျ ကျွန်တော် စာမကြိုးစားခဲ့ရင် သို့မဟုတ် စာမေးပွဲမှာ ခြေချော်လက်ချော်ဖြစ်ခဲ့ရင် ဆိုတာကို တွေးပြီး ကျောင်းက မေးခွန်းရိုက်တဲ့ စာရေးကို ကျောင်းဖွင့်စထဲက လက်ဆောင်တွေပေး သူ့မိသားစု အတွက် ၀ယ်ချမ်းပေး လုပ်ထားခဲ့တဲ့အတွက် စာမေးပွဲ ဖြေကာနီးတစ်ပါတ်အလိုမှာ အစ်မ သားလေး ၇ တန်းဖြေမှာ မင်းလည်း သိတာပဲ ဘာမှအရေးကြီးတဲ့အတန်းလည်း မဟုတ်ပါဘူး သူ့အဖေ က တော်တော်စိတ်ပျက်နေလို့ကွယ် မင်းကိုလည်း အစ်မ လောက်လောက်ငင ပေးပါ့မယ် အစ်မကိုလည်း ဘယ်လိုမှမထင်နဲ့ ဘယ်သူ့ကိုမှလည်း မပေးဘူး အစ်မ သားတစ်ယောက်ထဲပဲကြည့်မှာ အစ်မ ၇ တန်းမေးခွန်း အစုံလိုက် လိုချင်တယ်လို့ပြောခဲ့တဲ့အတွက် ကျောင်းက စာရေးကလည်း တစ်ပါတ်အလိုမှာ အမေ့ကို ၇ တန်းမေးခွန်းအစုံလိုက်ပေးခဲ့တယ်.........ကျွန်တော် စာမေးပွဲဖြေကာနီး ၃ ရက် လောက်အလိုမှာမှ အမေက သား အိမ်ထဲက အိမ်ပြင်လည်း မထွက်နဲ့ သား လိုချင်တာ အဖေ၀ယ်ပေးမယ်လို့ပြောထားတယ်နော် အေး အောင်အောင်လုပ် ဒီမှာ မေးခွန်းတွေ သား အစ်ကို(ယောက်ဖ) ကိုပြခိုင်း ဘယ်သူ့ကိုမှလည်း မပေးနဲ့ ဆိုပြီး ကျွန်တော့်ကို အမေပေးခဲ့တယ်.........မေးခွန်းတွေကလည်း စာမေးပွဲခန်းထဲ ချပေးမယ့် စာရွက်ထဲက တစ်ဘာသာကို တစ်ခုစီ အပိုဆွဲပြီး ပေးခဲ့တာဖြစ်ဖို့ ၁။က .....၁။ခ တွေက အစ တစ်လုံးမှတောင်မလွဲပဲ အဲဒီလောက်ကောင်းတဲ့အရာလည်း ရှိမှာမဟုတ်ပါဘူး..........ဒီလိုနဲ့ အမေ့ကျေးဇူး ယောက်ဖ ကျေးဇူးနဲ့ ကျွန်တော် ၇ တန်းစာမေးပွဲကို ပျော်ပျော်ကြီး ဖြေခဲ့တော့တယ်.......