Friday, May 1, 2009

အဖေနဲ့အမေ ။၁၄။

အမေ လူလိမ်ခံရပြီးနောက်ပိုင်း သူ့အိမ်ထောင်နဲ့သူ အဆင်ပြေနေတဲ့ တစ်ခြားမှာ အိမ်ခွဲနေတဲ့ အမေ့ အစ်မလတ် က အစ်မရှိတယ် အားမငယ်နဲ့ အစ်မ တစ်လတစ်ခါ လာမယ် အခုလည်း ငါ့ညီမတို့အတွက် အစ်မ လိုအပ်တာတွေ ယူလာတယ်ဆိုပြီး အမေနဲ့အဖေ ရှိရာကို ရောက်လာခဲ့တယ်.......အမေက မုန့်ဟင်းခါးဆိုင်လေး ပြန်ဖွင့်ချင်တယ်ဆိုလို့ အမေ့အစ်မလတ်ကပဲ အရင်းလေး ပြန်ထုတ်ပေးလို့ အမေ မုန့်ဟင်းခါးဆိုင်လေးလည်း ပြန်ဖွင့်နိုင်ခဲ့တယ်......တစ်ကယ်တော့ ကလေးအ၀တ်အစားလေးတွေ အမေကြိုက်တတ်တဲ့စားစရာသောက်စရာတွေကို မေမေကြီးကလည်း ငါပေးတယ်ဆိုတာ မသိစေနဲ့ သိရင် နင်နဲ့ငါ သေခန်းပြတ်ပဲလို့ ပြောပြီး ထည့်ပေးလိုက်တာတွေလည်း ပါခဲ့ပေမယ့် အမေကတော့ ဒါတွေကို နောက်ပိုင်းမှ သိခဲ့ရတယ်.......

လူလိမ်ခံရပြီးနောက်ပိုင်းမှာ အမေ အဖေတာဝန်ကျရာနေရာမှာလည်း နေရတာတော်တော်စိတ်ဆင်းရဲခဲ့တယ်.....အဖေ့ကို ပြောင်းလို့ရရောစးင်ပြောင်းပါလို့ အမေ အဖေ့ကို တဂျီဂျီ ပြောတဲ့အထိ ဖြစ်လာခဲ့တယ်......အမေ့စိတ်ထဲမှာ သိပ်ယုတ်မာတဲ့လူတွေ ဒီနေရာမှာ လူယုတ်မာကြည့်ပဲ တောင်ပေါ်ဒေသတွေမှာဆို ရိုးသားကြမှာပဲ လို့တွေးပြီးပြောပေမယ့် အဖေကတော့ တောင်ပေါ်ဒေသပဲဖြစ်ဖြစ် မြေလတ်ဒေသပဲဖြစ်ဖြစ် ယုတ်မာတဲ့ လူက ယုတ်မာတာပါဘဲလို့ အမေ့ကို တရားချပေမယ့် အမေကတော့ နေနေရတဲ့နေရာမှာ တော်တော့်ကို စိတ်မပျော်မရွှင်ဖြစ်နေခဲ့ရတယ်........ပိုက်ဆံလည်းလောက်လောက်လားလားမရှိ အဖေကလည်း အရာရှိပေါက်စဆိုတဲ့ ဂုဏ်ကလွဲလို့ လစာကမယ်မယ်ရရမရှိ အမေ့ မုန့်ဟင်းခါးဆိုင်လေးက ရတဲ့ ပိုက်ဆံ အမေ့အစ်မ လာလာပို့တဲ့ စားစရာ ကလေးအတွက် ဈေးချုပ်အထည်လေးတွေ မေမေကြီး အမေမသိအောင် ထည့်ပေးလိုက်တဲ့ စားစရာ တွေ နဲ့ပဲ အဖေနဲ့အမေ ရပ်တည်ခဲ့ရတယ်......

အစ်ကို့ကိုမွေးပြီး ၂နှစ် အကြာမှာ အမေ ဒုတိယ ကိုယ်ဝန်ကို ဆောင်ရတယ်.......ဒုတိယ ကိုယ်ဝန် ဆောင်ရတဲ့ အချိန်မှာ အခြေအနေလည်း ပြောလောက်အောင်မဆိုးတာရယ် အမေ့အစ်မ ထောက်ပံ့နေတာရယ် အဖေက တားတာရယ်ကြောင့် အမေ မုန့်ဟင်းခါးဆိုင်လေးကို အပြီးရပ်လိုက်တော့တယ်.....အမေ့မုန့်ဟင်းခါးသည် ဘ၀လည်း အဲဒီမှာပဲ အဆုံးသတ်ခဲ့ပြီး နောက်တစ်ခါ မုန့်ဟင်းခါးသည်ဘ၀ကို အမေပြန်မရောက်ခဲ့တော့ဘူး.......အလုပ်မရှိရင် မနေတတ်တဲ့အမေ့ကို အဖေက စက်ချုပ်သင်တန်းလေး တစ်ခု တက်ခိုင်းခဲ့တယ်.......အမေလည်း အိမ်မှာ ဒီတိုင်းထိုင်မနေရအောင် ကလေးတွေ ကြီးလာရင်လည်း အ၀တ်အစားဖိုး အပိုမကုန်ရအောင် ဆိုတဲ့ အဖေ့ ရည်ရွယ်ချက်ကို အမေလည်း သဘောတူခဲ့ပြီး စက်ချုပ်သင်တန်းလေးလည်း အမေတက်ခဲ့တယ်......အဲဒီစက်ချုပ် သင်တန်းလေးမှာ သင်ခဲ့တဲ့ စက်ချုပ်ပညာလေးကပဲ အမေနဲ့အဖေ အစ်ကိုနဲ့အစ်မ အနောင်တစ်ချိန်မှာ လူဖြစ်လာမယ့် ကျွန်တော့် ဘ၀ကိုပါ အကြီးအကျယ်ပြောင်းလဲပေးနိုင်ခဲ့တယ်......

ဒုတိယ ကိုယ်ဝန်ကိုတော့ အမေ အဖေတာဝန်ကျရာမှာပဲ မွေးခဲ့တယ်......ပိုက်ဆံလေးလည်း အတင့်အသင့် လက်ထဲရှိပေမယ့် ကလေးအနှီးက အစ အမေ ပုဆိုးစုတ်ကိုပဲသုံးခဲ့တယ်......ဒုတိယ ကလေးက သမီးလေးမို့ အဖေကလည်း ပျော်ခဲ့တယ်.....သားတစ်ယောက် သမီးလေးတစ်ယောက် တို့တွေ နောက်တစ်ယောက်တော့ထပ်ယူရအောင် ဆိုပြီး အမေနဲ့အဖေ ရည်ရွယ်ခဲ့ကြတယ်........အဖေ့အလုပ်အနေနဲ့လည်း အဖေက လက်ရှိနေရာမှာ အခြေချပြီး ရာထူး အဆင့်ဆင့်တက်အောင် ကြိုးစားဖို့ ရည်ရွယ်ခဲ့ပေမယ့် အမေကတော့ နှစ်ရှည်လများ ဒီနေရာမှာ မပျော်ခဲ့တဲ့ စိတ်ဟာ အစ်မကို မွေးပြီးမှာ ပိုလို့ ဆိုးလာခဲ့တယ်......အဖေ့ကို နောက်တစ်နေရာပြောင်းဖို့ နေ့စဉ်နေ့တိုင်း ပြောလာတဲ့အခါမှာတော့ အဖေ အမေ့သဘောကျ တောင်ပေါ်ဒေသကို ပြောင်းဖို့ လျှောက်လွှာတင်ခဲ့တော့တယ်.....

ဘယ်သူမှ မသွားချင်တဲ့ တောင်ပေါ်ဒေသ ကို ပြောင်းခွင့် တင်ခဲ့တဲ့ အဖေ့လျှောက်လွှာက သိပ်မကြာခင်မှာပဲ ရာထူး တစ်ဆင့်တိုးနဲ့ ပြောင်းရွှေ့ခွင့်ပြုလိုက်သည် ဆိုပြီး ပြန်ကျလာခဲ့တယ်......အမေကတော့ သူသွားချင်တဲ့ တောင်ပေါ်ဒေသကိုလည်း သွားရ အဖေလည်း ရာထူး တစ်ဆင့်တိုးတဲ့အတွက် သိပ်ကိုပျော်ရွှင်ခဲ့တယ် ......အဖေ ပြောင်းရွှေ့ခွင့်ကျတဲ့နေရာက အဲဒီခေတ်ကဆို တစ်ကယ့်ကို ခေါင်ပြီး သူပုန်တွေနဲ့အစိုးရတပ် တိုက်ပွဲတွေ ဖြစ်နေတဲ့ ခန်းတီးနယ်က မြို့လေးတစ်မြို့ ပါဘဲ.....မရှိမယ့် ရှိမယ့် ပြစ်စည်းလေးတွေ သိမ်းလို့ ကလေး နှစ်ယောက် လက်ဆွဲ အဖေနဲ့အမေ မန်းဒလေးကနေ ပထမဆုံး အကြိမ် အစိုးရစရိတ်နဲ့ လေယာဉ်စီးလို့ အစိမ်းသက်သက် နယ်မြေကို ပြောင်းလာခဲ့ကြတယ်......

အဖေ တာဝန် ကျတဲ့ မြို့ရောက်တော့ မြို့သာ ဆိုတယ် တစ်ကယ်တော့ တောသာသာပါဘဲ.......ရောက်ရောက်ချင်းမှာ လည်း အဖေနဲ့အမေ သည်းထိတ်ရင်ဖို အဖြစ်ကလည်း ဖြစ်ဖြစ်အောင်ကို ဖြစ်ခဲ့သေးတယ်......နေကြာစေ့လေး စားနေတဲ့ အစ်ကို့ နှာခေါင်းထဲကို နေကြာစေ့ဝင်ပြီး သွေးတွေ ထိန်းမရအောင် ထွက်နေလို့ ထိုင်တောင် မထိုင်နိုင် အစ်ကို့ကိုပွေ့လို့ အဖေ့မှာ ဆေးရုံကို အသည်းအသန်ပြေးရတာပါဘဲ........အမေ့ကိုထားခဲ့ပြီး အစ်ကို့ကို ပွေ့လို့ ပြေးထွက်သွားတဲ့ အဖေ့ကိုကြည့်ပြီး သမီးလေးပိုက်လို့ အမေ စိတ်တွေမော ရင်တွေပူနဲ့ နယ်မြေသစ်မှာပထမဆုံး ကြုံရတဲ့ သည်းထိတ်ရင်ဖို အဖြစ်ပါဘဲ.....ကံကောင်းထောက်မလို့ အစ်ကိုလည်း ဘာမှမဖြစ်ခဲ့ဘူး........အဖေနဲ့အမေ နေဖို့ကိုလည်း ရုံးမှာ ဘယ်သူလာလာ လက်တိုလက်တောင်း လုပ်ပေးတဲ့ လူတစ်ယောက်ကပဲ စီစဉ်ပေးခဲ့သလို အဖေနဲ့အမေရဲ့ လက်တိုလက်တောင်းလည်း သူကပဲ အကုန်လုပ်ပေးခဲ့တယ်.......

အဖေ့အတွက် အိမ်မရှိတဲ့နေရာမှာ သူ့ စီစဉ်ပေးမှုနဲ့ပဲ သူများအိမ်အောက်ထပ်လေးမှာ အဖေနဲ့အမေ ငှားနေရတယ်......အိုးခွက်ပန်းကန် ၀ယ်ဖို့ အစစအရာရာ သူပဲ စီစဉ်ပေးလို့ အဖေတို့လည်း တော်တော်ကို အားကိုးခဲ့ရတယ်......အရင် ရောက်နှင့်နေတဲ့ ဦးစီးမှုးတွေကလည်း အသက် တော်တော်ငယ်ငယ်နဲ့ မြို့နယ် ဦးစီးမှူးအဖြစ်ရောက်လာတဲ့ အဖေနဲ့အမေ့ကို ညီလေး ညီမလေးလို ပဲ သဘောထားပြီး တော်တော်စောင့်ရှောက်ခဲ့ကြတယ်......အဖေရောက်ပြီး သိပ်မကြာဘူး အဖေတို့ လက်တိုလက်တောင်း ဦးလေး အကြံပေးတာနဲ့ အဖေ တာဝန်ကျတဲ့မြို့ကနေ တောင် ၃ လုံးလောက်ကျော်ရတဲရွာလေးမှာ ရှေးခေတ် ဒင်္ဂါးပြားတွေ နာဂလူမျိုးတွေလက်ထဲမှာ ရှိတယ် အဲဒါ ကို သွားဝယ်ပြီး ပြန်ရောင်းရင် ရတယ်ဆိုလို့ အဖေ သွားဝယ်ဖို့ အမေ့ကို ပြောတော့ အမေက မသွားဖို့ ပြောခဲ့တယ်.....အဖေကတော့ အဆင်လေးပြေအောင် ငါကြိုးစားကြည့်မယ်ဆိုပြီး ရုံးပိတ်ရက်တွေမှာ ဒင်္ဂါးပြားတွေ ရှိတယ်ဆိုတဲ့ တောထဲက ရွာတွေကို အရောက်သွားသွား ၀ယ်ခဲ့တယ်.....တစ်ခါတစ်လေ ညမှောင်ရင် အဖေ့ ရင်ထဲမှာ စိုးရိမ်စိတ် ကြောက်စိတ် ရှိခဲ့ပေမယ် အစ်ကို အစ်မနဲ့ အမေ့မျက်နှာကိုမြင်ပြီး အဖေ အိမ် ကိုတော့ မရောက်ရောက်အောင် ပြန်လာခဲ့တယ်.......

အဖေ ဒင်္ဂါးပြားတွေ သွားဝယ်ရင် ကားတာယာ တစ်ခု ကိုလည်း ယူယူသွားတယ်.....တောင်ပေါ်တက်တဲ့ အချိန် မှာ ကုန်းရုံးတက်ပြီး တောင်ပေါ်က ဆင်းတဲ့အချိန်မှာ တာယာပြားကို ဖင်အောက် ခုထိုင်ပြီး တရွတ်လျောဆင်းတာ ပိုမြန်တဲ့အတွက် အဖေ အမြဲတမ်း ဒီလိုပဲ သွားခဲ့ရတယ်......အခြစ်ရာ ဗရဗွနဲ့ အဖေ ပြန်လာမှ အမေ လည်း သက်ပြင်းချနိုင်ပြီး လင်မယား နှစ်ယောက် ညကြီးမိုးချုပ် ထမင်းစားခဲ့ရတဲ့ရက်တွေလည်း မနည်းခဲ့ဘူး........နောက်ပိုင်းမှာ အမေက တစ်ခုခုတော့ လုပ်အုန်းမှ ဒီလို ဆိုရင် မဖြစ်ဘူး လို့ တွေးမိရင်း ဘာလုပ်ရမလည်း ပဲ ထိုင်စဉ်းစားနေခဲ့တယ်.......တစ်ရက် အိမ်မှာ လက်တိုလက်တောင်း ခိုင်းတဲ့ ဦးလေးကို ဒီက လူတွေ ခြင်ထောင်လည်း မရှီဘူး ခဏခဏ ဖျားနာနေတာ ခြင်ကြောင့် အစ်မ ခြင်ထောင် ချုပ်ရောင်းရင် ရောင်းရပါ့မလားဆိုတော့ ဦးလေးက အစ်မချုပ်တတ်လို့လား ချုပ်တတ်ရင်တော့ သေချာပေါက် ရောင်းရမှာ ပဲလို့ ပြောတာနဲ့ အမေ ပိတ်တစ်အုပ်ဝယ် ခြင်ထောင် ကို အကြမ်းချုပ်ပြီး စရောင်းကြည့်တော့ တောင်ပေားတွေက တော်တော်ဝယ်ကြတယ်......

ဝယ်တယ်ဆိုပေမယ့် သူတို့လက်ထဲမှာ ပိုက်ဆံက လောက်လောက်လားလား မရှိခဲ့ဘူး.....အဲဒီအချိန်က မှော်ဆိုတာ မဖြစ်သေးပဲ သူတို့ ဒီတိုင်းတူးရင်း ထွက်လာတဲ့ ကျောက်စိမ်းလေးတွေကိုသာ အမေ့ကို ခြင်ထောင် အခ အဖြစ်ပေးတယ်......အရည်ကောင်းတယ် အသားကောင်းတယ် ဆိုတာမှန်းသိပေမယ့် အမေက ကျောက်စိမ်းအကြောင်းလည်း ကောင်းကောင်းနားမလည်ခဲ့ဘူး.....ဘယ်လိုပဲဖြစ်ဖြစ် ဒါတွေဟာ တန်ကြေးမနည်းဘူး ဆိုပြီး အမေ ယူယူထားသလို ကျောက်သွေးတတ်တဲ့ လူတစ်ယောက်ဆီက နေ အမေ ကျောက် သွေးနည်းပါ သင်နေခဲ့တယ်......အမေ ကျောက်စသွေးတုန်းကဆို ကျောက်ပြင်ပေါ်မှာ ဒီတိုင်း သူ့စိတ်ကူးနဲ့ သူသွေးခဲ့တဲ့ ကျောက်တွေ မနည်းခဲ့ဘူး.......အမေ့ ခြင်ထောင်ကို အထူးအဆန်းဖြစ်ပြီး အိမ်ကို ခြင်ထောင်လာမှာတဲ့ နာဂ တိုင်းရင်းသားတွေလည်း တစ်နေကုန် ပြတ်တယ်ရယ်လို့ မရှိခဲ့ဘူး.......တစ်ကယ်တော့ ခြင်ထောင်ထက်ပဲ အမေ့ ကံ ကြောင့်လို့ ပြောရမလိုပါဘဲ......တစ်ခြား အမျိုးသမီးတွေ ခြင်ထောင် လိုက်ချုပ်ခဲ့ပေမယ့် အမေ့လို တော့ ခါးချိအောင် မချုပ်ခဲ့ရဘူး......

အမေစက်တစ်လုံးနဲ့ တစ်ကုပ်ကုပ် ချုပ်ခဲ့ရလွန်းလို့ အသက်ကြီးလာတဲ့အခါမှာ ခါးကိုက်တဲ့ဒဏ်ကိုလည်း အသည်းအသန်ခံခဲ့ရပေမယ့် အဲဒီအချိန်က ရခဲ့တဲ့ ကျောက်ကလည်း မနည်းခဲ့ဘူး........သိတတ်နေပြီဖြစ်တဲ့ အစ်ကိုက နာဂတွေ လာပြီး ပြန်ရင် ရေပုံးလေးဆွဲပြီး ရေဆေးဆေး ချရတာ အမော လို့လည်း အမေ ပြန်ပြောခဲ့တယ်.......နာဂတွေက ရှေ့က အ၀တ်စလေးသာပါပြီး အလေးသွားပြီးရင်လည်း ရေဆေးလေ့မရှိကြဘူး........အမေ့ အီးစော်နံတယ် သားရွံတယ် အီးခြောက်တွေလည်း ကျန်ခဲ့တယ်လို့ အစ်ကိုက အမြဲပြောလေ့ရှိခဲ့တယ်........အမေကတော့ အစ်ကို အဲလိုပြောတိုင်း ရီလို့ သာနေခဲ့တယ်.......အမေ့ လက်ထဲ ပိုက်ဆံ မရှိပဲ ကျောက်တွေသာ ရှိနေပေမယ့် ဒါတွေဟာ ပိုက်ဆံ တွေ ဆိုတော့ အမေ စိတ်ထဲ တော်တော် ပျော်နေမိခဲ့တဲ့ နှစ်တွေပါဘဲ.........ပိုက်ဆံကြောင့် ပျော်ခဲ့ရသလို လူမှုပါတ်ဝန်းကျင်မှာ သွေးပျက်ထိတ်လန့်စရာတွေလည်း အမေနဲ့အဖေ ကြုံခဲ့ရတယ်.......

အဖေနဲ့အမေ နေတဲ့ မြို့လေးမှာ သူပုန်တစ်ယောက်ကို မိတဲ့အချိန် ရေခဲမတတ်အေးနေတဲ့ရာသီဥတုမှာ တိုင်မှာ ကြိုးတုတ် တုံးလုံးချွတ်လို့ ရေလောင်းပြီး ဇကောနဲ့ ယပ်ခတ် သတ်တာကို အမေတို့ကြံခဲ့ရဘူးတယ်........အေးလွန်းလို့ အသံနက်ကြီးနဲ့ အော်နေတဲ့ အဲဒီလူရဲ့အသံကို အဖေ နဲ့ အမေ သိပ်ကို တုန်လှုပ်ခဲ့ရပြီး အင်မတန် ရက်စက် ကြမ်းကြုတ်တဲ့နေရာပါလားလို့ လည်း အမေ စိတ်ထဲ ထင်လာခဲံပြန်တယ်......နောက်တစ်ကြိမ်ကတော့ အဖေ တစ်ယောက်ပဲ သွေးပျက်ခမန်း ကြုံခဲ့ရတဲ့ အဖြစ်ပါဘဲ......မြို့နယ် အာဏာပိုင်က အဖေ့ကို ထမင်းစားဖိတ်လို့သွားတဲ့အချိန်မှာ အဖေနဲ့ မျက်မှန်းတန်းမိတဲ့ မြို့နယ်က လူတစ်ယောက် သူပုန်တွေနဲ့ အဆက်အစပ် ရှိတဲ့ လူတစ်ယောက်လည်း ရောက်နေခဲ့တယ်......အဖေတို့ စကားစမြည်ပြော ထမင်းစားသောက်နေတဲ့အချိန်မှာ စားလက်စ တန်းလန်း အိမ်ရှင် မြို့နယ် အာဏာပိုင်က ထသွားပြီး ပြန်အလာ ထမင်းစားနေတဲ့လူရဲ့ နောက်စေ့တည့်တည့်ကနေ ခြောက်လုံးပြူးနဲ့ ချိန်ပြီး ပြစ်သတ်လိုက်တော့ အသတ်ခံရတဲ့လူက တစ်ခါထဲ ထမင်းပန်းကန်ထဲကို မျက်နှာအပ်ကျသွားပြီး သေသွားတာကို အဖေ ကိုယ်တိုင် ရှေ့မှာ မြင်လိုက်ရတော့ တော်တော့်ကို သွေးပျက်သွားသလို လူအေး အဖေ သိပ်ကို ကြောက်သွားခဲ့တယ်.......

အိမ်ရှင်ကတော့ ဒီလူ က ဒီလို ရှင်းပြစ်မှ နားအေးမှာဆိုပြီး သွေးအေးအေး ပြောခဲ့ပေမယ့် အဖေကတော့ နောင်နှစ်ပေါင်းများစွာတိုင်အောင် ဒီအဖြစ်ကို မမေ့နိုင်ခဲ့သလို တုန်လည်းတုန်လှုပ်ခဲ့ရတယ်......အဖေနဲ့အမေ ရက်စက်ကြမ်းကြုတ်တဲ့ နေရာဒေသကနေ ပြန်ပြေးချင်ပေမယ့် ၀န်ထမ်းဘ၀ဟာ ထင်သလို ပြုမူလို့ မရတာကြောင့် တောင်ပေါ်ဒေသမှာပဲ ၂ နှစ်ကျော် နေခဲ့ရတယ်.........ဒါ့အပြင် တောင်ပေါ်ဒေသပဲဖြစ်ဖြစ် မြေပြန့်သားပဲဖြစ်ဖြစ် စိတ်ထား မကောင်းတဲ့လူက မကောင်းတာပဲဆိုတဲ့ အဖေ့စကားကိုလည်း အမေလက်တွေ့သိခဲ့ရတယ်.......အမေ့ဆီကို တိုင်းရင်းသားတွေ ခြင်ထောင်တွေလာချုပ်ခိုင်းပြီး အမေ ကျောက်တွေ ရနေတာကို မနာလိုတဲ့ အိမ်ရှင်က အမေနဲ့အဖေ အစ်ကိုနဲ့အစ်မ ထမင်းစားနေရင် ကြမ်းကြားကနေ သဲဖြူးဖြူးချလို့ ထမင်း ၀ိုင်းပျက်ခဲ့ရတဲ့ နေ့တွေလည်း မနည်းခဲ့ဘူး......အဖေကတော့ အင်မတန်ရိုင်းစိုင်းတဲ့နေရာမှာ အမေ့ကို စိတ်မတိုအောင် ထိန်းသိမ်းပြီး တွေ့ပြီမဟုတ်လား နေရာတစ်ကာမှာ လူဟာ လူပါဘဲ ဆိုတာကို တရားချခဲ့သလို အမေလည်း လက်ခံလာခဲ့ရတော့တယ်.......

အဖေ ပြည်မကို ပြောင်းရွှေ့ခွင့် ပြန်မကျခင် အချိန်လေးမှာပဲ တတိယကိုယ်ဝန် ကျွန်တော့်ကို အမေ ဆောင်ထားရတာကို အဖေနဲ့အမေ သိခဲ့ရတယ်......အဖေ လည်း ဒီကလေးကိုတော့ ဒီမှာမွေးလို့မဖြစ်ဘူး ဆိုတဲ့ စိတ်နဲ့ ကိုယ်ဝန်ဆောင် အမေ သား သမီးကို အိမ်မှာ နေတဲ့ ဦးလေး ကို သေချာအပ်လို့ ရန်ကုန်ကို အသည်းအသန် ဆင်းပြီး ပြောင်းရွှေ့ခွင့်ရအောင် လုပ်ရတော့တယ်.........နှစ်လည်း စေ့ပြီဖြစ်လို့ အမြန်ဆုံး လုပ်ပေးပါ့မယ်ဆိုတဲ့ အထက်အရာရှီတွေ ဆီက ကြားရတော့ အဖေ တစ်ခါ အမေတို့ရှိရာ တောင်ပေါ်ဒေသကို အမြန်ပြန်ရပြန်တယ်........အဖေ့ပူပန်မှုတွေ အမေ့ပူပန်မှုတွေ ဘယ်လောက်များကြီးလိမ့်မလည်းဆိုတာ ကျွန်တော် တစ်ခါတစ်လေ မတွေးနိုင်အောင်ပါဘဲ........ပြောင်းရွှေ့ခွင့်အတွက် အဖေ ရန်ကုန်အလာမှာ အခက်အခဲတွေ သိပ်များလွန်းလို့ စိတ်ညစ်နေတဲ့ အဖေ့ကို ကျောင်းတုန်းက သူငယ်ချင်းမ တစ်ယောက်က ပုဏား ဗေဒင် ဆရာတစ်ယောက်ရှိတယ် ပိုက်ဆံလည်း ငါပေးပေးမယ် မေးသွား သိပ်မှန်တယ် ဆိုလို့ ဗေဒင်မယံတဲ့အဖေ အေး ငါမေးမယ်ဆိုပြီး မေးခဲ့လို့ ဘ၀တစ်သက်စာ ဟောစာတမ်းလေးတစ်စောင် အဖေရခဲ့တယ်.......အဖေ့ဘ၀မှာပထမဆုံး ဗေဒင်မေးတာ ဖြစ်ခဲ့ပြီး ဒီနေ့ထိလည်း သူ့လောက် မှန်အောင် ဘယ်သူမှပြောနိုင်မှာ မဟုတ်ဘူးဆိုတဲ့ စိတ်နဲ့ ဘယ်ဗေဒင်ကိုမှ အဖေ မမေးတော့သလို အမေလည်း အဖေနဲ့ထပ်တူ ဖြစ်ခဲ့တယ်........အဲဒီအချိန်ကတော့ မယုံတစ်ဝက် ယုံတစ်ဝက်ပေါ့

1 comment:

သူမ said...

အကုန်ဖတ်သွားတယ်။ အဖေနှင့်အမေ ကိုအရမ်းချီးကျူးတယ်။ အားကျတယ်။ နောက်ပိုင်းတင်မယ့် စာတွေကို မျှော်နေမယ်။
မြန်မြန်တင်ပေးပါ။