အဖေနဲ့အမေ ။၆။

အဖေက ဘာမဟုတ်တဲ့ လက်ဖက်ရည်လေးတစ်ခွက်အတွက်နဲ့ အသည်းအသန် တိုက်ပွဲဝင်နေရပေမယ့် အမေကတော့ အသက်အရွယ်နဲ့မမျှအောင် အိတ်ထဲပိုက်ဆံထည့်လို့ သကြားကောက် လှောင်ပြန်ရောင်း ဆိုင်တွေ ကြီးကျပ် မုန့်ဖို ကြီးကျပ် နဲ့ လက်မလည်အောင်အလုပ်များနေခဲ့တယ်........အမေ ရည်းစားစာတွေ ဘယ်အချိန်ဖတ်တုန်းဆိုတော့ အမေ အိမ်သာတက်တဲ့အချိန်ဖတ်တယ်လေတဲ့ ဖတ်ပြီး အမေ ဘယ်လိုနေတုန်းဆိုတော့ အဖေက ရီတယ်.......အမေက ပျော်တာပေါ့တဲ့..........အမေအဲလို နေနေတဲ့အချိန်မှာ အမေ့အစ်မနှစ်ယောက်ကလည်း ခိုးခိုးခစ်ခစ်ကို ကျော်လို့ ဂိုးဂိုးဂစ်ဂစ် ဖြစ်ချင်နေခဲ့ပြီ........သူတို့တွေ ယောင်္ကျားလိုချင်နေခဲ့ပေမယ့် မေမေကြီးကတော့ သူ့သမီးတွေဟာ ကြိုက်တဲ့လူ ခေါင်းခေါက်ရွေးလို့ရတယ်ဆိုတာကနေ တစ်ပြားမှမလျော့ခဲ့ဘူး..........

ဒါပေမယ့် လာတောင်းသမျှကလည်း အမေ့ကိုကြည့်ဖြစ်နေခဲ့တယ်.....အမေဟာ အိမ်သာထဲမှာသာ ပေးတဲ့ရည်းစားစာတွေဖတ်ပြီး အပျိုအရွယ်ကြည်နူးခဲ့ပေမယ့် ပြင်ပဘ၀မှာတော့ ဒေါ်ဒေါ်မြိုင့်သမီး မွှေးနီမလေးက အာဂလေး ဆတ်ဆတ်ထိမခံ စီးပွားရေးကလည်း သွက်သလားမမေးနဲ့ဟေ့လို့ ပြောယူရပြီး ယောင်္ကျားတွေနဲ့ယှဉ်ဘောင်တန်း အလုပ်လုပ်နိုင်ခဲ့တယ်.........(အမေ ဦးစီးနေတဲ့ မေမေကြီးရဲ့ နေရာအကျယ်ကြီးရဲ့ရှေ့မှာ ပဲကြီးလှော်တောင်းနဲ့ထိုင်ရောင်းခဲ့တဲ့ အမျိုးသမီးကြီးက အခု မေမေကြီးတို့မျက်စောင်းထိုးမှာ အင်မတန်ချမ်းသာတဲ့ သူဌေးမကြီးအနေနဲ့ရှိနေပြီး မေမေကြီးနေရာတွေမှာ တူလေးတစ်ချောင်းနဲ့လက်တိုလက်တောင်းခိုင်းခဲ့တဲ့ လူငယ်လေးကလည်း အခုချိန်မှာ သစ်သူဌေးကြီးဖြစ်နေခဲ့တဲ့ ဇာတ်လမ်းတွေဟာလည်း သိပ်စိတ်ဝင်စားဖို့ကောင်းခဲ့တယ်......လူ့လောကမှာ ရိုးသားမှုနဲ့ မရိုးသားမှုတွေ အားပြိုင်တဲ့အခါ တစ်ခါတစ်ရံ ရိုးသားမှုက ရှုံ့းနိမ့်သွားခဲ့တာတွေလည်း တစ်ကယ်ရှိခဲ့တယ်.........)

မေမေကြီး သမီးနှစ်ယောက်အနက် အကြီးဆုံးသမီးကြီးက အေးလည်းအေးတဲ့အပြင် အပျိုအရွယ် မှာ မေမေကြီးရဲ့ထိန်းချုပ်မှုအောက်မှာ တစ်လွဲဖြစ်နေခဲ့တယ်.........တစ်ခါတစ်လေ လေတိုက်တိုင်းရီချင်တဲ့အရွယ်လို မှန်ကြည့်ပြီး ရီနေတတ်တဲ့ သမီးကြီးကိုကြည့်ပြီးမေမေကြီးအတွေးတွေ ပူပန်လာခဲ့တယ်.........အမှန်မှာတော့ အရွယ်ရောက်ချိန်မှာ သီးချိန်တန်သီး ပွင့်ချိန်တန်ပွင့်ဆိုတာကို ဘ၀မေ့တဲ့ မေမေကြီး သတိမမူခဲ့ဘူး.........မီးအပူတွေကြောင့် ဒူလာစွဲတဲ့ ယောင်္ကျား ယောင်္ကျားလိုချင်လို့ ခိုးခိုးခစ်ခစ်ဖြစ်နေတဲ့ သမီးကြီး ပညာမတတ်တဲ့ မေမေကြီးရဲ့ ရှေးရိုးတောသူတောင်သား ဆွေမျိုးများကြားမှာ မေမေကြီးတို့ဘ၀ စအခြေပျက်ဖို့ဖြစ်လာခဲ့တယ်.........

ဒါဟာ နတ်ကိုင်တာ နင်နတ်ကို အယုံအကြည်မရှိလို့ ကိုကြီးကျော် ကိုလေးကျော် မနှဲလေး တို့ အဘမြင်းဖြူရှင်တို့က နင်တို့ကိုကိုင်ထားတာ ဆိုတဲ့ မေမေကြီးရဲ့ ဇာတိ တောရွာလေးက ဆွေမျိုးတွေ ရပ်ဆွေရပ်မျိုးတွေစကားက ခပ်ရဲရဲမေမေကြီးကို တုန်လှုပ်လာစေခဲ့တယ်........သမီးကြီးနဲ့ သမီးလတ်ကတော့ ဆေးလိပ်ခုံမှာ ဆေးလိပ်လိပ်သမတွေနဲ့ ပျော်မွှေ့နေသလို မေမေကြီးကလည်း နတ်တွေ ယတြာတွေ ဗေဒင်တွေ အထူးသဖြင့်နတ်တွေ ကိုစိတ်ဝင်စားစ ပြုခဲ့တယ်......အမေကတော့ အလုပ်ပေါင်းမြောက်များစွာနဲ့ ဘဘကြီးကို ပြုစုရတာနဲ့ မောင်ငယ် ညီမငယ်တွေ စောင့်ရှောက်ရတာနဲ့ အသက်အရွယ်နဲ့မမျှ စီးပွားရေး အိမ်တွင်းရေး တစ်ယောက်ထဲ ဒိုင်ခံလုပ်နေရတော့တယ်.........အမေ့အောက်က မောင်ငယ် ညီမငယ်တွေက အမေသေဆိုသေ ရှင်ဆိုရှင် အမေ့ကိုထိရင် အသက်အသေခံမယ်ဆိုတဲ့လူတွေကြည့်ဖြစ်ခဲ့တယ်........မေမေကြီး နဲ့ အကြီးနှစ်ယောက်ကတော့ လုံးဝ မျက်နှာလွဲနေခဲ့တယ်......ဘဘကြီးက အမေ့ကို သိပ်သနားတယ်ဆိုတော့ အမေ က သမီးပျော်ပါတယ် အဖေ အဖေ နေကောင်းဂရုစိုက် သမီး လုပ်နိုင်တယ် ဆိုတော့ ဘဘကြီးမျက်ရည်ကျခဲ့တယ်.........

ဒီလိုနဲ့ နေလာရင်း တစ်ရက် မေမေကြီး သမီးအကြီးဆုံး ယောင်္ကျားနောက်ခိုးရာလိုက်ပြေးခဲ့တယ်.........သူခိုးရာလိုက်ပြေးခဲ့တာကတော့ ဆေးလိပ်လာလိပ်တဲ့ရွာက ဆေးလိပ်လိပ်သမတွေကတစ်ဆင့် သိတဲ့ စတိုင်ကောင်းကောင်းနဲ့ စစ်သား တပ်ကြပ်ကြီး တစ်ယောက်နောက်ကိုပါ.........မေမေကြီးကတော့ နောက်မှာ ဆွေ့ဆွေ့ခုန်အောင် ကျန်နေခဲ့ပြီး ဒေါသတစ်ကြီးနဲ့ အမေ့ကို မဆီမဆိုင် ထင်းချောင်းနဲ့ပေါက်လို့ အမေ့လက်မှာ သေရာပါ ဒဏ်ရာရခဲ့တယ်........ဒုတိယသမီးကိုတော့ စိုက်ပျိုးရေးကျေးဂျာလေးတစ်ယောက်နဲ့ မေမေကြီး အိမ်ထောင်ချပေးခဲ့တယ်.......သူတို့နှစ်ယောက်ကလည်း ချစ်နေကြပြီးပါပြီ..........

မေမေကြီး ဒေါသကိုသိတဲ့ မေမေကြီးသမီးကတော့ တစ်နှစ်ကျော် ကြာတဲ့ထိ မေမေကြီးတို့ဆီပြန်မလာခဲ့ဘူး........နင့်ကို ကိုကြီးကျော်တို့ အဘမြင်းဖြူရှင်တို့က ပညာပြပြီ ဆိုတာတွေကလည်း ပိုဆိုးလာခဲ့တယ်.......မေမေကြီးတို့အိမ်ကို နတ်ရုပ်တွေ နတ်ကတော်တွေ စ၀င်လာတဲ့အချိန်ပေါ့.........အဖေကတော့ တတိယနှစ်ကျောင်းသားကြီး အနေနဲ့ကျောင်းမှာ ပြန်တက်နေတဲ့အချိန် အမေကလည်း စီးပွားရေးမှာ ဂျင်ဂျင်လည်ပြီး ရည်းစားတစ်ယောက်မှမရှိသေးတဲ့အချိန် ထိ ဖူးစာရေးနတ်က အဖေနဲ့အမေကို တွေ့ဖို့အချိန်ဆွဲနေခဲ့တယ်........လွန်ခဲ့တဲ့ နှစ်ပေါင်း ၄၀ လောက်ကပေါ့.............


နှစ်ပေါင်းများစွာ ရွာက သူငယ်ချင်းလောက်သာ သူငယ်ချင်းရှိခဲ့တဲ့ အဖေ့အတွက် တကသိုလ် တတိယနှစ်မှာတော့ အဖေ့ရဲ့ အေးဆေးမှု စာတော်မှုကို သဘောကျပြီး အဖေ့ကို ခင်တဲ့ သူငယ်ချင်းအရင်းတွေ အဖေရှိခဲ့တယ်....အဖေ့သူငယ်ချင်းတွေက စာတော်တဲ့ လူပေ လူချမ်းသာ သားသမီးတွေဖြစ်ခဲ့တယ်........အထက်တန်းကျောင်းသားဘ၀မှာ အဖေ့မှာ သူငယ်ချင်းမရှိဘူးလား ကျွန်တော်မေးတော့ ကားတာရာဖိနပ် သေချာလျှော်ဖွတ်ပြီးဝတ်ထားပေမယ့် မွဲစုတ်နေတဲ့ ကျောင်းစိမ်း ပေါက်ပြဲနေတဲ့ လွယ်အိတ်လေးနဲ့ အဖေ့ကို ပေါင်းချင်တဲ့လူမရှိခဲ့ဘူးလို့ အဖေပြောပြခဲ့တယ်......အဖေ့ကို တောသား ဟေ့ကောင် ငမွဲလို့ခေါ်ခဲ့ရင်တောင် အဖေ အပြုံးမပျက်ခဲ့ဘူး....တစ်နေ့မှာ မင်းတို့ထက် ငါသာရမယ်ဆိုတဲ့စိတ်တော့ နုနယ်တဲ့အဖေ့ရင်ထဲမှာ စွဲထင်ခဲ့တယ်......

တတိယနှစ်မှာ အဖေ သူငယ်ချင်းတွေ ရှိလာခဲ့ပေမယ် လက်ဖက်ရည်ဆိုင်ဆိုတာတော့ အဖေနဲ့ဝေးနေဆဲပဲ.......လူငယ်လေး အဖေဟာ တစ်ခါတစ်လေ အားလပ်ချိန်မှာတစ်ခြားကျောင်းသားတွေလို အပန်းဖြေနည်း တစ်ခုခုလုပ်ဖို့စိတ်ကူးခဲ့တယ်......အဖေရွှေးချယ်ခဲ့တဲ့ အပန်းဖြေနည်းကတော့ ပိုက်ဆံမကုန်ပဲလုပ်လို့ရတဲ့ အဆောင်မှာကျောင်းသားတွေအတွက်ထားပေးတဲ့ ၀ိတ်ပြားတွေကို အဖေသွားမခဲ့တာပါဘဲ........လူဖလံလေးအဖေဟာ အဲဒီလို ၀ိတ်မခဲ့တာကြောင့် ကြည့်ကောင်းရုံဗလနဲ့ လူတစ်ယောက်ဖြစ်ခဲ့တယ်.................အဖေစတိတ်ရှိုးလည်း မကြည့်ဘူးဘူးပေါ့ဆိုတော့ အဖေက ဟာ အဖေက သားတို့ထက်ကြည့်ဖူးတယ် အဖေက လူကိုယ်တိုင် ဂစ်တာတီးပြီး သီချင်းဆိုနေတာကိုအေးဆေးကြည့်ရတာဆိုတော့ ကျွန်တော်လည်း စိတ်ဝင်စားခဲ့တယ်.......


အဖေတို့တတိယနှစ် စတက်တဲ့အချိန်မှာ မန်းဒလေးတက်ကသိုလ်မှာ ထင်ရှားတဲ့လူနှစ်ယောက်ရှိခဲ့တယ်......တစ်ယောက်ကတော့ စိုင်းထီးဆိုင်......တစ်ခါတစ်လေ စိုင်းထီးဆိုင် ကျောင်းခန်းထဲမှာ ဂစ်တာတီးနေတာတွေ့ရင် လွယ်အိတ်လေးပိုက်ပြီး အဖေနားထောင်နေတတ်တယ်......သိပ်ကောင်းတာပဲ နားထောင်လို့ ကဲ ငါ့သားကော စိုင်းထီးဆိုင် ဂစ်တာတီးပြီးသီချင်းဆိုတာ အပြင်မှာ အနီးကပ်မြင်ဘူးလားလို့အဖေက ပြန်စတယ်.....နောက်တစ်ယောက်ကတော့ နွဲ့ယဉ်ဝင်း.....အင်္ဂလိပ်စာဌာနက ဆရာမလေးက သိပ်လှတာပဲလို့ အဖေတို့ ကျောင်းသားတွေပါးစပ်ဖျားမှာ ရေပန်းစားနေခဲ့တဲ့သူက နောက်ပိုင်း အဆိုတော် နွဲ့ယဉ်ဝင်းဖြစ်လာခဲ့တယ်..........ကျောင်းပွဲတွေမှာ သီချင်းဆိုရင် သိပ်ကောင်းတာပဲ သိပ်လှတာပဲ လို့ အဖေပြောခဲ့တယ်.......အဖေ မကြိုက်ဘူးလား ဆိုတော့ အဖေ့ဘ၀က ကြိုက်ဖို့မပြောနဲ့ သူတို့လို အဆင့်အတန်းကို အိမ်မက်ထဲတောင် ထည့်မမက်နိုင်တဲ့ဘ၀လေကွာ လို့အဖေ ပြောခဲ့တယ်........(အဖေ စိတ်လည်း မ၀င်စားပါဘူးတဲ့ အမေကတော့ စာကြည့်မျက်မှန်ပေါ်က ကျော်ကြည့်ပြီး ဟင်းဟင်း လို့ရီတယ် (အမှတ်တရ နေ့တစ်ခုမှ))


အဖေဟာ တောသား ဆင်းရဲသားပေမယ့် ရိုးသားမှု စာတော်မှုနဲ့ အဖေ့ရဲ့တည်ငြိမ်မှုကလည်း သမီးရှင်တစ်ချို့အတွက် အကြိုက်ဖြစ်ခဲ့တယ်........အဖေ့ဦးလေးဆီကို လတိုင်းပိုက်ဆံသွားယူ ကျောင်းပိတ်ရက်တွေမှာ ဦးလေး အိမ်မှုကိတ်စတွေသွားလုပ်ပေးခဲ့တဲ့အဖေ့ကို အဖေ့ဦးလေးတို့ရဲ့ဘေးအိမ်က သူဌေးမ အဖေတို့ထက်ကြီးတဲ့ အစ်မကြီးက သဘောကျခဲ့တယ်........သူ သိပ်ကို သဘောကျတယ် ဒီကလေးရဲ့ရိုးသား ကြိုးစားတာကို သဘောကျလို့ သူ့ရဲ့ ညီမလေး ဆေးတက်ကသိုလ်တက်နေတဲ့ သူနဲ့ ပေးစားချင်တယ် ဆိုပြီး အဖေ့ဦးလေးဝမ်းကွဲကို ပြောခဲ့တယ်.....အဖေကတော့ ကျောင်းစာနဲ့ကျေးဇူးရှင်တွေရဲ့ ကျေးဇူး ဆပ်ဖို့လောက်ပဲ အာရုံရှိခဲ့တယ်.....အဖေ့ရင်ထဲမှာ အချစ်စိတ်ဆိုတာ လုံးလုံးမရှိခဲ့ဘူး.......ရည်းစားထားဖို့ဆိုတာ အဖေ အိမ်မက်ထဲတောင်ထည့်မမက် စိတ်ကူးတောင်မယဉ်ခဲ့တဲ့အရာတစ်ခုဖြစ်ခဲ့တယ်......

ဦးလေးတို့က ၀မ်းသာအားရ အဖေ့ကို ဒီအကြောင်းပြောတဲ့အချိန်မှာတော့ အဖေ ၀မ်းနည်းသလို စိတ်မကောင်းတော်တော်ဖြစ်မိခဲ့တယ်.........အဖေဟာ ပညာကိုပဲလိုချင်ခဲ့တယ် ဒီပညာကိုအပါတ်တကုတ်ကြိုးစားခဲ့တယ် အဖေ့ဘ၀မှာ အပျော်အပါးဆိုတာ မရှိခဲ့ဘူး ယုတ်စွအဆုံး အဖေလေချွန်တာ သီချင်း ဆိုတာတောင် အဖေ့ပါတ်ဝန်းကျင်က မကြားခဲ့ဘူးတဲ့အဖေ့လို လူတစ်ယောက်က ပညာရေးအတွက် ရောင်းကုန်တစ်ခုလို ရောင်းခံနေရပါလားလို့ ခံစားခဲ့ရတယ်........ဦးလေး တို့ကို အတိုက်အခံမပြောရဲခဲ့တဲ့အဖေ သူဌေးမရဲ့စီစဉ်မှုနဲ့ မနက် မနက် စက်ဘီးတစ်စီးနဲ့ သူဌေးမညီမကို ကျောင်းလိုက်ပို့ပြီးမှ အဖေ ကျောင်းကို ပြန်လာရတဲ့ အစီအစဉ်တစ်ခု တတိယနှစ်မှာ တိုးလာခဲ့တယ်........

အဖေဒီလိုအခြေအနေမျိုးနဲ့ကြုံခဲ့ပေမယ့် သူတို့ လိုက်ပို့ခိုင်းလို့ ငါလိုက်ပို့တယ် ဆိုတဲ့စိတ်နဲ့ ဆေးကျောင်းသူ ကို စက်ဘီးပေါ်တင် ကျောင်းရောက်ရင် ချခဲ့ပြီး ဘာစကားမှမပြော အပို့အကြို လုပ်တဲ့လူတစ်ယောက်လိုပဲ နေခဲ့တယ်.....တစ်ကယ်တော့ ဦးလေးတို့နဲ့ သူဌေးမ က အဖေတို့နှစ်ယောက်ကို မရင်း ရင်းနှီးအောင် မနီးစပ် နီးစပ်အောင် တမင် တွန်းပို့ခဲ့ကြပေမယ့် ကျောက်ရုပ် အဖေကတော့ မတုန်မလှုပ်လုပ်နေခဲ့တယ်.......သူဌေးမက ဒါတင်မက မျိုးစုံ အဖေတို့နှစ်ယောက်ကိုနီးစပ်အောင် အဖေ့ကို အိမ်မှာထမင်းတွေခေါ်ကျွေးတာကအစ ကျောင်းပိတ်ရက် မန်းဒလေးသူကို မန်းဒလေး အနှံလိုက်ပို့ဖို့ တောသား အဖေ့ကို လိုက်ပို့ခိုင်းခဲ့
တာမျိုး အဆုံး လုပ်ပေးခဲ့ပေမယ့် အဖေကတော့ ခပ်မဆိတ်သာနေခဲ့တယ်........အဖေဘာကြောင့် အဖေ မကြိုက်တာကို ပေါ်တင်ဖွင့်မပြောလည်းလို့ကျွန်တော်မေးတော့ အဖေ့ဘ၀က အခု ငါ့သားဘ၀လို မဟုတ်ဘူးလေ လို့ပြောတော့ ကျွန်တော် အဖေ့ကို သိပ်ကျေးဇူးတင်မိသွားခဲ့တယ်.........

ဒီလိုနဲ့ အဖေ တတိယနှစ်ကျောင်းအပိတ်မှာ ကျောင်းသူကျောင်းသားတွေ အသုံးလုံး အစီအစဉ်နဲ့ ကျေးလက်တွေကို စာလိုက်ပြကြမယ့် အဖွဲ့မှာ အဖေစာရင်းပေးခဲ့တယ်........အဖေရွာကို ဘာ့ကြောင့်မပြန်ဘဲနဲ့ ဒီအသုံးလုံး အစီအစဉ်မှာလိုက်ခဲ့တာလည်းဆိုတော့ နံပါတ် ၁ အဖေ စာမတတ်တဲ့လူတွေကို စာသင်ပေးချင်တယ် နံပါတ် ၂ အဖေ့ဘ၀မှာ မန်းဒလေးနဲ့ရွာ ပဲရောက်ဘူးခဲ့တယ် ဒီမြန်မာနိုင်ငံထဲမှာ အဖေမရောက်ဘူးတဲ့နေရာကို အစိုးရစရိတ်နဲ့ရောက်ရမယ် နံပါတ် ၃ တစ်ခြားစာတော်တဲ့ကျောင်းသားတွေနဲ့လည်း သိရမယ်.....အဲဒီလို ရည်ရည်ချက်နဲ့ အဖေ လိုက်ဖို့စာရင်းပေးခဲ့တယ်......မေကြီးကတော့ အဖေပြန်မလာလို့ ရွာမှာ တစ်ငိုငို တစ်ရီရီဖြစ်ခဲ့တယ်လို့ အဖေ နောက်ပိုင်းမှာ သိခဲ့ရတယ်.......

အဖေပါတဲ့ အဖွဲ့က ကျောက်ပန်းတောင်းနယ် ပုပါး တောင် တစ်ဝိုက်က ရွာလေးတစ်၇ွာမှာ တာဝန်ကျတယ်.........အဲဒီရွာလေးမှာ ပဲ အဖေ့ဘ၀မှာ မမေ့နိုင်တဲ့အဖြစ်အပျက် တစ်ခုဖြစ်ခဲ့ပြီး အဖေ့အပေိပ်ကောင်းခဲ့တဲ့ သူငယ်ချင်းတစ်ယောက် အဖေရခဲ့တယ်............အဖေတို့စာသင်ရမယ့်ရွာကို ရောက်ပြီး အသီးသီး ကိုယ့်အစုနဲ့ကိုယ် တာဝန်ယူခဲ့ကြရတယ်.......အဖေ စာသင်ပေးတဲ့အဖွဲ့မှာ အဖိုးကြီးအဘွားကြီးတွေလည်း ပါသလို လူငယ်လူရွယ်လေးတွေလည်း ပါခဲ့တယ်........စာသင်ချိန်ပြီး ရွာက နေတဲ့အိမ်တွေက အလုပ်တွေလုပ်ကူပြီးရင်တောင် ရွာအနီးအနား လမ်းလျှောက်ထွက်တာကလွဲလို့ ထန်းတော လိုနေရာမျိုး အဖေ မသွားခဲ့ဘူး...........အဖေ့ကို ဒိဆရာလေးက အေးချမ်းတယ်ဆိုပြီး တရွာလုံးက ချစ်ပေမယ့် အဖေတို့ပြန်ကာနီးမှာတော့ အဖေ ပြသနာ ကြီးကြီးမားမားတစ်ခု တက်ခဲ့တယ်........

အဖေ့ စာသင်သားတွေထဲက အဖေ့ညီမငယ်အရွယ် ကောင်မလေးတစ်ယောက်ကို အဖေက သံယောဇဉ်ရှိတဲ့ စိတ်အရင်းခံနဲ့ ငါ့နှမလို့ ခေါ်လိုက်တာက စတဲ့ပြသနာပါဘဲ.........ပြန်ကာနီးတစ်ရက် အဖေစာတွေကိုပြန်နွှေးပေးရင် ဟိုက ထိုင်နေတဲ့ ငါ့နှမ အစ်ကို့ကို ရွတ်ပြပါအုန်းလို့ အဖေပြောလိုက်တဲ့ အချိန်မှာ အားလုံးက ငြိမ်ကျသွားခဲ့တယ်...........အဖေကတော့ မရိပ်မိပဲ ငါ့နှမ ညဉ်းကိုပြောတာ ဆိုပြီး ထပ်ပြောခဲ့တယ်.......အားလုံးဟာ မျက်နှာမသာမယာနဲ့ အလျှိူလျှိုဆက်ထိုင်နေကြပေမယ့် တစ်ချို့ကတော့ ထထွက်သွားခဲ့တယ်.........အဖေ ငါ့နှမလို့ ခေါ်ခဲ့တဲ့ သူကတော့ ခေါင်းကို အောက်ငုံ့လို့ ခေါင်းပြန်မထောင်လာတော့ဘဲ မြေကြီးကို သာမဲကြည့်နေခဲ့တယ်.....ဘာ့ကြောင့်လည်းဆိုတာတော့ အဖေနားမလည်ခဲ့ဘူး........

ညနေပိုင်း အဖေ နေတဲ့ အိမ်ရှေ့မှာ အဖေထိုင်နေတုန်း နှမလို့ ခေါ်ခံရတဲ့ ကောင်မလေးရဲ့အစ်ကိုတွေ အဖေတွေ ဦးလေးတွေလိုက်လာပြီး အဖေ့ကို သတ်မယ် ဆိုပြီး ကြိမ်းဝါးအော်ဟစ်ပြီးလာခဲ့တယ်........ရန်ဖြစ်ဖို့မပြောနဲ့ စကားတောင် မများခဲ့ဘူးတဲ့အဖေ တော်တော် ထိတ်လန့်ခဲ့တယ်.....ကျောင်းသူကျောင်းသားတွေ ဆရာတွေ နဲ့ ရပ်ရွာလူကြီးတွေ အထူးသဖြင့်ရွာမှာ အဖေ့ကိုတွေ့ပြီး အဖေ့ကိုသိပ်ခင်သွားတဲ့ အဲဒီအချိန်က ၀န်ကြီးတစ်ယောက်ရဲ့သား အိုင်အာမှာတက်နေတဲ့ ကျောင်းသားက အဓိကဦးဆောင် ဖြေရှင်းပေးခဲ့တယ်........အားလုံးရှင်းမှ အဖေသိလိုက်တာက ဒီအရပ်မှာ နှမ ဆိုတာ ကိုယ်ယူထားတဲ့ မိန်းမကိုသာ နှမလို့ခေါ်မှန်းအဖေသိလိုက်ရတယ်.........ကျောင်းသားတွေရဲ့ ထောက်ခံချက် ကျေးရွာက တစ်ချို့ရွာသူရွာသားကြီးတွေရဲ့ အဖေအေးတယ် မသိလို့ပြောမိတာပါ ဆိုတဲ့စကားတွေကြောင့်ကော အဖေ့ပြသနာက ပြီးသွားခဲ့တယ်.......အသုံးလုံး လိုက်ခဲ့တဲ့ အဖေ့အတွေ့အကြုံက သည်းထိတ်ရင်ဖိုနဲ့ ပြီးသွားခဲ့ပေမယ့် သူငယ်ချင်းကောင်းတစ်ယောက်ကိုတော့ အဖေရခဲ့တယ်..........

အဖေတို့ အသုံးလုံးအစီအစဉ်လည်းပြီး ကျောင်းလည်း ပြန်အဖွင့်ဖြစ်တဲ့အတွက် အဖေရွာကိုတော့ မပြန်ဖြစ်ခဲ့ဘူး.........အဖေ မန်းဒလေးပြန်ရောက်ပြီး စတုထနှစ် စတက်နေတဲ့အချိန်မှာ ရွာက ထွက်သွားတာကြာပြီဖြစ်တဲ့ အဖေ့အစ်ကို နှစ်ဝမ်းကွဲတော့ မိန်းမနဲ့ ကလေးတစ်ယောက် လက်ဆွဲပြီး အဖေတို့ ကျောင်းဝင်းထဲကို အလည်ရောက်လာခဲ့တယ်........လမ်းကြုံလို့အလည်ဝင်လာတဲ့အစ်ကို့ကို အဖေဘာမှမပြုစုနိုင်ပေမယ့် သူဌေးသမီးကိုရထားတဲ့အစ်ကို ကောင်းစားနေပုံကိုမြင်တော့ အဖေ့ရင်ထဲ ၀မ်းသာမိတယ်.........အစ်ကိုကတော့ နောက်နှစ်လောက်ဆို ရွာပြန်ဖြစ်မှာဖြစ်ကြောင်း ဒီတစ်ခေါက် ကျောင်းပိတ်ရက်ကို ရွာပြန်လာဖို့အကြောင်း ပြောပြီး အဖေဇွတ်ညင်းနေတဲ့ကြားက မုန့်ဖိုးပေးပြီး သူ့အမျိုးသမီးနဲ့ကလေးလက်ဆွဲလို့ ပြန်သွားခဲ့တယ်........

ဖူးစာရေးနတ်က အဖေနဲ့အမေကို တွေ့မပေးသေးပေမယ့် အဖေနဲ့အမေကတော့ နောင်တစ်ချိန်မှာ အောင်မြင်တဲ့အိမ်ထောင်တစ်ခု ဖြစ်အောင် တည်ဆောက်ဖို့အတွက် ပညာတွေယူနေခဲ့တဲ့အချိန်တွေပါလားလို့ ကျွန်တော်ယူဆခဲ့တယ်.........