အဖေနဲ့အမေ ။၉။

အဖေထွက်သွားပြီး တစ်ပါတ်ကျော်လောက်ကြာတော့ အမေ့ဆီကို အဖေ့စာရောက်လာခဲ့တယ်....ရည်းစားဖြစ်ပြီးမှ ပထမဆုံးလာတဲ့ စာမိုလို့ ရင်ခုန်ခဲ့တဲ့ အမေ မှန်းချက်နဲ့ နှမ်းထွက်မကိုက်ခဲ့ဘူး........အဖေ့စာကို ဖတ်ပြီး အမေ စိတ်လည်းတော်တော်ဆိုးခဲ့တယ်.......အမေ့ မြစ်တာကို စော်ကားတယ်လို့ တစ်ခါ အမေက ပြန်ခံစားခဲ့ရတယ်.......စိတ်ဆတ်တဲ့အမေက သမီးရည်စား နောင် လင်မယားဖြစ်မယ့်လူအချင်းချင်း
အဲလောက်လေးမှ နားမလည်ဘူးဆို အမေကလည်း စိတ်မ၀င်စားတော့ဘူး ဆိုပြီး စာပြန်ပို့ခဲ့တယ်.....အမေ့စာ ရမှ အဖေ တစ်ကယ် ပြာယာခတ်ရတော့တယ်........အမေ့ဆီကိုလည်း စာပြန်ရေးရတဲ့အပြင် အဖေ့အစ်ကိုဆီကိုလည်း စာလှမ်းရေး အကူညီတောင်းခဲ့ရတယ်.........

အမေ့စိတ်ထဲမှာတော့ တော်တော်စိတ်နုတဲ့လူလို့ သတ်မှတ်ခဲ့မိတယ်......တစ်ဖက်ကလည်း အမေ့ကို ကြိုက်တဲ့ အရာရှိပေါက်စ နှစ်ယောက်ရှိနေတော့ တော့်လို ကျောင်းသားကို ကျုပ်က ချစ်တာပဲ ကျေးဇူးတင်အုန်းလို့ အမေ့ရင်ထဲမှာ အပျိုတစ်ယောက်ရဲ့ အတ်တ ၀င်ခဲ့တယ်......တစ်မှိုင်မှိုင် တစ်တွေတွေမဖြစ်ပေမယ့် စိတ်ညစ်နေတဲ့အဖေ့ကို သူငယ်ချင်းတွေကပါ မင်းက လျှာရှည်တာကိုး ယူထားလိုက်ပြီးတာပဲ နောက်လည်း မင်းယူမှာပဲ ကိုယ့်ရည်းစားပေးတာ ရှက်စရာမဟုတ်ပါဘူးကွာ ရယ်လို့ ဖြေသိမ့်ပေးခဲ့ကြတယ်......အဖေကတော့ အမေပေးလိုက်တဲ့အထုတ်ကို အထုတ်လိုက် သူ့အခန်းထဲမှာ ချထားဆဲ.........

တစ်လကျော်ကြာ စာပို့စာယူ ၅ ခေါက်လောက်လုပ်အပြီး မှာမှ အမေ့ ဆီက စိတ်ပြေပါတယ် ဆိုတဲ့ စာ အဖေရခဲ့တယ်.........အမေနဲ့ အဖေ ပြန်ပြေလည်တဲ့နေ့ကစလို့ အမေက တစ်လ တစ်ခါ အဖေ့ဆီကို စားစရာအပြင် ကျောင်းလခ ပါ ပို့ပေးတဲ့အတွက် အဖေ အရင်ထက် စာရင်တော့ ပိုအဆင်ပြေခဲ့တယ်........နောက်ပိုင်းမှာ အမေပိုက်ဆံပို့နေတာကို ဦးလေးက သိသွားပေမယ့် အဖေ့ကိုတော့ အထောက်ပံ့ မပျက်ခဲ့ဘူး........သူများကို လုပ်ပေးရတာကို ၀ါသနာ ပါတဲ့အမေနဲ့ရည်းစားဖြစ်တဲ့အဖေ့အတွက်တော့ နောင်အိမ်ရှင်မကောင်းတစ်ယောက်ဖြစ်လာမယ့် ရည်းစားတစ်ယောက်ကိုရခဲ့တာပေါ့.......

အရင်ကထက် အနည်းအကျဉ်းပိုက်ဆံပိုလာပေမယ့် အဖေက အသုံးအစွဲကို ယခင် အတိုင်းပဲ ချွေတာ သုံးစွဲခဲ့ပြီး ပုံမှန်နေခဲ့တယ်......အမေ့ဆီက ပိုက်ဆံပို့ပြီးနောက်မှာမှ သူငယ်ချင်းတွေက မင်းမှာပိုက်ဆံရှိပြီပဲ မင်းဟာမင်းသောက် လာပါ လိုက်ခဲ့ပါ လက်ဖက်ရည်ဆိုင်ကိုဆိုလို့ အဖေ ပထမဦးဆုံးအကြိမ်လက်ဖက်ရည်ဆိုင်ထိုင်ဖူးခဲ့တယ်........လက်ဖက်ရည်ဆိုင်ရောက်တော့လည်း အဖေ့အတွက် ဘာမှမထူးရှားခဲ့ပါဘူး.......လူတွေရှုပ်ရှုပ် စကားတွေ အုပ်ကြွက်အုပ်ကြွက် ပြောနေကြတဲ့ လက်ဖက်ရည်ဆိုင်ကိုလည်း အဖေမကြိုက်ခဲ့ဘူး.....လက်ဖက်ရည်သောက်ပြီး အဆောင်ပြန်တော့မယ်ဆိုတဲ့အဖေ့ကို သူငယ်ချင်းတွေက လက်ဖက်ရည်ဆိုင်ဆိုတာ ဇိမ်နဲ့သောက်ပြီး အေးအေးဆေးဆေးထိုင်ရတယ် ဆိုပြီးဆွဲခဲ့လို့ အဖေ ဆက်ထိုင်ခဲ့ရတယ်.....

နောက်ပိုင်းတော့ ရံဖန်ရံခါ မှလွဲပြီး အဖေ လက်ဖက်ရည်ဆိုင် မထိုင်ဖြစ်ခဲ့ဘူး........အဖေ့ရင်ထဲမှာ အမေ့ပိုက်ဆံဆိုတာလည်း စွဲနေခဲ့တယ်.....လက်ဖက်ရည်သောက်ဖို့ အဖေ စိတ်မရဲခဲ့သလို ဒီလို လတ်လျား လတ်လျား လုပ်နေတဲ့လူတွေလို ငါ့ဘ၀က အဆင်မပြေဘူး ဆိုတဲ့စိတ်နဲ့ အဖေ မထိုင်ဖြစ်ခဲ့ဘူး.....လက်ဖက်ရည်ဆိုင် ထိုင်မယ့်အချိန်ကို ငါစာလုပ်မှဖြစ်မယ်လို့ပဲ အဖေ တွေးခဲ့တယ်........အဖေ့တက်ကသိုလ်ကျောင်းသားဘ၀မှာ အဖေဟာ လက်ဖက်ရည်ဆိုင်ကို စုစုပေါင်း ငါးကြိမ်ပဲ ထိုင်ဖူးခဲ့တယ်.......

ဒီလိုနဲ့ နှစ်ဝက်လောက်မှာ အဖေ့ဆီကို အလည်လာမယ်ဆိုတဲ့ အမေ့ဆီက စာအဖေရခဲ့တယ်......ခဲအို မန်းဒလေးကိုအလာမှာ အမေက အဖေ့ဆီကို အလည်လိုက်ခဲ့တာပါ....အဖေကတော့ လာမယ်မထင်ထားပဲ အမေလိုက်လာမယ်ဆိုတော့ တော်တော်ပျော်မိခဲ့တယ်........အဖေ့သူငယ်ချင်းတွေကို ပြောပြတော့ အဖေ့သူငယ်ချင်းတွေက မင်း အ၀တ်အစားကောင်းကောင်းလိုမှာပေါ့ကွ ကောင်မလေးနဲ့လျှောက်လည်ရင် ငါတို့ အ၀တ်တွေ ယူဝတ်ကွာဆိုပေမယ့် အဖေ ညင်းခဲ့တယ်.......အမေ ၀ယ်ပေးလိုက်တဲ့ ပုဆိုးနဲ့ အင်္ကျတော့ ၀တ်မှလို့ အဖေ တွေးခဲ့တယ်........

အဖေနဲ့ ပါတ်သက်လို့ သမီးရည်းစားလို ဖိန်းတိန်းရှိန်းတိန်းဖြစ်တဲ့ အရသာကို မန်းဒလေးကိုအရောက် အဖေ့အဆောင်ကို သွားတဲ့နေ့မှ အမေခံစားခဲ့ရတယ်.......အမေလာတာကိုသိတဲ့ အဖေ့သူငယ်ချင်းတွေက အဖေ့နာမည်အော်ပြီး စကြနောက်ကြတဲ့အခါ ကြည်နူးမှုနဲ့အတူ အပျိုတစ်ယောက်ရဲ့ ရှိန်းတိန်းတိန်း အရသာကို အမေခံစားခဲ့ရတယ်......(စစချင်းမှာ ဘေးပါတ်ဝန်းကျင်ရဲ့ စေ့ဆော်မှုကလည်း အဖေ့အပေါ်ကို အမေ အချစ်တိုးစေခဲ့တယ်လို့ ကျွန်တော်ယူဆမိခဲ့တယ်)......အဆောင်ကသူငယ်ချင်းတွေ အသံသေးအသံကြောင်နောက်ပြောင်နေတဲ့ကြားက အမေ့လက်ကိုဆွဲ ထွက်ခဲ့တဲ့ ငယ်စဉ်ထဲက မသိစိတ်မှာ အားငယ်ခဲ့တဲ့ အဖေ့ရင်ထဲမှာလည်း ထူးဆန်းတဲ့အင်အားတွေရှိနေခဲ့ပြီး လောကကြီးကို ပိုလို့ ထိပ်တိုက်ရင်ဆိုင်ရဲတဲ့ သတ်တိတွေ ၀င်ခဲ့တယ်......အဖေနဲ့ အမေဟာသူတို့နေခဲ့တဲ့တစ်လျှောက် ဆန့်ကျင်ဘက်လိင်နဲ့ပါတ်သက်လို့ မရခဲ့ဘူးတဲ့ ခံစားမှုကို စတင်ခံစားခဲ့ရတယ်.......

အမေကတော့ ကျွန်တော် ဂ တန်း ၉ တန်း အရွယ်လောက်ထိ ကျွန်တော်မေးလို့ ပြန်ပြောတိုင်း အဖေ့ဆီကို အမေသွားလည်တဲ့ အချိန် ကိုပြန်ပြောတဲ့ အခါတိုင်း သူ့မျက်နှာမှာ ကျေနပ်တဲ့ အရိပ်အရောင် ကြည်နူးတဲ့ အရိပ်ရောင် ကျွန်တော် အမြဲတမ်း တွေ့ရတယ်.....ကျွန်တော် သိသလောက် အမေ့ဘ၀မှာ အဖြစ်ချင်ဆုံး ၂ ခု ရှိခဲ့တယ်.....တစ်ခုကတော့ ပညာတတ်ဘ၀နဲ့ တက်ကသိုလ်တွေမှာ ပညာသင်ပြီး အရာရှိမကြီး အနေနဲ့ ရပ်တည်ချင်ခဲ့တာဖြစ်ပြီး နောက်တစ်ခုကိုတော့ ကျွန်တော် စဉ်းစားမိတိုင်း အမေ့ကို သိပ်သနားတယ်.......အမေဖြစ်ချင်တဲ့ နောက်တစ်ခုက ပင်လယ်ကမ်းစပ်က ကျောက်ဆောင် မှာ ထိုင်နေပြီး သူ့လည်ပင်းမှာ ပ၀ါစည်းထားမယ် အဲဒီ ပ၀ါ တစ်လွင့်လွင့်ဖြစ်နေတဲ့အချိန်မှာ ဓာတ်ပုံ ရိုက်ထားတာကို သူလိုချင်တာပါဘဲ.........

(တွေးကြည့်ရင် ရီချင်စရာဖြစ်ပေမယ့် သားသမီး ယောင်္ကျားနဲ့ ဆွေမျိုးတွေအတွက် သူ့ဘ၀ကို နှစ်ပြစ်လိုက်တဲ့ အမေ့အတွက် ကျွန်တော် သနားမိတယ်........သားသမီးတွေကိုသာ သွားချင်ရာသွား ပိုက်ဆံထုတ်ပေးခဲ့ပေမယ့် သူကတော့ အိမ်ထဲက အိမ်ပြင် အဖေ့ ထမင်းတစ်နပ်က အစ ပူပန်ပြီး အမေဘယ်ကိုမှမရောက်ခဲ့ဘူး......ကျွန်တော်ရန်ကုန်မှာ ကျင်လည်နေတဲ့တစ်ချိန်က အလည်ရောက်လာတဲ့အမေ့ကို အမေ သားပင်လယ်ကို လိုက်ပို့ပေးမယ်လေဆိုတော့ အမေအသက်လည်းကြီးပါပြီသားရယ် ငါ့သားတို့ လူလားမြောက်တာကို ပဲ အမေကျေနပ်ပါတယ် ဘာမှမဖြစ်ချင် ဘယ်မှလည်း မသွားချင်ပါဘူး ဆိုပြီး အမေ ကျွန်တော့်အသည်းကို ခွဲခဲ့တယ်.....)

အမေဟာ သူမဖြစ်ခဲ့ရတဲ့ ဘ၀တစ်ခုကို အတုအယောင် တစ်ခုအနေနဲ့ တစ်ခဏ ကြုံကြိုက်လိုက်ရတာလေးကိုပဲ ကျေနပ်နေခဲ့တယ်........တစ်ပါတ်လောက် ကြာအပြီး အမေ့ ခဲအို ကိတ်စတွေလည်း ပြီးတာနဲ့ အမေတို့ နယ်ကိုပြန်ခဲ့တယ်.......အဖေကျောင်းမပြီးခင် အချိန်ထိ အဖေနဲ့အမေ ဘ၀မှာ ထူးထူးခြားခြား အပြောင်းအလဲရယ် မရှိခဲ့ဘူး.........အဖေ့ဆီက စာပုံမှန်လာသလို အမေ့ဆီက တစ်လတစ်ခါ အဖေ့အတွက် စားစရာသောက်စရာနဲ့ ငွေ လည်း အဖေ့ဆီကို ရောက်ခဲ့တယ်.........အမေက အိမ်က ဖုတ်တဲ့ ကိတ်မုန့်နဲ့ တစ်ခြားမုန့်တွေပါထည့်ပေးခဲ့လို့ အဖေ့ဘ၀မှာလည်း တက်ကသိုလ်နောက်ဆုံးနှစ်ရောက်မှ ကိတ်မုန့်ဆိုတာ စားဖူးခဲ့တယ်.....

အမေတို့ အိမ်မှာလည်း ဘဘကြီး ထူထူထောင်ထောင်ပြန်ဖြစ်လာလို့ အမေလည်း အရင်ကလောက် မပင်ပန်းခဲ့ ပေမယ့် မေမေကြီး အတွက်နဲ့ကတော့ စိတ်ညစ်စရာဖြစ်ခဲ့ရတယ်......ဇာတ်ဇာတ်ကျဲ မေမေကြီးကို ခပ်အေးအေး ဘဘကြီးလည်း ပြောလို့မနိုင်ခဲ့ဘူး........အမေကတော့ မောင် ညီမ တွေ ကြောင့်သာ နေနေရတယ် အဖေလည်း ရှိနေပြီဖြစ်လို့ ခပ်ဝေးဝေးကိုသာ ပြေးထွက်ချင်တဲ့ စိတ်တွေဖြစ်နေခဲ့တယ်.....အဓိက ကတော့ ထင်ရာစိုင်းနေတဲ့ မေမေကြီးကြောင့်ပေါ့.........မေမေကြီးကလည်း သူ့ကို ကျအောင် ပြောနိုင်တဲ့သူကို လိုချင်တာပေးလေ့ရှိပြီး စေတနာရှိတယ် ဒါပေမယ့် ကျအောင် မပြောနိုင်တဲ့လူဆို ခါးခါးသီးဖြစ်တတ်တဲ့ စိတ်ရှိတော့ အမေ နေရထိုင်ရ တော်တော် ဆိုးမှာပဲလို့ ကျွန်တော် တွေးမိတယ်.......

နှစ်ဝက်ကျော်ကျော်လောက်မှာပဲ အဖေလည်း မန်းဒလေးမှာ ကျောင်းပြီးခဲ့လို့ ရွာကိုပြန်လာရတယ်........ရွာကို ဘွဲ့တစ်ခုပိုက်ပြီး ပြန်လာတဲ့ အဖေကတော့ ရှေ့ ဘယ်လိုဆက်လျှောက်ရမယ်ဆိုတာ မခန့်မှန်းနိုင်ခဲ့ဘူး..........မေကြီးကတော့ ထုံးစံအတိုင်းပဲ ရွာမှာ ကျောင်းဆရာလေးပဲလုပ်ပါ လူလေးရယ် အမေတို့နဲ့လည်း မခွဲရဘူး ဆိုပြီး နားချခဲ့တယ်.....အဖေကတော့ ကြိုးစားပြီး ကျားကုတ်ကျားခဲ သင်လာရတဲ့ ပညာနဲ့ အလုပ်လုပ်ချင်ခဲ့တယ်.......ဒီတစ်ခါတော့ ဘဘကိုယ်တိုင်ပါ ရွာမှာ ကျောင်းဆရာလုပ်ဖို့ အဖေ့ကို တိုက်တွန်းခဲ့တယ်.........

ခပ်အေးအေး အဖေကတော့ စဉ်းစားအုန်းမယ် ဆိုပြီး ရွာရောက်ပြီး တစ်ရက်နှစ်ရက်နေတော့ အမေ့ဆီထွက်လာခဲ့တယ်........ကျောင်းပြီးလာပြီ ဖြစ်ပေမယ့် အဖေနဲ့အမေမှာ ရှေ့ရေးအတွက် ဘယ်လို ခရီးဆက်ကြမယ်ဆိုတဲ့ အတွေး မရှိခဲ့ကြဘူး.......အဖေ အမေ့ဆီကို ရောက်လာတော့ အမေက ဘဘကြီးနဲ့မေမေကြီး နဲ့ အဖေ့ကို မိတ်ဆက်ပေးခဲ့တယ်.....ခပ်အေးအေး ဘဘကြီးကတော့ ပညာလည်းတတ် အေးလည်းအေးတဲ့ အဖေ့ကို သဘောကျပေမယ့် မေမေကြီးကတော့ အင်္ကျအနွမ်း ပုဆိုးအနွမ်း နဲ့ နွမ်းဖတ်နေတဲ့ အဖေ့ကို သိပ်သဘောမတွေ့ခဲ့ဘူး.........တစ်ခွန်းမှပြန်မပြောခဲ့တဲ့မေမေကြီးကို အဖေနဲ့ပါတ်သက်ရင်တော့ မရဘူးနော် ဆိုတဲ့ပုံနဲ့ အမေ နေတော့ အမေ့စိတ်ကိုလည်း သိတဲ့ မေမေကြီး ဘာမှတော့ မပြောခဲ့ဘူး.......

အမေ့သတ်တိ အမေ့ခွန်အားကိုမြင်ပြီး ရှေ့ရေးအတွက် အတွေးပေါင်းစုံနဲ့ အဖေ ရွာပြန်ခဲ့တယ်......ရွာမှာ တစ်ပါတ် နှစ်ပါတ်လောက်နေအပြီးမှာတော့ အမေရှိတဲ့ မြို့မှာ ကျူရှင် ပြမယ် ဆိုပြီး မေကြီးနဲ့ဘဘကို အဖေခွင့်တောင်းခဲ့တယ်........မေကြီးက ခွင့်မပြုချင်ပေမယ့် စိတ်ထက်သန် နေတဲ့ အဖေ့ကို ဘဘက ခွင့်ပြုခဲ့တယ်.......ဒီလိုနဲ့ အဖေ အမေနေတဲ့မြို့မှာ ဆယ်တန်း အင်္ဂလိပ် ကျူရှင်သင်တန်းဆိုပြီး ကျောင်းသား ၁၀ ယောက်လောက်ကို စာပြတဲ့ အလုပ်ကို စလုပ်ခဲ့တယ်.......အဖေ စာသင်ဖို့အခန်းလေးကို အမေပဲငှားပေးခဲ့ပြီး အဖေနေဖို့အတွက်ပါ အမေစီစဉ်ပေးခဲ့တယ်........အဖေ့ အင်္ဂလိပ်စာသင်တန်းဖွင့်ပြီး တစ်နှစ်နီးပါး အဖေ အဆင်ပြေနေခဲ့တယ်.....အိမ်ထောင်တစ်ခုကြီး အလုံးစုံ မတည်ထောင်နိုင်သေးပေမယ့် အမေ့ကို ကျွေးဖို့ကတော့ လုံလောက်ပါတယ်ဆိုတဲ့ စိတ်နဲ့ အမေနဲ့လက်ထပ်ဖို့ အဖေ တိုင်ပင်ခဲ့တယ်........