အဖေနဲ့အမေ ။၈။

အမေခရီးကနေ အိမ်ပြန်ရောက်တော့ မေမေကြီးက သူ့ဆုံးဖြတ်ချက်တစ်ခုကိုပြောခဲ့တယ်......အမေ အံ့သြပြီး မလုပ်စေချင်ပေမယ့် မေမေကြီးကတော့ သူလုပ်ချင်တာကို ဇွတ်လုပ်ခဲ့တယ်.......နတ်တွေက ၀က်သားမကြိုက်ဘူး စားသောက်ဆိုင်က ၀က်သားအဓိကထားရတာ စားသောက်ဆိုင်ကို ဖြုတ်မယ်လို့ မေမေကြီးက ဆုံးဖြတ်ခဲ့တယ်.......ခေါက်ဆွဲကြော်စားရင်တောင် ၀က်ဆီနဲ့မှ ကောင်းတယ်လို့ ယူဆတဲ့ စားသုံးသူတွေရှိတဲ့နေရာမှာ ကြက်သား သို့ တစ်ခြားအသားနဲ့ရောင်းလည်း ရောင်းကောင်းမယ့်ပုံမပေါ်ခဲ့ပါဘူး........အမေကတော့ စိတ်ပျက်ယုံမှတစ်ပါး ဘာမှမလုပ်နိုင် မပြောနိုင်ခဲ့ဘူး........ဦးဆောင်လုပ်နေရပေမယ့် မေမေကြီးအပေါ် အမေ့စကားကလည်း မအောင်မြင်ခဲ့ပါဘူး..........

မေမေကြီး သမီး အကြီး ယောင်္ကျားရပြီး အိမ်ပြန်လာပေမယ့် ကူဖော်လောင်ဖက်လည်း မရခဲ့သလို သူတို့ကလည်း မေမေကြီးထားတဲ့အတိုင်း ခပ်အေးအေးပဲ နေသာသလိုနေခဲ့တယ်........ဘဘကြီး နည်းနည်းထူထူထောင်ထောင်ဖြစ်လာခဲ့လို့ အမေ မဆိုသလောက် သက်သာပေမယ့် မေမေကြီးကတော့ နတ်ရုပ်တွေ နတ်ကတော်တွေ နတ်ပွဲတွေနဲ့ပဲရုပ်ယှက်ခတ်နေခဲ့တယ်.......(မေမေကြီးက ယနေ့အချိန်ထိ ဒီနတ်တွေကို စွဲလမ်းနေတာ ယုံကြည်မှုကြောင့် မဟုတ်တော့ဘူး လူငယ်တွေ ဒစ်စကို သွားသလို မျိုး အလေလိုက်ချင်နေတာလို့ ကျွန်တော်ပြောတော့ ဘဘကြီးက ထောက်ခံခဲ့တယ် သူကိုယ်တိုင်လည်း မေမေကြီးနဲ့အတူ နောက်ပိုင်းမှာ ပူးပေါင်းခဲ့တယ် )

ဒီနှစ်အပိုင်းအခြားမှာ အမေ့ကို လာတောင်းတဲ့သူတွေလည်း တော်တော်များခဲ့တယ်.....တစ်ယောက်ကိုမှတော့ အမေ့ကို ဦးဆောင်မှုပေးနိုင်လိမ့်မယ် လို့ အမေမထင်ခဲ့ဘူး......အားလုံးကို အမေ အလိမ်မာ သုံးပြီးညင်းပယ်ခဲ့သလို ပွဲကြမ်းခဲ့ရတဲ့ အခေါက်တွေလည်း အမေ့မှာရှိခဲ့တယ်.......အမေ တို့မြို့မှာ ကျူရှင်ဆရာဘ၀နဲ့ ၀င်ငွေကောင်းနေတဲ့ ကျူရှင်ဆရာတစ်ယောက်က အမေ့ကို တင့်တောင်းတင့်တယ် လာတောင်းပေမယ့် အမေ ဆတ်ဆတ်ခါနာအောင် ဒေါသထွက်ခဲ့တယ်.....စိတ်လည်း တော်တော်တိုခဲ့တယ်......ကျူရှင်ဆရာက လူကောင်း လူတော်ပေမယ့် ကင်ဆာရောဂါကြောင့် သူ့အောက်နှုတ်ခမ်းက အောက်ကို ၁ လက်မလောက်ထူပြီးတွဲကျနေပြီး အဲဒီကတစ်ဆင့် သွားရည်တွေ ကျလာတာကို မကြာခဏသပ်သပ်တင်ရတယ်......မေမေကြီးဆိုင်မှာလာလာထိုင်ပြီး အမေ့ကို ချိတ်နေထဲက အမေ အင်မတန်ရွံခဲ့တယ်.......သွားရည်ကို လက်နဲ့သုတ်ပြီး ခါလိုက်တဲ့ သူ့ရဲ့အမူအရာက အမေ့ရင်ထဲမှာ ခါးခါးသီးသီး ရွံရှာမိခဲ့တယ်.......

အမေဟာ သူ့ဘ၀ အတွက် လက်တွဲရမယ့် လူရွေးရတော့မယ်လို့ လည်း ဆုံးဖြတ်ခဲ့တယ်.......ပညာမတတ် နယ်မြို့လေးမှာ ကြီးပျင်းခဲ့ရပေမယ့် အမေဟာ သူ့ဘ၀အတွက် လက်တွဲရမယ့်လူကိုရွေးချယ်ဖို့အတွက်ကိုတော့ မှန်ကန်တဲ့ အချက်တွေကို ထည့်သွင်းစဉ်းစားနိုင်ခဲ့တယ်.......တစ်ချို့ပညာတတ်ပေမယ့် မျက်နှာပိုးမသေတာမျိုး စတဲ့ သေးသေးလေးတွေကိုလည်း အမေ သဘောမကျခဲ့ဘူး..........ကမ်းလှမ်းလာသူတွေထဲက သေချာစစ်စစ်ပေါက်ပေါက် အမေ သဘောမကျတဲ့အချက်တွေနဲ့ စစ်ထုတ်လိုက်တော့ အဖေဟာ ကံကောင်းသူ ဖြစ်လာခဲ့တယ်.......တစ်ခုရှိတာက သူ့ဘ၀ လက်တွဲဖော် သူ့ကို ဦးဆောင်နိုင်မှုပေးနိုင်မယ့်လူလို့ အမေက အဖေ့ကို သတ်မှတ်ခဲ့ပေမယ့် အဖေကတော့ အမေဒီလို သတ်မှတ်ထားတာမသိသေးသလို အမေ့ဆီကို ဘယ်လို သဘောထားတယ်ဆိုတာ စာတွေရေးကောင်းနေခဲ့သလို သူ့ရဲ့အစ်ကို အဲဒီကတစ်ဆင့် အမေ့အစ်မ သူကမှ အမေ့ဆီကို စကားတွေပါးနေခဲ့တယ်........

အမေ ဟာ အဖေ့ကို နှလုံးသားနဲ့ ရွေးခဲ့တာမဟုတ်ဘူး ဦးဏှောက်နဲ့ ရွေးခဲ့တယ်လို့ ဆိုရပေမယ့် အဖေနဲ့အတူ သွားခဲ့ရတဲ့ ပုဂံခရီးမှာ အဖေ့ရဲ့ အနေအထိုင်အပြောအဆိုနဲ့ အဖေအမေ့အပေါ်မှာထားတဲ့ စိတ်ကို တော့ မှတ်မှတ်ထင်ထင်ရှိခဲ့တယ်.......ရိုးသားတဲ့ အဖေ့မြစ်တာစာရေးဟန်နဲ့ လက်ရေးလက်သားကလည်း အမေ့ကိုဆွဲဆောင်တဲ့အရာတွေ ဖြစ်ခဲ့တာပေါ့......အဖေနဲ့ပါတ်သက်လို့ စိတ်ကူးယဉ်တဲ့အချိန် ယဉ်နေရပေမယ့် အေးအေးဆေးဆေး စိတ်ကူးယဉ်နေရတဲ့ဘ၀တော့ မဟုတ်ခဲ့ဘူး.......ပွဲတွေ လမ်းတွေ နဲ့ အိမ်ပေါ်မှာ စတည်းချနေတဲ့ မေမေကြီး ဆွေမျိုးသားချင်းတွေ ရပ်ဆွေရပ်မျိုးတွေရဲ့ ဒဏ်တွေက မသေးခဲ့ဘူး.......စားတာသောက်တာတင်မက ငွေကြေးတွေပါ အင်နဲ့အားနဲ့ပါလာတဲ့အခါ မေမေကြီးနဲ့ အမေ မတက်စဖူး ပြသနာ တက်ဖို့တွေဖြစ်လာခဲ့တယ်.....တစ်သက်လုံး အင်နဲအားနဲ့ အရွယ်နဲ့မမျှအောင် အမေလုပ်ခဲ့ပြီး ဘာမှပြန်မပြောခဲ့ပေမယ့် မောင်ညီမလေးတွေ မျက်နှာကြည့်ပြီး မေမေကြီးကို ပထမဆုံး အကြိမ် အမေ ခွန်းတုံ့ပြန်ဝေဖန်ခဲ့တယ်.....

ရလာဒ်ကတော့ မေမေကြီး မီးစွဲနေတဲ့ ထင်းချောင်းနဲ့ ရိုက်တာကို အမေခံရတာပါဘဲ........ဒါတွေဟာ ငါ့စီးပွား ငါလုပ်လာတာ ငါကြိုက်သလိုလုပ်မယ်ဆိုတဲ့စကား ကို အမေသိပ်နာခဲ့တယ်........အားကြိုးမာန်တက်လုပ်ခဲ့တဲ့ အလုပ်တွေအပေါ်မှာ အမေ စိတ်အားထက်သန်မှု သိပ်မရှိတော့ပေမယ့် အလုပ်တွေကိုတော့ ပြစ်မချခဲ့ဘူး.........လုပ်ရင်းကိုင်ရင်း မေမေကြီးကို စိတ်တွေပျက်ရင်း အချိန်တွေတစ်ဖြည်းဖြည်းကုန်လာခဲ့တယ်..........တစ်ရက် အမေ မုန့်ဆိုင်မှာထိုင်နေတုန်း ဆိုင်ရှေ့ကို ပုဆိုး ခပ်နွမ်းနွမ်း အင်္ကျခပ်နွမ်းနွမ်း နဲ့ အဖေ ရောက်လာခဲ့တယ်.....ကျောင်းပိတ် လို့ရွာကို ပြန်အရောက် အနီးအနားမြို့က အမေ့ဆီ အဖေ ရောက်လာခဲ့တယ်..........အဖေ့ကို မြင်လိုက်ရတဲ့ အချိန်မှာ အမေ ရှက်ကိုးရှက်ကန်း ဖြစ်မနေခဲ့တာကိုလည်း အဖေ သဘောကျခဲ့တယ်..........

အားကိုးတော့မယ်လို့ ဆုံးဖြတ်ခဲ့တဲ့ အမေကတော့ အဖေ့ကိုမြင်လိုက်တဲ့အချိန်မှာ အသွင်အပြင် နွမ်းဖတ်နေပေမယ့် အဖေ့မျက်နှာအဖေ့ဟန်ပန်ကို ကြည့်ပြီး ပိုလို့ အားကိုးချင်စိတ် ပေါက်ခဲ့တယ်........အဖေနဲ့ အမေ ပထမအခေါက်မှာ တည်တည်ငြိမ်ငြိမ် တွေ့ခဲ့ကြပြီး အမေနဲ့မှာ လက်သွက်လာတဲ့ အဖေက အဖြေပါတစ်ခါထဲ တောင်းခဲ့တယ်.......ကျွန်တော် မသိသေးတဲ့ အဖေနဲ့အမေ လူငယ်ဘ၀မှာလည်း ရှက်ကိုးရှက်ကန်း ဟန်ဆောင်တာ အမူပိုတာ တွေ ရှိမယ်မထင်ဘူးလို့ ကွှန်တော်သိတဲ့ အဖေနဲအမေကို ကြည့်ပြီး မှတ်ချက်ချဖြစ်ခဲ့တယ်.......အမေကတော့ သိပ်လည်း မူမနေချင်ဘူး တော်ကြာလွတ်သွားမှာလည်း ဆိုးရသေးတယ်လို့ တစ်ဟားဟားနဲ့အော်ရင်း ပြောပြခဲ့တယ်.....

တတိယအခေါက် အဖေ မြို့ပေါ်တက်လာတဲ့အကြိမ်မှာ အမေ အဖေ့ကို အဖြေပေးခဲ့တယ်.......ရည်းစားပိုးလာတဲ့ အဖေက ကားခ မရှိလို့ ရွာကလမ်းလျှောက်လာပြီး အမေ့ဆီကိုရောက်ရင် အပေါ်က ခေါင်းအုံးအောက်ထားအိပ်လို့ ခေါက်ရိုးကျိုးနေတဲ့ အင်္ကျနွမ်း ပုဆိုးအနွမ်း ဖော့ဖိနပ်နဲ့ အဖေ့ခြေထောက်မှာ ဖုန်တွေနဲ့ဖွေးနေခဲ့တာ သိပ်ရီဖို့ကောင်းတယ်လို့ အမေ ထင်ခဲ့တယ်.........အဲဒီသူကိုပဲ သူ့ဘ၀တစ်ခုလုံး အမေ ပုံအပ်ခဲ့တယ်........အဖေနဲ့ အမေရည်းစားဖြစ်ပေမယ့် အလုပ်တစ်ဖက်နဲ့ ရှုပ်နေတဲ့အမေ့ကို အေးအေးဆေးဆေး လည်း စကားမပြောနိုင်ခဲ့ပါဘူး........အဓိပါယ် ပိုရှိလာတယ်လို့တော့ အဖေ ထင်ခဲ့တယ်.........

အဖေ မန်းဒလေးကို ကျောင်းပြန်တက်ဖို့ အသွား အမေ့ကိုလာနှုတ်ဆက်တဲ့အချိန်မှာတော့ အမေက အဖေ့အတွက် လက်ဆောင် တစ်ထုပ်ထည့်ပေးခဲ့တယ်.......ကျောင်းရောက်မှ ဖွင့်ကြည့်ပါလို့လည်း အမေ ပြောခဲ့တယ်.........အဖေကျောင်းကိုရောက်တော့ သူငယ်ချင်းတွေက ဒီကောင် တိုးတက်လာပြီး တစ်ထုတ်တိုးလာတယ် လို့ အဖေ့ကိုနောက်တာ အဖေ ကြုံခဲ့ရသေးတယ်.........အမေထည့်ပေးလိုက်တာက အဖေ့အတွက် ငါးပိကြော် အသားကြော်မျိုးစုံ အ၀တ်အစား နှစ်စုံ ပိုက်ဆံ ၁၅၀ လွယ်အိတ် စတာတွေပါ......အဖေဟာ သိပ်ကို အံ့သြပြီးစိတ်လည်းတိုသွားခဲ့တယ်.........ချက်ခြင်းပဲ အမေ့ဆီကို စာရေးပြီး သူ ဒါကို သိပ်စိတ်ဆိုးကြောင်း သူဟာ အမေ့အပေါ်မှာ ပိုက်ဆံကြောင့်ချစ်ခဲ့တာမဟုတ်ကြောင်း အမေ့ကိုမြစ်တာ သက်သက်ဖြင့်သာချစ်တာဖြစ်ကြောင်း ဒါတွေဟာ သူ့ကိုစော်ကားသလိုပဲ သူခံစားရကြောင်း စာရေးပြီးချက်ခြင်းပဲ စာတိုက်ပုံးကိုသွားထည့်ခဲ့တယ်.........

အမေ့အနေနဲ့ကတော့ အဖေ့ရဲ့ ဆင်းရဲနုံချာမှုကို ခန့်မှန်းမိသလို အစ်မကတစ်ဆင့်လည်းကြားခဲ့ရတယ်.......အဖေတက်နေရတဲ့တက်ကသိုလ်လိုနေရာမျိုးကို ရောက်ချင်ခဲ့ပေမယ့် ဘ၀ပေးအရ မရောက်နိုင်ခဲ့ဘူး.......ဒါပေမယ့် ချစ်သူ ရည်းစားက ဒီလိုနေရာမျိုးကိုရောက်နေတဲ့အခါ ရောက်နေတဲ့လူကို ပံ့ပိုးပေးချင်တဲ့စိတ်ရှိခဲ့တယ်......အိမ်ထောင်ဖက်အထိ ရည်ရွယ်လိုက်တဲ့ အမေက အဖေ့ကို သမီးရည်းစားပေမယ့် လင်ယောင်္ကျားအဖြစ် သဘောထားပြီးထောက်ပံ့ပေးခဲ့တယ်........အဖေနဲ့ အမေ မွေးဖွားကြီးပြင်းကျင်လည်ရာ ပါတ်ဝန်းကျင်မတူတဲ့အခါ အယူအဆ လွဲခဲ့ကြတယ်.........အမေကတော့ ထည့်ပေးလိုက်တဲ့ ပြစ်စည်းတွေကို အဖေ တွေ့သွားရင် အမေ့ရဲ့ ဂရုစိုက်မှု ကြင်နာတတ်မှုတွေကို အဖေ အသိအမှတ်ပြုမယ်ထင်ခဲ့တယ်........ဒါပေမယ့် အမေ မျှော်လင့်သလို ဖြစ်မလာဘူးဆိုတာ အဖေထွက်သွားပြီး တစ်ပါတ်ကျော်အကြာမှာ သိခဲ့ရတယ်........