အေးဆေးတဲ့ အဖေ့အနေနဲ့ စိတ်ပျက်ပြီး စိတ်ကုန်မယ်ဆို ကုန်လောက်အောင်ပဲ ကျွန်တော်တို့ ညီအစ်ကိုနှစ်ယောက် တစ်ယောက်တစ်မျိုးစီ တက်ညီလက်ညီဆိုးသလို သူသိပ်အားထားပြီး စာလည်းတော်တဲ့ သမီး ယောင်္ကျားရသွားတာကို အဖေ စိတ်လည်းမကောင်းဖြစ်ခဲ့မှာပါဘဲ.......အဖေနဲ့အမေ တော်ရုံတန်ရုံ မိဘ စိတ်မျိုးနဲ့ သားသမီးဟာ သားသမီးပဲ ဒီလောက်ဒုတ်ခပေးနေတာ ဖြစ်ချင်တာဖြစ်ကွာဆိုပြီး ထားခဲ့ရင် အထူးသဖြင့် ကျွန်တော့်အတွက် သက်ဆိုးရှည်ပါ့မလားထိတောင် တွေးရမလိုဖြစ်ပြီး သက်ဆိုးရှည်တယ်ဆိုရင်တောင် အင်မတန်ကို တေပေလေလွင့်ပြီး သုံးစားလို့မရအောင်ထိ ပျက်စီးနေမယ်ဆိုတာကို ကျွန်တော့်ကိုယ်ကျွန်တော် ပြန်ပြီးလည်းတွေးမိခဲ့တယ်........ဒီနေ့ဒီအချိန်မှာ လူကောင်းကြီးမဟုတ်ရင်တောင် လူဆိုးမဖြစ်ခဲ့ပဲ အထိုက်အသင့်လူလူသူသူ နေနိုင်ခဲ့တာ အဖေနဲ့အမေရဲ့ သားသမီးတွေအပေါ်ထားတဲ့ ကြီးမားလှတဲ့မေတ္တာနဲ့ စိတ်ရှည်လက်ရှည်ဆုံးမပဲ့ပြင်ခဲ့တာကြောင့်ဆိုတာကို ကျွန်တော် အကျွင်းမဲ့ ယုံကြည်ခဲ့တယ်......
ကျွန်တော်ပြသနာဖြစ်ပြီးတဲ့နောက်မှာ အဖေ့ကိုလည်း အတတ်နိုင်ဆုံး ရှောင်နေမိခဲ့ပြီး ကျွန်တော်ရဲ့ဒေါသနဲ့ ရန်လိုစိတ်ကြောင့်မဟုတ်ပဲ ပါတ်ဝန်းကျင်ကြောင့်သာ အဖေနဲ့ ဒီလိုဖြစ်ရတယ်လို့သတ်မှတ်ပြီး ကျွန်တော်ရဲ့ ပါတ်ဝန်းကျင်မုန်းတီးစိတ်က ပိုလို့ကြီးလာတော့တယ်.......ထို့အတူ သိပ်မကြာခင်မှာပဲ အစ်ကိုက အဖေ့အိမ်မှာ နေရတာ စည်းကမ်းတင်းကျပ်လွန်းတယ်ဆိုပြီး ဦးလေးရှိတဲ့ ချင်းပြည်နယ်ကိုဇွတ်သွားမယ်ဆိုပြီး ထွက်သွားခဲ့ပြီး ချင်းပြည်နယ်မှာပဲ ကျောင်းတက်ခဲ့တဲ့အတွက် အဖေကအစ်ကို့ကို နောက်ပိုင်းမှာ ဖုန်းနဲ့တောင် စကားမပြောခဲ့တော့ပါဘူး.......တစ်ယောက်ထဲ ကျန်တော့တဲ့ ကျွန်တော့်ကို အဖေက စည်းကမ်းတင်းကျပ် ကျွန်တော်က စည်းကမ်းတင်းကျပ်တာကိုမကြိုက်ပဲ ကွယ်ရာမှာလုပ်ချင်ရာလုပ်နဲ့ ကြားထဲက အမေက စိတ်တွေဆင်းရဲခဲ့ရတယ်.......
နေရာတစ်ကာ ထီကနဲဆို ထိပ်ဆုံးက ကျွန်တော့်နာမည်ထွက်လာအောင်လည်း ဟိုနားလက်သီးထိုး ဒီနားလက်သီးထိုးတွေကလည်း ကျွန်တော့် အတွက် မရေနိုင်အောင် ဖြစ်လာတဲ့အပြင် အဖေ့ဆရာကတော်က ကျွန်တော့်ကို သားအိမ်မှာ မေမေရှိလားလို့မေးတဲ့အချိန် ရှိတယ်ဗျ အိမ်မှာပဲလို့ ပြန်ပြောတော့ သူက ချစ်စနိုးနဲ့ ကောင်လေး ပလီတာ မဟုတ်လားဆိုပြီးပြောလို့ ဘာပလီတာလည်းဗျ အန်တီကလည်းမေးသေးတယ် နောက် ကျွန်တော့်ကိုလာမမေးနဲ့ မယုံရင် ဆိုတာမျိုးကအစ အဖေ့ဆရာအိမ်က ခွေးတွေကျွန်တော့်ကိုလိုက်ကိုက်လို့ အိမ်ထဲထိ ခဲနဲ့လိုက်ထုတဲ့အတွက် အဖေ့ဆရာသမီးတွေကတောင်းပန်မှကျေနပ်မယ်ပြောလို့ အမေခေါ်သွားတဲ့အချိန်မှာ အဖေ့ဆရာအိမ်ရောက်ရောက်ချင်း သားက ခွေးကိုထုတာ သူတို့ထုတာမဟုတ်ဘူး ဆိုပြီး ခွေးတွေရယ် နောက်ငါ့ကို ကိုက်ချင်သလောက်ကိုက်နော် အကိုက်ခံမယ် ခဲနဲ့လည်း မထုတော့ပါဘူး ကြောက်ပါတယ် တောင်းပန်ပါတယ် ဆိုလို့ ပြောပြီး လှည့်ထွက်ခဲ့တာမျိုးအဆုံး လုပ်တဲ့အတွက် အဖေ့မှာ မျက်နှာတွေပျက် ခွင့်လွှတ်ပါ လို့တောင်းပန်ရသလို ကျွန်တော့်ကိုလည်း သူ့နည်းသူ့ဟန်ပေပေမယ့် အေးဆေးပြီး ယဉ်ကျေးတဲ့ အစ်ကိုနဲ့ယှဉ်လို့ ဒီကောင်လေးက မိုက်ရိုင်းတယ် ငပေလေး ဆိုပြီး နာမည်တပ်ကြတဲ့အတွက် ကျွန်တော်ဆိုးတယ်ဆိုတဲ့ အကြောင်းကလည်း နာမည်ကြီးသထက် ကြီးလာခဲ့တယ်..........
ကျွန်တော့်အတွက်ကတော့ ဘယ်သူတွေဘာတွေပြောနေပစေ အိမ်မှာဆို အမေရယ် အပြင်မှာဆို အဲဒီအချိန်က ကျွန်တော်သိပ်ခင်တဲ့ လူမိုက်တစ်ယောက်ရယ် ရှိရင် ပြီးတာပဲ ဆိုပြီး ဘယ်သူ့မှ ဂရုမစိုက်တဲ့ ဂျစ်တီးဂျစ်ကန် ပုံစံပိုလို့ပေါက်လာခဲ့တယ်.........အဖေနဲ့အမေအတွက် အစိုးရိမ်ဆုံးကတော့ ကျွန်တော် အဲဒီလူမိုက်နဲ့ပေါင်းနေတာကိုပါဘဲ........အဲဒီကာလမှာ ကျွန်တော့်လုပ်တဲ့ ကောင်းတဲ့ အကျင့်ဆိုလို့ အဖေ လေ့ကျင့်ပေးထားတဲ့ စာအုပ်တွေဖတ်တာပါဘဲ.........တစ်ရက်ကို စာအုပ်တစ်အုပ်လောက်မှမဖတ်ရရင် မနေနိုင်တဲ့ စာဖတ်သမား ကျွန်တော့်အတွက် ကျွန်တော့်ဘ၀ကို ပြောင်းလဲပေးနိုင်ခဲ့တဲ့ ကျွန်တော့်စဉ်းစားတွေးခေါ်ဥာဏ်ကို ပြောင်းလဲပေးနိုင်ခဲ့မယ့် ကောင်းနိုးရာရာ စာအုပ်တွေကို အဖေ ၀ယ်ဝယ်ထားပေးခဲ့တယ်.......ဖတ်နေတဲ့ကာလမှာတော့ ဖတ်တာရယ်ပဲရှိပြီး ဖတ်ထားတာတွေကို လေကြီးလေကျယ်ပြောနေတတ်တာကလွဲလို့ လိုက်နာကျင့်သုံးရကောင်းမှန်းမသိသလို အပြင်မှာဆို မိုက်တိမိုက်ကန်း ဂျစ်တီးဂျစ်ကန် ပုံစံက ထွက်နေဆဲပါဘဲ.........
အဖေနဲ့ကျွန်တော် လုံးလည်ချာလည် လိုက်နေတဲ့ကာလမှာပဲ အစ်မ ရဲ့ ကိုယ်ဝန် မီးဖွားခဲ့တယ်........အစ်မ မီးဖွားခဲ့ပြီးနောက် အဖေနဲ့အမေအတွက်လည်း အင်မတန် စိတ်ထောင်းလို့ကိုယ်ကြေခဲ့ရတဲ့ကာလဖြစ်သလို အဖေ အပြင်းအထန်တားတဲ့ကြားက ခိုးခိုးပြီး ငါးမျှားတတ်တဲ့ ကျွန်တော်လည်း တိရိစ္ဆာန်တွေကို သတ်တဲ့ဖြတ်တဲ့အလုပ် တွေကို ရွံ့မုန်းသွားသလို ကိုယ့်ကိုယ်ကိုယ်လည်း နောင်တရလို့ မဆုံးခဲ့မိဘူး.........အစ်မ မွေးလာတဲ့ အဖေနဲ့အမေရဲ့ မြေးဦး ကျွန်တော့်ရဲ့ တူမလေးက နှုတ်ခမ်းကွဲလေး နဲ့ မွေးလာခဲ့လို့ပါဘဲ.........ဆရာဝန်ကတော့ ကိုယ်ဝန်ရှိစဉ် မှာ ဆေးပြင်းတွေသောက်လို့ ဖြစ်တယ်ပြောပေမယ့် ကျွန်တော်ကတော့ ကျွန်တော် ငါးတွေကိုမျှား ပြီးရင် ချိတ်ကဖြုတ် ပြန်လွှတ် လုပ်ခဲ့တဲ့တာကြောင့် ဖြစ်ရတယ်လို့သာ ယနေ့ချိန်ထိ မှတ်ယူနေခဲ့မိသလို အင်မတန်လည်း စိတ်မကောင်းဖြစ်ခဲ့ရတယ်.......
ထို့အတူ အဖေ့လုပ်ငန်းခွင်မှာလည်း အဖေ့ကိုတစ်ပည့်ရင်းထားတဲ့ အဖေ့ဆရာ ပြောင်းသွားပြီး အဖေ့ဆရာနဲ့ မတည့်တဲ့ နောက်ထပ်လူကြီးတစ်ယောက် အဖေ့အထက်လူကြီးအနေနဲ့ ရောက်လာခဲ့တဲ့အတွက် လုပ်ငန်းခွင်မှာလည်း အဖေ့အတွက် စိတ်ညစ်စရာတွေဖြစ်လာခဲ့ရတယ်........အဖေ သားသမီးတွေအတွက် စိတ်ဆင်းရဲနေရသလို လုပ်ငန်းခွင်မှာလည်း စိတ်ညစ်နေရတဲ့အချိန်ကာလမှာပဲ မိုက်ရိုင်းလှခဲ့တဲ့ ကျွန်တော့်အတွက် အဖေ သတိမေ့ပြီး လဲကျတဲ့အထိလည်း ဖြစ်ခဲ့ရတယ်........တစ်ရက်မှာ ကျွန်တော့်ရဲ့ သူငယ်ချင်းနဲ့ ညကြီးမိုးချုပ် ဂစ်တာတီးလိုက်သွားတဲ့အတွက် အဖေကျွန်တော့်ကို ဆိုင်ကယ်တစ်စီးနဲ့ လိုက်ရှာခဲ့တယ်........ကျွန်တော်တို့ ဂစ်တာတီးနေတဲ့ နားကို အဖေ ရောက်မလာခင် အဖေ့ဆိုင်ကယ်ကို လှမ်းမြင်လိုက်တဲ့ သူငယ်ချင်းကြီးက ဟေ့ကောင် မင်းအဖေ လိုက်လာပြီ ဆိုတာနဲ့ ကျွန်တော်လည်း ထပြေးခဲ့ပြီး အိမ်ကို အမြန်ပြန်ပြေးခဲ့တယ်........အိမ်ရောက်တဲ့အချိန်မှာ အမေက သား အဖေ စိတ်ဆိုးနေတယ် ငါ့သားရယ် ညအပြင်ထွက်တာ အဖေမကြိုက်တာကို ဘာလို့ခိုးထွက်သွားတာလည်း ဒုတ်ခပါဘဲ လို့ အမေပြောနေတဲ့အချိန်မှာပဲ အဖေ ရောက်လာပြီး ကျွန်တော့်ကို စပြီး ဆူခဲ့တယ်........
ဆူပြီးတဲ့နောက်မှာ သွား ဟေ့ကောင် အခန်းထဲဝင်လို့ အဖေခိုင်းခဲ့ပြီး အပြင်ကနေ သော့ခတ်ပြီးကျွန်တော့်ကို ထားခဲ့တယ်........အဲဒီအချိန်မှာ ကျွန်တော်ကလည်း အဖေ့ကို မကျေနပ်တဲ့အခံနဲ့ ပြတင်းပေါက်ကို ကာထားတဲ့ သစ်သား ချောင်းတွေကို ရိုက်ချိုးပြီးထွက်မယ်ဆိုတဲ့ရည်ရွယ်ချက်နဲ့ ရိုက်နေတာကို အဖေကြားပြီး အခန်းတံခါးဖွင့် အခန်းထဲကို ၀င်လာခဲ့ပြီး ဟင် မင်းက မလောက်လေးမလောက်စားနဲ့ ငါ့ကို အာခံတာလား သွားဟေ့ကောင် အဲလောက်မှဆိုးတဲ့ကောင် အိမ်မှာ မနေနဲ့ သွားခုဆင်း ဆိုပြီးပြောခဲ့တယ်.........ကျွန်တော်ကလည်း ဆင်းမယ်ဗျာ ဆင်းမယ် အခုဆင်းမယ် ဆိုပြီးပြောတဲ့အချိန်မှာ စိတ်မထိန်းနိုင်တော့တဲ့ အဖေက အမေ့ကိုတောင် သားသမီးကိုဆုံးမရင် ရိုက်ပြီး မဆုံးမဖို့ပြောခဲ့တဲ့ အဖေက လယ်ဂျာသွင်းရင် မျဉ်းတားတဲ့ မျဉ်းလုံးနဲ့ ကျွန်တော့်တင်ပါးကို ဆင်းအုန်းကွာ ဆင်းအုန်းကွာ ဆိုပြီးရိုက်ခဲ့တယ်......တစ်ကယ်ဆို စိတ်တိုနေတဲ့ အဖေက အားနဲ့တောင်လွှဲရိုက်တာမဟုတ်ပဲ ခပ်ဖွဖွရိုက်ပေမယ့် ကျွန်တော်က သား အိမ်ပေါ်က ဆင်းရင် အဖေ့သားမဟုတ်တော့ဘူး သားကို ရိုက်စရာမလိုဘူး ဆိုပြီး ပြောလိုက်တဲ့အတွက် မျဉ်းလုံးကိုကိုင်လို့ မင်းကွာ မင်းကွာ လို့ တစ်တွတ်တွတ်ပြောရင်း မျက်ရည်တွေကျလို့ သွေးတက်ပြီး သတိလစ်သွားတော့တယ်.......
ငရဲမှာ မိဘစော်ကားတဲ့ ၀ဋ်တွေ ခံရအုန်းမယ့် ကျွန်တော်ကလည်း ခပ်တည်တည်ပဲ အိမ်ပေါ်ကနေဆင်းသွားခဲ့သလို သနားစရာအမေ့မှာလည်း အဖေ့ကို ပြေးပွေ့ထားရင်းနဲ့ အိမ်ပေါ်ကနေ ဆင်းသွားတဲ့ ကျွန်တော့်ကိုလည်း သားလေးရေ မသွားပါနဲ့ သားရယ် ဆိုပြီး အော်ခေါ်နေခဲ့တယ်...........မာန်တက်နေတဲ့ ကျွန်တော်ကတော့ အမေ့ခေါ်သံနဲ့သတိမေ့နေတဲ့ အဖေ့ကို ဥပက္ခာပြုလို့ မိုးတွေရွာနေတဲ့ ကြားမှာ ဘယ်သွားလို့သွားရမှန်းမသိ လမ်းလျှောက်ပြီးထွက်လာခဲ့တယ်.......ခဏနေတဲ့ အချိန်မှာ မိုးရွာထဲမှာ ဆံပင်ဖားလျားနဲ့ ဖိနပ်တောင် မပါပဲ ငိုယိုပြီး သားလေးရေ မသွားပါနဲ့ သားလေးရေ နဲ့ အော်ခေါ်ပြီး လိုက်လာတဲ့ အမေ ကျွန်တော့်ကို မှီလာခဲ့တယ်.......အဲဒီညက အမေ့ရဲ့ ပုံရိပ်ဟာ ကျွန်တော့်ဘ၀ရဲ့ မေ့ပျောက်လို့မရတော့မယ့် အမေ့ရဲ့ ပုံရိပ်တွေထဲက တစ်ခုပါဘဲ..........စောင်ပေပေ ရပ်နေတဲ့ ကျွန်တော့်ကို လက်ဆွဲလို့ သား ပြန်လိုက်ခဲ့နော် အဖေက သားကို ချစ်လို့ပါ ဆိုပြီး ပြောနေခဲ့ပြီး နောက်ဆုံးမှာ ကျွန်တော် အမေနဲ့အတူ အိမ်ကို ပြန်ပါလာခဲ့တယ်.........အဲဒီညတစ်ညလုံး အမေက အဖေ့ကို ပြုစုပြီး အိပ်ပျော်အောင် စိတ်ကိုဖျောင်းဖျပေးနေသလို ကျွန်တော့်ကိုလည်း အဖေ့ကို မစော်ကားဖို့ အဖေနဲ့အမေက ကျွန်တော့်ကို သိပ်ချစ်တယ်ဆိုတာသိဖို့ ကို ထိုင်ပြောပြနေခဲ့တယ်........နောက်နေ့တွေ နောက်နေ့တွေမှာတော့ ကျွန်တော်ထွက်သွားမှာဆိုးတဲ့အတွက် အဖေက မဆူမပြောတော့ပေမယ့် တော်တော်လေးလည်း စိတ်ထဲမှာ ကျိတ်မနိုင်ခဲမရ ဖြစ်ခဲ့တယ်........အမေ့ကိုလည်း မင့်သား ၇ တန်းတောင် အောင်မယ့်ကောင် မဟုတ်ပါဘူးကွာ လို့ အဖေပြောခဲ့တယ်........
Subscribe to:
Post Comments (Atom)
1 comment:
တကယ်လည်းမလွယ်ခဲ့ပါလား အငယ်ကောင်ရေ...
မလင်း
Post a Comment